Ipi. 2:10 - Yus Papí: Shuarja̱i̱ Yus Yamaram Chicham Najanamu

¹⁰ Yus najanamuitji. Kame Jesukrístuja̱i̱ tsaníakrin yamaram iwiaakman suramas tuke péṉker túratniun najatmamji. Yáunchuk nuna enentáimturmasmiaji.

Ipi. 2:10 Iomraidhean Croise

YKan. 100:3

Nekaatarum, Uunt Yuska Yúsaiti. Imiá iikia najanmamachuitji. Antsu Ni najatmaitji. Kame murikiu wáinniua núnis wáitmaji. Tuma asar Ni shuaraitji.

YKan. 119:3

Nekas enentáiji̱a̱i̱ Yusja̱i̱ wekaana nú shuarka yajauchiniam wekaatsui.

YKan. 138:8

Jiuwá ni wakeramun wini̱n umiktatui. Jiuwáa Ame waitnenkartutairmeka iniaṉnatsuk tuke awai. Ame uwejmiji̱a̱i̱ najankamuram iniaisam ikiukip.

YKan. 51:10

Maa Yusá, aṉkant awajtúsam enentái̱r yapajtiurata. Túram aya péṉkera nui̱ṉ tuke enentáimtikritia.

YKan. 81:13

¡Maa Wi shuará anturtukuitkiumni̱ṉkia tura Israerá Wi tama umikiam wekaasaitkiumni̱ṉkia

Isa. 29:23

Warí ni shuari̱sha ni iimiainiamunam Wi túramun wáinkiar Winia náarun ti shiir awajsártatui. Núnisaṉ Jakupa Yusri̱ Tunaarincha Yusan ti shiir awajsártatui túrawar Israera Yusri̱n ashamkartatui.

Isa. 43:7

Winia naarja̱i̱ untsukarma káunkarua núnaka Winia paant awajtiarat tusan najankarmiajai. Ti nekas Wi najankamu áiniawai.

Isa. 44:21

Jakupá, ame Israerá ju̱ enentáimturta. Warí ámeka winia takartiniaitme Wi najanamajme, ámeka winia takartiniaitme, Israerá kajinmátrukip.

Isa. 61:3

Nu arantcha Seúnan enentáimtusar kúntuts pujuinia nuna atsumamuri̱n súsatniun tura yuṉkunminkia juruiniak akupin etseṉkrutai̱n súsarat tusa nuyá̱ kúntuts pujamuncha emeṉkátuk waratai̱ asuiti súsatniun núnisaṉ itiurchat nekapenancha emeṉkátuk warakur Yus shiir enentáimtutai̱ awaṉkéman súsarat tusa akuptúkuiti. Tuma asamtai nekasa nuja̱i̱ métek túrutai̱ rupri numin Uunt Yus Ni winchari̱n iniakmastaj tusa arakuiti tutai ártatui.

Jrm. 31:33

“Kame nu tsawant naṉkaamasmatai Israer shuarja̱i̱ chichaman najanattajna nuka ju̱i̱ti” tawai Uunt Yus. “Wi akupkámunka ni nekatairi̱nkia ikiursaran ni enentái̱nkia áatrartatjai. Tura Wikia ni Yusri̱ átatjai núnisaṉ nisha Wi shuar ártatui.

Mat. 5:16

Núnisrumek atumsha Yusja̱i̱ péṉker túramu paant atí. Tura ashí aents nuna iisar nisha Yus Apan shiir awajsártatui” tímiayi.

Juaṉ 3:21

Antsu ashí nekas túratniun umiiniana nuka tsáapninian weantuiniawai. Yus ni enentái̱n pujuram tsáapninium takainiawai. Nuka ti páantaiti” tímiayi Jesus.

Tur. 9:31

Tura Jutanmaya̱, Kariréanmaya̱sha, Samarianmaya̱sha Yus shuar shiir aṉkant ajasár kakaram ajasármiayi. Yusan ashamainia ásar tura Yusa Wakaní̱ yaya̱mu ásar kaweṉki̱ kaweṉki̱ wéarmiayi.

Tur. 9:36

Túrasha Jupi péprunam nuwa̱ Yus shuar pujuyayi, ni naari̱ Tapitia. Tura nusha Kriaku chichamja̱i̱ṉkia Túrkas tuíniawai. Nu nuwa̱sha nui̱ pujus tuke péṉker túriniuyayi. Tura nisha nútiksaṉ ya̱i̱ wémiayi.

Rum. 8:1

Túrasha yamaikia Jesukrístuja̱i̱ tsaniṉkiaru áinianka Yuska “tunaan túrawar jákatniunam wétin áiniawai” tatsui. Nu shuar ni aya̱shi̱ wakerana nuna umirtsuk antsu Yusa Wakaní̱ wakerana nuna umirainiawai.

