Ipi. 1:9 - Yus Papí: Shuarja̱i̱ Yus Yamaram Chicham Najanamu

⁹ Nuja̱i̱ shiir enentáimturmak Kristui̱ iin uwemtikrampratniun wakerutmakmiaj nuna yaunchu nekaachman yamái paant awajtúrmaji.

Ipi. 1:9 Iomraidhean Croise

YKan. 33:11

Uunt Yusa jintinkratmari̱ṉkia tuke iniaitsuk imiá nekas ártatui. Núnisaṉ Ni enentái̱ji̱a̱i̱ enentáimmiaka ashí atumí uchirí̱ṉsha tura tiraṉki̱ṉsha nuyá̱ tiraṉmia ímianaisha ártatui.

Jrm. 2:29

Tuma ai̱sha ¿urukamtai Winiasha kajertarum? Warí Wíniaka ashí kajertukrum átumka ajapa iniaitiusuitrume, tawai Uunt Yus.

Mat. 13:11

Tutai Jesus chichaak “Urukuk ju̱ nuṉkanam Yus akupin ati, nuka yaunchu nekanachmiayi. Tura yamaikia Yus ashí nuna atumín paant iniakturmawai. Antsu chíkich nuna nekaachmin áiniawai.

Ruk. 12:32

Winia murikrutiram ashamkairap. Untsuríchuitrume. Túrasha atumí Aparí̱ ni akuptáiri̱i̱n pachitmaktasa ti wakerutmarme.

Ruk. 2:14

“Nayaimpinmasha Yus naṉkamantuiti tu enentáimtusarti. Tura ju̱ nuṉkanmasha Yusja̱i̱ nawamnaikiaru ainia nusha aṉkant pujusárti.” Tu tiármiayi.

Tur. 13:48

Nú chichaman antukar Israer shuarcha ti wararsar “Uunt Yus tana nuka imiá péṉkeraiti” tiármiayi. Tura ashí tuke iwiaaku pujusmin achikma armia nu Krístun enentáimtusar Yus shuar ajasármiayi.

Tur. 2:23

Tura Jesus surunkamia nuna Yus yaunchu túmatsa̱i̱ṉ paant nekaamiayi. Túrasha Yus enentáimmia nuja̱i̱ métek túrawarmiayi. Tura atumek emetarum Jesus jukimiarme. Nú arant krúsnum mátarum tunáa shuar tímiarme.

Tur. 4:28

Tura Ame enentáimji̱a̱i̱ iwiaramamna nuna tímiannak umikiarmiayi.

Rum. 11:25

Yatsuru, naṉkamantu enentáimtumara̱i̱rum tusan yaunchu nekaachman ujajrume. Ju̱i̱ti, Israer shuarnumia̱ṉka Yusan nekas enentáimtustinian nakimiainia írunui. Túrasha ashí Israer shuarcha Yus shuar ajastin ainia nu umikiarmatai

Rum. 8:28

Yus anea asakrin ashí naṉkatamjinia nuja̱i̱ Yus pujurtamji. Tura nuja̱i̱ péṉker awajtamji. Nu paant nékaji. Tura Ni wakerimia núnisaṉ Ní shuar awajtámsaitji.

1 Kur. 1:21

Aya ni nékamuja̱i̱ aents Yusan nekaacharmiayi. Núnisaṉ atí tusa Yus túramiayi timiá neka asa. Antsu ashí aentsun Yus ni chichame̱ja̱i̱ uwemtikratniun wakerimiayi. Chíkich “ántraiti” tuíniana nu chichamja̱i̱ṉᵏⁱ Yus Niin enentáimtuinia núnaka uwemtikratniun wakerak túramiayi.

Kar. 1:12

Aentska ujatkachmai. Unuitiutnasha unuitiurchamai. Antsu Jesukrístuk winia paant jintintruamai.

Kar. 1:15

Túrasha wikia akiintsa̱i̱ṉ Yus winia achirkámiayi tura ti aneṉkratmari̱ji̱a̱i̱ winia anaitiukmiayi.

Kar. 1:16

Nuikia shiir enentáimiuk ni Uchirí̱n paant nekamtikruamai. Tura Israer shuarchanum ni shiir chichame̱n etserkat tusa akuptúkmiayi. Tuma asamtai chíkich shuaran aniaschamjai.

Ipi. 1:11

Iisha Krístuja̱i̱ tsaniṉkiu asakrin Yus yaunchu achirmákmiaji ashí Niniu ana nuna tsaṉkatramkatniun. Nunasha ashí Ni túrana núnisaṉ aya Ni wakera asa túramiayi.

Ipi. 1:8

Tura tí anenmak ni enentáimtairi̱n tura nekatairi̱ncha suramsamiaji.

Ipi. 3:11

Yus jú̱nis túratniun yáunchuk enentáimpramiayi. Tura ii Uuntri̱ Jesukrístuja̱i̱ mash uminkiamiayi.

1 Tim. 3:16

Maa, imiá nekasaiti, Yus iwiaintiurmakma ashí naṉkaamas tí enentáimtustiniaiti. Tura ju̱i̱ti, Yuska aents ajas aya̱shtiuk jú̱ nuṉkanam paant wantinkiamiayi. Yus Wakancha “tuke peṉké mátrachuiti” Niin etserkamuiti. Yusa suntarí̱sha Nin wáinkiarmiayi. Ashí nuṉkanam nu etsernakmiayi. Túramtai ashí nuṉkanmaya̱ aents nekas enentáiji̱a̱i̱ enentáimtusaruiti. Tura nayaimpiniam iwiaintiurkamuyayi.

2 Tim. 1:9

Ii péṉker túrichu árini̱ṉ Yus iin anenma asa uwemtikramar péṉker túratniunam apujtamsaitji. Iisha Jesukrístuja̱i̱ tsaniṉkiaru asakrin tura Yus nuna túratniun wakerak túramiayi. Yaunchu ju̱ nuṉka atsai̱sha iin tuke waitnentrampramiaji.