Ipi. 1:7 - Yus Papí: Shuarja̱i̱ Yus Yamaram Chicham Najanamu

⁷ Yus imiá waitnentramak ni aneamu Uchirí̱ numpe̱ja̱i̱ ii yajauchiri̱n akikmatramak uwemtikrampraitji.

Ipi. 1:7 Iomraidhean Croise

YKan. 130:4

Túrasha Ámeka tsaṉkukratniuitme, shiir awajtai̱ ámij tusam túriniaitme.

YKan. 130:7

Maa Israerá, ame enentáimmiarmeka Uunt Yusai̱n ikiusta. Warí, Uunt Yuska waitnenkartiniaiti tura Niinkia tí nukap aṉkant ajastin awai.

YKan. 86:5

Warí Uuntá Ámeka péṉkeraitme tura tsaṉkurkartiniaitme. Ame uunt waitnenkartutairmiji̱a̱i̱ ashí Ámin untsurmainia nuka waitnenniuitme.

Jiin. 34:7

Núnisnak nekapmarchamnia mir naṉkaamas aentsun waitnenniuitjiai. Tunaan tsaṉkurniuitjiai. Umíachmancha, yajauch túruinia nunasha, aparí̱ tunaari̱n uchirí̱ncha, tiraṉkí̱ncha nuna tiraṉkí̱ncha nuyá̱ tiraṉkí̱ncha nútiksanak menaintiú tura áintiuk weanmaya̱ aentsu tunaari̱ncha asutniuitjiai” tímiayi.

Jrm. 31:34

Nuya̱ṉka yaaksha ni shuari̱nkia yachi̱nkisha ‘Uunt Yus nékamek’ tusaṉka jintintiáshtatui. Warí peṉké uchichinmaya̱ṉ juárkin úuntaimiak ashí nekarawartatui” tawai Uunt Yus. “Warí ni yajauch túrukmari̱n Wi ashí tsaṉkuraran núnaka atakka peṉké enentáimtuschattajai.”

Tan. 9:19

Uuntá, péṉker antukam tsaṉkurturta. Uuntru, aneṉkratin asam túrata. Warí, winia Yusru ju̱ péprusha tura amé shuarsha ame náarmiji̱a̱i̱ anaikiamu áiniawai” tu seamiayi Taniar.

Tan. 9:9

Kame ii kajekar nakitrámsha waitnentramar tsaṉkurtámpratniuka ii Úunt Yusri̱niuiti.

Jns. 4:2

Tura Uunt Yusan chicharuk “Uunt Yusru, winia nuṉkarui̱ pujusan áuchunak tímiaj. Tuma asan Társes péprunmaani̱ pisamjai. Warí nékajme, Ámeka waitnenkartin Úunt Yusaitme, wárik kajechuitme. Núnismek tí waitnenkartin asam asutiáttajme táyatmek enentáimprakriṉkia itiurchatka akupchaitme.

Mik. 7:18

¿Ámiji̱a̱i̱ métek chíkich Yussha áwak? Kame yajauch túrutai̱sha tura Yusa aentsri̱ Nin enentáimtin juákaru ainia nuna tunaarí̱sha tsaṉkuram kajinmátniuitme. Warí Ni waitnenkartutariji̱a̱i̱ péṉker asa tuke kajekka pujuchuiti.

Sak. 13:1

Kame nu tsawantinkia Tawit shuar tura Jerusaréṉnum pujuinia nuna tunaari̱n núnisaṉ mui̱jmiai̱ ajakárman nijiartin púkuni chíṉkiamu átatui.

Sak. 13:7

Maj, puyá̱a̱, Winia murikiu wáinin tura áishmaṉ Winia a̱i̱rua nu ijiuarta” tawai Ashí Akupin Uunt Yus. “Tura murikiu wáinniun mantuattajai túram murik pisarartatui. Antsu uchichincha nekapsan amukchartatjai.”