Rum. 8:29

Yámankamtaikniumia̱ iin nekarmak ni Uchirí̱ Jesukrístuja̱i̱ métek ajasat tusa achirmákmiaji. Nuja̱i̱ Yusa uchirí̱ untsurí ajasji. Tura Kristu ii iwia̱i̱ri̱nti.

1 Kur. 3:9

Wisha tura Apurussha Yusa takatri̱ mái̱ tsanintkiar takaaji. Tura Yus atumí enentái̱n takaakui atumsha Yusa núṉke̱ya áintsaitrume. Je̱a̱sha enentáimpramniaiti. Yus atumji̱a̱i̱ takaak je̱á̱ je̱a̱mtinia áintsaṉ takaawai.

2 Kur. 5:17

Tuma asamtai, Krístunu ajasúka yamaram najanamuiti. Yaunchu enentáimtai̱ meṉkakaiti. Antsu núnaka íikias ni enentáimtairi̱ṉkia nekas yamaram ajasuíti yamaikia.

2 Kur. 5:5

Yamaram aya̱shtin ajastinian iwiarturmaruitjinia nu Yúsaiti. Tura nekas túrattajai tusa ni Wakaní̱n suramsaitji.

2 Kur. 9:8

Ashí péṉker ana nuna súrak Yusa waitnenkartutairi̱n tí nukap Yus amasminiaiti. Nuja̱i̱ átum wariṉkish atsumashtatrume. Túrasha chikichan yáiṉtin atsumattamna nui̱ṉ núkap takustatrume. Nuja̱i̱ ashí péṉker túratin jeattame.

Kar. 6:15

Krístunu ajasrikia tsupirnaktincha tsupirnakchaitkiursha mái̱ antraiti antsu yamaram akiiniatin nekas péṉkeraiti.

Ipi. 1:1

Yus nuna wakerakui wi Papru Jesukrístu akatrámuitjiai. Jesukrístu nekas enentáimtusrum Yus shuar ajasrum Ipisiunam pujarmena nuna ju̱ papin áatjarme.

Ipi. 1:4

Krístuja̱i̱ uwemprar ti shiir tunaaja̱i̱nchu Niji̱a̱i̱ pujusárat tusa Yus, ju̱ nuṉka atsai̱sha, anaitiamkamiaji.

Ipi. 2:13

Antsu yamaikia Krístuja̱i̱ tsaniṉkiu asarum yaunchu Yusai̱ya̱ yajá pujuwitiatrum, yamaikia Kristu numpé̱ puármatai ni jarutramkamuja̱i̱ tántaitrume.

Ipi. 2:15

Nuik aya Israer shuar Muisais akupkámu untsurí armia nuna umirkatin áiniak nuja̱i̱ chíkich aentsja̱i̱ nemasmanainiarmiayi. Tura Kristu jaka nu akupkámun ántar awajás chikichik aents yamaram awajtámsamiaji.

Ipi. 2:2

Nu tunaanum jú̱ nuṉkanam pujuinia nuja̱i̱ métek tuke wekainiuyarme. Túrarum iwianchi akupniuri̱ wakeramuri̱ umirniuyarme. Iwianchi uuntri̱ Yusan umirainiatsna nuna ashí akaténawai. Kame ju̱ nuṉkanam yajauch wakan ni akupeamuri̱ji̱a̱i̱ wekainia nuja̱i̱ métek atumsha wekainiuyarme.

Ipi. 2:6

Tura Krístuja̱i̱ métek Yus iniantamkimiaji. Nuyá̱ Jesukrístuja̱i̱ métek ju̱ nuṉkanam pujuinia áintsar yamaisha nayaimpinmasha apujtamsatniun tsaṉkatramkaitji.

Ipi. 4:1

Atumsha ni shuari̱ ajastin Yus achikma asarum péṉker wekasatarum tájarme. Ii úuntri̱niun étserkun sepunam pujakun seajrume.

Ipi. 4:24

Tura yamaram enentáimtairam emetatarum. Nuka Yusja̱i̱ métek najanamu asa nekas péṉker tura shiira nuna tuke túriniaiti.

Muis. 32:6

¿Átumka waurka ántichu aentsua ánin ajasrumek Uunt Yus shiir enentáimtikniuram? ¿Kame atumí aparí̱ṉkia Yúschakait? ¿Najatma kakarmarmincha núnisaṉ pujustinniasha ashí iwiarak amasua nuka tura yámankamtaik atumín najatmaka Níchukait?

Jir. 1:6

Yus atumíin tí peṉker awajsatniun naṉkama asa núnisaṉ Jesukrístu táatsa̱i̱ṉ tuke shiir awajtamki̱ nekas péṉker najatmattarme. Nuka ti nekasaiti.

