Ipi. 1:6 - Yus Papí: Shuarja̱i̱ Yus Yamaram Chicham Najanamu

⁶ Núja̱i̱ṉkia ni waitnenkartutairi̱ imiá péṉkera nu paant atí tusa nuna túriniaiti. Núnaka peṉké ántar ni aneamu Uchirí̱n suramsaitji.

Ipi. 1:6 Iomraidhean Croise

YKan. 22:20

Puya̱ja̱i̱ mantamnatniunmaya̱ṉka aṉkant awajtusta. Taṉkú ya̱wá̱ esati mantuawara̱i̱ṉ tusam tsaṉkamprukaip.

YKan. 60:5

Ame untsuurumji̱a̱i̱ aneamuram uwemtikrarta túram ai̱kratkata.

Neka. 16:4

Uunt Yus ashí ni wakera nuja̱i̱ métek ashí uminkiati tusa najankaiti. Nu arantcha Nin enentáimtichu asutniátin tsawantcha jeartiniaiti.

Isa. 42:1

Ju̱i̱ti Winia takartin anaikiamu yáiṉtatjana nu. Wi anaikiamu asamtai wakantrusha shiir enentáimtawai. Winia wakantrun nin súsaitjiai. Túramu asa nekasa nuja̱i̱ ashí nuṉkan sumamtikiawartatui.

Isa. 61:11

Warí núṉkaka warinkísh tsapamtiktsuk tura jiṉkiaisha ajanam arakám tsapainia núnisaṉ Uunt Yuska nekasa nuja̱i̱ métek túrutai̱n tura Uunt Yus shiir awajsatniuncha ashí nuṉkanam nékamtikiawartatui.

Isa. 61:3

Nu arantcha Seúnan enentáimtusar kúntuts pujuinia nuna atsumamuri̱n súsatniun tura yuṉkunminkia juruiniak akupin etseṉkrutai̱n súsarat tusa nuyá̱ kúntuts pujamuncha emeṉkátuk waratai̱ asuiti súsatniun núnisaṉ itiurchat nekapenancha emeṉkátuk warakur Yus shiir enentáimtutai̱ awaṉkéman súsarat tusa akuptúkuiti. Tuma asamtai nekasa nuja̱i̱ métek túrutai̱ rupri numin Uunt Yus Ni winchari̱n iniakmastaj tusa arakuiti tutai ártatui.

Jrm. 23:6

Tura Ni akuptiatna nu tsawantinkia Jutanmaya̱ shuarka uwemprartatui. Núnisaṉ Israersha aṉkant sapijmiatsuk matsamsartatui. Túramu ásar ‘Uunt Yus ii nekasa nuja̱i̱ métek túrutai̱’ tu anaikiartatui.”

Jrm. 33:9

Jú̱ pepruka Winia náarun pachisar warainiak tura winia wincharun wararainiakᵘ shiir awajtin ártatui. Túrasha ashí péṉkeran Wi jú̱ peprun túraitjiana nuna ashí nuṉka uunt mátsatkamunam antuk nekaawar ashamainiak tákeer ajartatui.’

Sak. 13:7

Maj, puyá̱a̱, Winia murikiu wáinin tura áishmaṉ Winia a̱i̱rua nu ijiuarta” tawai Ashí Akupin Uunt Yus. “Tura murikiu wáinniun mantuattajai túram murik pisarartatui. Antsu uchichincha nekapsan amukchartatjai.”

Mat. 17:5

Tura Pítiur tu auju wajái̱ yuraṉkim ti puju amuamiayi. Tura nu yuraṉminmaya̱n chichaman antukarmiayi. “Ju̱ka winia aneamu Uchiruiti. Nin ti shiir enentáimtajai. Ni péṉker anturkatarum” tímiayi. Tu chichasmiayi Yus.

Mat. 20:9

Takui̱ nantu patamsa ai̱ naṉkamawaru waya̱warmatai chikichík tenariu kuit jean ashí akikiármai.

Mat. 3:17

Túramtai nayaimpinmaya̱ Yus chicháa antukamiayi “Ju̱ka winia Uchiruiti. Ti aneamuiti. Ti shiir enentáimtajai” tímiayi.

Ruk. 2:14

“Nayaimpinmasha Yus naṉkamantuiti tu enentáimtusarti. Tura ju̱ nuṉkanmasha Yusja̱i̱ nawamnaikiaru ainia nusha aṉkant pujusárti.” Tu tiármiayi.

Juaṉ 10:17

Winia murikrun uwemtikrataj tusan jakattajai túran atak nantaktiatjai. Nu asamtai winia Apar anentui.

Juaṉ 3:35

Yus Apa ni Uchirí̱n anea asa ashí ana nuna iistí tusa íktusuiti.