Sak. 9:11

Núnisaṉ Wi ámiji̱a̱i̱ chícham najanamua nú numpaja̱i̱ áminiu ainia nuna uwempraitjiai. Tura áminiu sepunam wá̱a̱nam entsa ku̱yu̱á eṉkeamu pujuiniancha aṉkant awajsartatjai. Jiin. 24:6-8; 1 Kur. 11:25

Mat. 20:28

Wisha Aents Ajasuitiatan Winia yáintkiarat tusan táchaitjiai antsu shuaran yáiṉtaj tusan táwitjiai. Untsurí shuara tunaarí̱ tumashri̱n akikmatkataj tusan jákatniuitjiai. Nuna tarimjiai” tímiayi Jesus.

Mat. 26:28

Ju̱ka winia numparuiti. Tura winia numpar puármatai yamaram chicham nekas uminkiattawai tawai. Tura puármatai untsurí shuara tunaari̱n tsaṉkurattawai.

Mat. 6:12

Tura ii nemasri̱ tsaṉkureajnia núnismek Aparu, ii yajauch túrutai̱ tumashri̱sha tsaṉkurkarturta.

Mar. 14:24

Umararmatai Jesus chicharainiak “Ju̱i̱ti winia numpar untsurí aentsun yáiṉkiartinian puártatna nu. Nuja̱i̱ Yamaram Chichaman Yus najanaiti.

Ruk. 1:77

Ni shuari̱ ni tunaarí̱ tsaṉkurnar uwemprarat tusam túrattame.

Ruk. 24:47

Winia náarun pachisar Jerusaréṉnumia̱ naṉkama ashí nuṉkanam nu chicham etsernaktinia nu áarmauyayi. Shuar ni yajauch túrunamuri̱ tsaṉkurnarat tusar enentái̱n yapaji̱átniuiti. Tura tu etserkatniua nusha yaunchu áarmauyayi.Mks. 1:11

Juaṉ 20:23

Shuara tunaari̱ṉkia átum ‘Tsaṉkurnarti’ tákurminkia tsaṉkurnartatui. Tura nu shuar ‘sumamati’ tákurminkia sumamati” tímiayi Jesus.

Tur. 10:43

Ya shuarak Jesusan enentáimtak ni náari̱n pachia nú shuarnaka tunaari̱n tsaṉkurattawai, nuna ashí Yúsnan etserniusha yaunchu etseriarmiayi” tímiayi.

Tur. 2:38

Tutai Pítrusha chichaak “Atumí tunaarí̱ ené enentáimia ajasjai tusarum Yus nekas enentáimtustarum. Tura ashí shuartiram Jesukrístu naari̱ pachisrum imiantiarum. Nuiṉkia atumí tunaari̱n Yus tsaṉkurtámprattarme. Túrunawakrumin Yuska ni Wakaní̱n suramsattarme.

Tur. 20:28

Tuma asamtai emka atumek íimiastarum. Túrarum nuyá̱ chíkich Yus shuar iistarum. Yus shuaran wáinin ajastarum tusa Yusa Wakaní̱ achirmákurme. Yus shuar ainia núnaka ni numpe̱ja̱i̱ṉ Uunt Jesus sumakchakait.

Tur. 3:19

Wats, yamaikia atumí yajauchiri̱ya̱ ené enentáimia ajasrum kanaktiarum. Túrarum tunaarun asakárat tusarum Yusai̱ni̱ apajá̱rtarum. Túrunawakrumni̱ṉkia atumín uwemtikramprarat tusa Yus yaunchu anaikiamia nuna akuptúrmaktatrume. Tura nuka Jesukrístuiti. Tura Nisha enentáim ayamtikrai tusa amastatrume.

Rum. 2:4

Wats, Yus imianú wait aneaku asa katsunteamuri̱sha tsaṉkarí̱sha ¿shiir awajtutsuk wasureamek? Kame ni waitnentrammari̱ ame atak enentáimpratjai turutit tusa nákarma nuka nékatsmek.

Rum. 3:24

Tuma ai̱ṉ Yuska iin Jesukrístuja̱i̱ uwemtikramar waitnentrampra asa ii akikmakchamuja̱i̱ “tunaarincha awajsámuitme” túramji.

Rum. 3:25

Tura Krístun akupkámiayi ni jakamuja̱i̱ ashí tunaan asakártinian. Túramtai shuar Niin nekas enentáimtuiniakui Yus tsaṉkuramniaiti. Yaunchu tunáa túramun katsunteak enentáimtuschamiayi. Yamái tsaṉkuramnia nuna yaunchu nekáa, nuna turamniuyayi.