Kurs. 1:10

Atumsha Krístunu ainia núnisrum péṉker takarsak tusar seaji. Tura ashí ni wakerana nu umíakrum ashí péṉker ana nu, nerektinia áintsarmek túrattarme. Núnis túrarum Yusna unuimiátki̱ wéakrum Niniu tí peṉker nekaak tusar seaji.

Kurs. 3:10

Túrarum yapajmiámatniua núnisrum yamaram pushí entsaruitrume. Kame yamaram nekatai̱ achikrum iin najatma urukuit nuja̱i̱ métek tí peṉker ajasat tusa túramuitrume.

2 Tis. 2:17

Nu tuma asamtai péṉker chichastarum tura péṉker takastarum tusa Jesukrístuka shiir enentáimtikramar ikiakátmararti.

1 Tim. 5:10

Ti paant péṉker túrin átiniaiti. Ni uchirí̱n péṉker tsakatmashit, iraran péṉker taatá tíniuashit, nekasmiancha enentáimtumar Yus shuaran yáiniashit, wáitiainia nuna waitnenniuashit tura chikichnasha péṉker túriniaitkiuṉka maak.

1 Tim. 5:25

Núnisaṉ péṉker túramusha ti paant áiniawai. Tura yamái páantchaitiat tuke paantcha áchamniaiti. Páchitsuk nekanattawai.

1 Tim. 6:18

“Péṉker túratarum” tiartá. Tákumin nisha shiir enentáiji̱a̱i̱ ni takakman ajamsarti. Nuyá̱ nú péṉker túramuja̱i̱ Yusai̱ ikiauṉkarti.

2 Tim. 2:21

Núniskete Yusa takatrí̱ji̱a̱i̱. Ashí tunaanumia̱ kanakir péṉker wekasar shiira nu takasmin átatji. Kame ashí péṉkera nu takasmin asakrin ii Uuntri̱ Jesukrístu wakerak péṉker takata nui̱ apujtamsamniaitji.

Tit. 2:14

Jesukrístuka iin jarutramkamiaji ii tunaarí̱nia̱ uwemtikrampratajtsa. Tura Winia ajasár tuke enentáiji̱a̱i̱ péṉker túrawarat tusa ii tunaari̱n japirtampramiaji.

Tit. 2:7

Tura amesha Titiu, ashí tsawant péṉker wekasata. Nu natsa wi túramun júkiar nunak túrawarmi tusam nu túrata. Tura anturtamna nu “nekaschapitia” ti̱i̱ṉ tusam esetsam enentáimsam Yus Chicham tana nu ímiatrusmek jintintiata. Nú túrakmiṉkia Yus Chichaman nakitiana nu shuar “Titiu náṉkamas chichaawai” títiaj tukamá natsaamak tujintramkattui.

Tit. 3:1

Titiú, ju̱ enentáimtikrarta. Ashí akupin ainia nusha tura chíkich úunt akupena nusha anturkar umirkartin áiniawai. Núnisaṉ péṉkeran túratin ana nuna páchitsuk umiktiniaiti.

Tit. 3:14

Iiní̱ Yus shuar ainia nusha péṉker túratniun tura atsumainia nunasha yáiṉtinian nekaawarti. Ántar pujusára̱i̱ṉ tusan nuna tajai.

Tit. 3:8

Nuka ti nekasaiti. Tuma asamtai Yusan umirkarmia nu, péṉker túratniun tuke wakerukarat tusam tuke jintinki̱ wetá. Wi tímiajna nu, péṉker asamtai ashí aents nuna nekaatniun atsumainiawai.

Isr. 10:24

Péṉker anenain tura péṉker túrin ajasártai tusar mai̱ yáiniaikiartiniaitji.

1 Pit. 2:12

Yus shuarchanum péṉker wekasatarum. Túrakrumni̱ṉkia nisha yamái “Yus shuar yajauch túruiniawai” ántar tuíniayataṉ ukunmaṉka Yusja̱i̱ iṉkiunaiktin tsawant jeamtai péṉker wekarmena nuna enentáimturmasar nú shuarsha Yusan shiir awajsártatui.

1 Jṉ. 1:7

Yuska tuke tsáapninium pujuwiti. Iisha núnisrik tuke tsáapninium pujakrikia nuamtak nawamnaikiar pujuiniaji. Túrakrin Yus ni Uchirí̱ Jesukrístu numpe̱ja̱i̱ ashí ii yajauch túramuri̱n japirtamji.

1 Jṉ. 2:6

“Yusja̱i̱ tsaniṉkia wekaajai” tana nú shuar Jesukrístu wekasamia núnisaṉ wekasatniuiti.