Rum. 8:1

Túrasha yamaikia Jesukrístuja̱i̱ tsaniṉkiaru áinianka Yuska “tunaan túrawar jákatniunam wétin áiniawai” tatsui. Nu shuar ni aya̱shi̱ wakerana nuna umirtsuk antsu Yusa Wakaní̱ wakerana nuna umirainiawai.

2 Kur. 4:15

Atumsha untsurí aentssha Yus Chicham antukakrumin Yus yaintmakurme. Tuma asamtai atumsha nútiksarmek Yus yumiṉsarum pujarme. Nuja̱i̱ Yusa naari̱ uunt awajsamuiti. Nu nekaar wáitsatin ashamatsji.

2 Kur. 5:21

Krístuka peṉké tunaarinchauyayi. Túmanak íi tunaari̱n Yus Krístun makumiayi. Nuna tura Kristui̱ iikia makuchmin Yusa péṉkeri̱ ajasúk tusa túraiti.

Ipi. 1:12

Iikia Israer shuar asar Kristu emka umirkakrin iin imiá péṉker túrutmamun nekaawar ashí shuar Yusan ti shiir awajsámin áiniawai.

Ipi. 1:14

Yamái Yusa Wakaní̱ ii enentái̱n pujuruk tuke uwemtikramji. Tura takas umik nu tsawantai̱ ashí tsaṉkatramkattaji. Tura ii enentái̱n pujá asamtai Yus ukunam Níji̱a̱i̱sha ashí tsaṉkatramkattaj nu paant nékaji. Maa, Yus tí peṉker asamtai Nin ashí ti shiir awajsarti.

Ipi. 1:18

Tura enentáimincha paant enentáimtikramprarti tusan seajai. Nuja̱i̱ shiir túrutmataj tusa achirmákuitrum nu nekaattarme. Nu arantcha imiá shiira nu, Yus ni shuari̱n ashí tsaṉkatkattana nusha nekaattarme.

Ipi. 2:7

Nuja̱i̱ Ni ti aneṉkratmari̱ncha tura Kristu túrunamuja̱i̱ waitnentrampramuncha nekapmarchamnia iniaṉnatsuk ukunma ímianaisha tuke Ni ti waitnenkartutairi̱nkia iin iniakturmasuiti.

Jir. 1:11

Núnisaṉ Jesukrístu kakarmari̱ji̱a̱i̱ ashí péṉker túrin átatrume. Tura nuja̱i̱ ashí shuar Yusan ti shiir enentáimturartatui.

Jir. 3:9

Nuna túran Niji̱a̱i̱ tsaniṉkian pujajai. Tura akupkámu umirkatniuja̱i̱ péṉker ajaschaitjiai antsu Krístun enentáimtakui Yus “péṉkeraitme” túrutui.

Jir. 4:19

Winia Yúsrusha tí peṉkeran núkap takakui. Atumsha Jesukrístunu ajasu asarum Yus seamniaitrume. Tura Yuska ti takakna nuja̱i̱ ashí atsumarmena nuna suramsattarme.

Kurs. 1:13

Yus iwianchin nupetak íwianch akupeana nú kiritniunmaya̱ uwemtikramar ni aneamu Uchirí̱ akupeana nui̱ wearmákmiaji.

1 Pit. 2:5

Atumsha iwiaaku kaya ántsaṉketrume. Tuma asarum Yus wiji̱a̱i̱ ni je̱e̱n je̱a̱mti tusarum tsaṉkamaktarum. Tura nútiksarmek Jesukrístui̱ atumí iwiaakmari̱ tsaṉkamaktarum Yus wakera nuna túrutati tusarum. Jesukrístuja̱i̱ tura asarum Yus shiir enentáimtikrume.

1 Pit. 2:9

Tura átumka Yus achikmaitrume. Tura wínian pujurtursarat tusa yajauchinmaya̱ Uunt Yus akantámkaitrume. Yusna asarum péṉker enentáimin ajasurme. Tura sumakma asarum Yúsnaitrume. Nisha winia péṉkerun etserturkarat tusa túraiti. Kame kiritniunmaya̱ jiinkirum ni tsáapnintri̱n wekasatniun achirmákurme.Jiin. 19:5-6; Muis. 10:15; Isa. 61:6

1 Pit. 4:11

Etserkatniun Yus amasuítkiuiṉkia ame támena nu Yus tana nuja̱i̱ métek atí. Chíkich shuar yáiṉtiniaitkiumka Yus amaana nú kakarmaja̱i̱ túrata. Ashí túramna nu Yusa naari̱ shiir atí tusam Jesukrístu náari̱ji̱a̱i̱ túrata. Jesukrístun ashí aents shiir enentáimtusarti. Tura ashí aentsnum ni kakarmari̱ tuke atí. Nuna tajai.