Rum. 9:23

Tura Yus núnisaṉ ni winchari̱ tí peṉkera nuna tura tí nukap ana nunasha iniakmastinian wakerak waitnenkarturtinia nuna Ni yaunchu iwiararmai.

1 Kur. 1:30

Tura Yus atumín Krístuja̱i̱ tsaniṉ apujtamsaiti. Tura Kristu enentáimtusar Yus nekas nekatai̱ṉkia nekaattaji. Kristu enentáimtakrin Yus shiir enentáimturmaji, péṉker awajtamji tura uwemtikramji.

2 Kur. 8:9

Ii Uuntri̱ Jesukrístu waitnenkartutairi̱ nékarme. Ashí takakuyayi tura atumín anenma asa kuítrincha núnisaṉ ajasmiayi. Ju̱ nuṉkanam kuítrincha núnis ajasmatai átum nayaimpiniam kuítriniak tusa túramiayi.

Ipi. 1:14

Yamái Yusa Wakaní̱ ii enentái̱n pujuruk tuke uwemtikramji. Tura takas umik nu tsawantai̱ ashí tsaṉkatramkattaji. Tura ii enentái̱n pujá asamtai Yus ukunam Níji̱a̱i̱sha ashí tsaṉkatramkattaj nu paant nékaji. Maa, Yus tí peṉker asamtai Nin ashí ti shiir awajsarti.

Ipi. 1:18

Tura enentáimincha paant enentáimtikramprarti tusan seajai. Nuja̱i̱ shiir túrutmataj tusa achirmákuitrum nu nekaattarme. Nu arantcha imiá shiira nu, Yus ni shuari̱n ashí tsaṉkatkattana nusha nekaattarme.

Ipi. 1:6

Núja̱i̱ṉkia ni waitnenkartutairi̱ imiá péṉkera nu paant atí tusa nuna túriniaiti. Núnaka peṉké ántar ni aneamu Uchirí̱n suramsaitji.

Ipi. 1:8

Tura tí anenmak ni enentáimtairi̱n tura nekatairi̱ncha suramsamiaji.

Ipi. 2:4

Antsu Yus ti waitnenkartin asa iin tí anenmamiaji.

Ipi. 2:7

Nuja̱i̱ Ni ti aneṉkratmari̱ncha tura Kristu túrunamuja̱i̱ waitnentrampramuncha nekapmarchamnia iniaṉnatsuk ukunma ímianaisha tuke Ni ti waitnenkartutairi̱nkia iin iniakturmasuiti.

Ipi. 3:16

Yus ti kakaram asa ni Wakaní̱ji̱a̱i̱ atumí enentái̱n pujureak ashí ni kakarmari̱ya̱n atumín suramsarat tusan áujtajrume.

Ipi. 3:8

Ashí Yus shuarja̱i̱ naṉkaamas wi péṉkercha ai̱ṉ Israer shuarchanum shiir chichaman etserkat tusa Yus tsaṉkatrukmiayi. Krístuja̱i̱ṉkia kuitji̱a̱i̱ naṉkaamas péṉker, enentáimtustin jeatsjinia nu, takakji. Nusha ti shiir chichamaiti.

Jir. 4:19

Winia Yúsrusha tí peṉkeran núkap takakui. Atumsha Jesukrístunu ajasu asarum Yus seamniaitrume. Tura Yuska ti takakna nuja̱i̱ ashí atsumarmena nuna suramsattarme.

Kurs. 1:14

Ni Uchirí̱ krúsnum jaka ii tunaarí̱n nijiar tsaṉkurtamar uwemtikrampramiaji.

Kurs. 1:27

Nu chichamsha ju̱i̱ti. Kristu atumí enentái̱n pujak Niji̱a̱i̱ métek ti shíiram awajtámsattawai. Nu imiá shiir chichamnum Israer shuarchasha pachiniainian Yus ashí ni shuari̱ nekaawarat tusa wakerimiayi.

Kurs. 2:13

Nuikkia átumsha tsupirnatsuk atumí tunaarí̱ tuke akui atumí wakaní̱i̱n jákauyarme. Tura yamaikia Jesukrístuja̱i̱ tsaniṉkiu asakrumin Yuska atumí tunaarí̱ tsaṉkur yamaram iwiaakman suramsaitrume.

