Ipi. 2:1 - Yus Papí: Shuarja̱i̱ Yus Yamaram Chicham Najanamu

¹ Átum yajauch túrakrum tunaanum tuke wekaakrum Yusai̱ya̱ kanakin asarum jákauyarme.

Ipi. 2:1 Iomraidhean Croise

Naṉ. 8:21

Tura nuna kuṉkuntin Uunt Yus ti shiir nekapramiayi. Tura Ní enentáimsaṉ chichaak “Yamaikia aentsu yajauch túrutairi̱nkia nuṉkanka ama̱a̱ja̱i̱ṉkia atakka peṉké amukchatniuitjiai. Warí aentska uchichinmaya̱ṉ yajauch enentáimin áiniawai. Núnisnak ashí iwiaaku matsamártatna nunasha amukchartatjai.

Mat. 8:22

tutai Jesus chicharuk “Nemartusta. Wakannium jaka ainia nu nú jakanka iwiarsarti” tímiayi.

Ruk. 15:24

Warí, ju̱ winia uchir jakaapitia tu enentáimsamjai. Túrasha iwiaakui. Meṉkakama nuna wainkiajai’ tímiayi. Nuiṉkia ti warasarmai.

Ruk. 15:32

Tura ame yátsum jákaiti tu enentáimsamiaj nu iwiaakuiti. Meṉkaka nu yamaikia wainkiaji. Tuma asamtai námper najanar waraschatniukaitiajⁱ timiai’” tímiayi.

Juaṉ 10:10

Kásaka aya kasamkatniuncha mátniuncha emesratniuncha wakeruiniawai. Antsu Wikia yamaram iwiaakman tuke atsumtsuk nekaprarti tusan táwitjiai.

Juaṉ 14:6

Takui̱ Jesus aya̱k “Wi nekas jíntiaitjiai. Núnisnak Nekasa nuitjiai. Tura Iwiaakmaitjiai. Yaaksha Winí̱ winiachkuṉka Aparuí̱ peṉké jeashtatui.

Juaṉ 5:21

Winia Apar jakamunmaya̱n iwiaaku ajasat tusa Ni wakerana nuna inianteatsuk. Núnisnak ni Uchirí̱ asan Wi wakeraj nuna iwiaaku awajsámniaitjiai.

Juaṉ 5:25

Tí nekasan tájarme. Tsawant átatna nu jeayi. Nu tsawant jaka ainia nu Yusa Uchirí̱ untsumman antukar iwiaaku ajasártatui.

Rum. 8:2

Jesukrístuja̱i̱ tsaniṉkiu asakrin Yusa Wakaní̱ nekas iwiaaku awajtámsaitji. Tuma asamtai tunáa túratniunmaya̱ tura jákatniunmaya̱sha aṉkant ajasuitji.

1 Kur. 15:45

Yus Papinium nuní̱ áarmaiti “Emka áishmaṉ ni naari̱ Ataṉ, aents ajas iwiaaku ajasmiayi.” Naṉ. 2:7 Ukunmaṉka yamaram Ataṉka áintsaṉ Kristu, wakan asa ashí aentsun nekas iwiaaku átinian susamniaiti.

2 Kur. 5:14

Kame ashí ii túrajnia nu Kristu aneṉkrattairi̱ji̱a̱i̱ túraji. Kame ju̱ nékaji, Kristu ashí shuaran jaruku asamtai Yus íimmianum ashí iisha jaka núnisaitji.

Ipi. 4:18

Ni enentái̱n kusuru áiniak Yusna nuna nekaatniun wakeruiniatsui. Tuma ásar shiir wekasatniun, Yus amaana nuna, nékainiatsui.

Ipi. 5:14

Nu asamtai Yus Papinium tawai “Kanaruitme nu shintiarta. Jakamunmaya̱ nantaktia. Tura Kristu tsáapin awajtúrmastatui.” Isa. 60:1

Kurs. 2:13

Nuikkia átumsha tsupirnatsuk atumí tunaarí̱ tuke akui atumí wakaní̱i̱n jákauyarme. Tura yamaikia Jesukrístuja̱i̱ tsaniṉkiu asakrumin Yuska atumí tunaarí̱ tsaṉkur yamaram iwiaakman suramsaitrume.

1 Tim. 5:6

Antsu aya wárastiniak wakera nuka iwiaakiat jaka áintsaṉkete.

1 Jṉ. 3:14

Iikia jákatniunmaya̱ uwempra asarⁱ nekas iwiaaku pujaji. Túmakur Yus shuar ainia nu aneaji. Nuja̱i̱ yamaram iwiaakma takakjinia nu imiá páantaiti. Shuar Yus shuaran aneachkuṉka tuke jákatniunam wekaawai.

Apu. 3:1

Nuyá̱ turutmiai “Sártisnumia̱ Yus shuara uuntri̱ ju̱ áatrata. Siati Yusa Wakaní̱n takakna nu tura núnisaṉ siati yaan takakna nu, tawai ‘Ashí ame túram nuna nékajai. Iwiaakua áintsaṉ wekayatmek Wíji̱a̱i̱ṉkia jákaitme.