Kurs. 2:2

Ashí shiir enentáimtikratniun ti takaajai. Núnisan aneniarum chikichik enentáiji̱a̱i̱ métekrak wekasatarum tusan wakerajrume. Nu arantcha ashí Yusna tí peṉker nekaarum tuke katsua̱ruk tusan takaajai. Nuja̱i̱ Kristu tí peṉker nekaattarme. Tura yaunchu nekaachman Yus yamái paant awajsaiti. Nuka Krístuiti. Tura Ni nekaatin nekas shíiraiti.

1 Tim. 2:6

Ashí shuara tunaari̱n akikmatkataj tusa jákatniunam Jesukrístu surumakmiayi. Tura tsawant jeamtai nu chicham ashí shuarnum etsernaktiniuyayi.

Tit. 2:14

Jesukrístuka iin jarutramkamiaji ii tunaarí̱nia̱ uwemtikrampratajtsa. Tura Winia ajasár tuke enentáiji̱a̱i̱ péṉker túrawarat tusa ii tunaari̱n japirtampramiaji.

Tit. 3:6

Jesukrístu jakamuja̱i̱ Yus iin ementúrmatsuk ni Wakaní̱n suramsamiaji.

Isr. 9:22

Nu akupkámuja̱i̱ peṉké ishichik numpa ukatkachmaja̱i̱ shiir awajsámniaiti. Túmaitiat numpaja̱i̱nchuka yajauch túrutai̱ peṉké asakárchamniaiti.

1 Pit. 2:24

Kristu imia Niṉki ni aya̱shí̱i̱n ii tunaari̱n entsakí̱ krúsnum jarutramkamiaji. Kame iikia yajauch túrutainmaṉka jákaitji. Túmaitiatar naka péṉkera nuja̱i̱ métek túratniunam iwiaakji. Ántsarik Ni asutniámuja̱i̱ iikia tsuámaruitji.

1 Pit. 3:18

Kristu ii tunaari̱n asakártaj tusa jarutramkamiaji. Ashí asakárma asamtai atak tunaan jarukchatniuiti. Nisha tunaan peṉké túrichuitiat ii tunáa asakrin Yusai̱ ejetamtai tusa wáitrutmasmiaji. Aya̱shi̱i̱nkia jakayat ni wakaní̱ji̱a̱i̱ ni aya̱shi̱ ataksha iwiaaku ajasmiayi.

1 Jṉ. 2:12

Uchitirmincha, Jesukrístu jakamuja̱i̱ atumí tunaarí̱ tsaṉkurnaru asakrumin ju̱na áateajrume.

1 Jṉ. 2:2

Jesukrístu ii tunaari̱n asakártaj tusa jarutramkamiaji. Túrasha aya íiniunkechu antsu ashí shuara tunaari̱n asakártaj tusa jarukmiayi.

1 Jṉ. 4:10

Ju̱ja̱i̱ nekas aneṉkrattaiṉkia paant nekanamniaiti, ii Yus aneaj núchaiti. Antsu ii ti tunáa árini̱ṉ Ni aneachmaitiataṉ Yuska ti anenma asa ni Uchirí̱n ii tunaari̱n asakárat tusa akuptúrmakmiaj nuja̱i̱ nekas nekanamniaiti.

Apu. 14:4

Nu shuarsha nuwa̱ja̱i̱ yajauch ajascharu ásar ti shiir áiniawai. Túrawar Murik wéana nui̱ nemarainiawai. Ju̱ nuṉkanmaya̱ shuarnumia̱ uwempraru ásarmatai Yussha tura Muriksha ti shiir enentáimtiarmai. Nisha emka juukma ti shiira núnisaṉ armai.

Apu. 5:9

Ju̱ yamaram kantancha kantampriarmai “Amek imiá naṉkaamas akupniuitme. Amek papí achikiam asakamu já̱a̱kminiaitme. Yus sutai namaṉkea áinis mantamna asam túramniaitme. Ashí nuṉkanmaya̱ shuarnumia̱sha Yusna árat tusam ame numpe̱mja̱i̱ iin sumakmiame.