Ipi. 1:5 - Yus Papí: Shuarja̱i̱ Yus Yamaram Chicham Najanamu

⁵ Yámankamtaikniumia̱sha iincha ti anenmak Jesukrístu túrunamuja̱i̱ ni uchirí̱ ajasat tusa wakerutmak anaitiamkamji.

Ipi. 1:5 Iomraidhean Croise

Jrm. 3:19

Wikia chichaakun ‘Maa, aneakun Winia uchirua tímiatrusan apujsatniun tura uunt nuṉka mátsatkamu nuṉké̱ ti shíirmach wakerújamaiya̱ nunasha amastinian urutmatsuk wakeraj túrasha ¿itiurak túratjam?’ timiajai. Tura Wí chichasnak ‘Winia Aparu turuttiatrume nuya̱ṉka peṉké kanakchattarme Wini̱ya̱ṉka’ timiajai.

Jrm. 3:4

Tura yamaikia ‘Winia Aparu’ núja̱i̱ṉchuka ‘Nátsauyaj nuya̱ṉ Ámeka winia amikruitme’ ¿túruttsumek?

Tan. 4:35

Ju̱ nuṉkanam aents matsatainia nusha Niji̱a̱i̱ íismaka peṉké ántar áiniawai. Nayaimpinmasha ashí kakaram ainia nuja̱i̱ tura nuṉkanmasha ashí aentsja̱i̱sha Ni wakeramuja̱i̱ métek túriniaiti. Nuna túrakuisha yaaksha suritkiachminiaiti núnisaṉ ¿urukamtai áitkiam? nunaksha tíchamniaiti.

Use. 1:10

Túrasha ukunmaṉka Israer shuarka entsá naikim írunna imianú untsurí nekapmarchamnia ajasártatui. Tura átumka ‘Wí shuarchaitrume’ tunamármena núnaka iniaisar antsu ‘tuke iwiaaku Yusa uchirí̱ntrume’ tunattarme.

Mat. 1:25

Tura uchin takatsa̱i̱ṉ tsaniṉchamiayi. Tura áishmaṉchin takusmatai Jesus tu anaikiamiayi.

Mat. 11:26

Ame Aparu, núnis wakera asam túraitme.

Ruk. 10:21

Nuiṉkia ni enentái̱n Yusa Wakaní̱ waramtiksam Jesus ju̱na tímiayi “Aparu, ashí nayaimpiji̱a̱i̱ nuṉka Úuntrinme. Tuma asam ju̱ túrunamu tí unuimiaru enentáimtumainia nuyá̱ ú̱kuitme. Antsu uchichia núnis naṉkamantuchu enentáimtumainia nú shuar paant awajtúsuitme. Ee, Aparu, núnik wakerichmakum. Tuma asamtai shiir enentáimtajme, Aparu.

Ruk. 11:32

Tura Yúsnan etserin Junas Níniwinmaya̱ aentsnum Yus Chichaman etserkamtai nu shuar ni yajauch túrutairi̱n enentáimtusar enentái̱n yapaji̱áwarmiayi. Tura ju̱i̱ yamái Junasja̱i̱ naṉkaamas etserin pujajai. ¡Tuma asamtai nekapsatin tsawant jeamtai Níniwinmaya̱ aents yamaiya̱ aents árumna nuna sumamtikramattarme!

Ruk. 12:32

Winia murikrutiram ashamkairap. Untsuríchuitrume. Túrasha atumí Aparí̱ ni akuptáiri̱i̱n pachitmaktasa ti wakerutmarme.

Juaṉ 1:12

Túrasha ashí aents ni enentái̱n itiawarma núnaka nekas enentáiji̱a̱i̱ Nin enentáimtuinia ásarmatai Yuska Ni uchirí̱ ajastinian tsaṉkatkarmiayi.

Juaṉ 11:52

Tura aya Israer shuarnakcha antsu níji̱a̱i̱sha ashí nuṉkanam Yus shuar ajasárun irurtajtsa jákatniuyi.

Juaṉ 20:17

Jesussha tutai “Achirkaip. Winia Aparuí̱ tuke waatsjai. Antsu weme Wí shuar ujakárta. Winia Aparuí̱ wéajai. Nisha atumí Aparí̱nti. Winia Yúsruiti tura atumí Yúsri̱nti tawai titiá” timiayi.

Tur. 13:48

Nú chichaman antukar Israer shuarcha ti wararsar “Uunt Yus tana nuka imiá péṉkeraiti” tiármiayi. Tura ashí tuke iwiaaku pujusmin achikma armia nu Krístun enentáimtusar Yus shuar ajasármiayi.

Rum. 8:23

Yus najanamuka ashí wáitiainiawai. Iisha Yusa Wakaní̱ takakiatar ti wáitiaji. Tura Yusa Wakaní̱ takakkur ashí Yus suramsattajnia nu achiktin nékaji. Tuma asar nekas Yusa uchirí̱ paant awajnástin tsawant nákaji. Nui̱sha ii aya̱shí̱sha aṉkant awajnástatui.

1 Kur. 1:1

Wi Pápruitjiai, Jesukrístu akatrámu. Yus nuna wakerak ni akatrámuri̱ atí tusa anaitiukmai. Wi, ii yachi̱ Sústinisja̱i̱, ju̱ papí akupeaji.

1 Kur. 1:21

Aya ni nékamuja̱i̱ aents Yusan nekaacharmiayi. Núnisaṉ atí tusa Yus túramiayi timiá neka asa. Antsu ashí aentsun Yus ni chichame̱ja̱i̱ uwemtikratniun wakerimiayi. Chíkich “ántraiti” tuíniana nu chichamja̱i̱ṉᵏⁱ Yus Niin enentáimtuinia núnaka uwemtikratniun wakerak túramiayi.

2 Kur. 6:18

Tura atumí Aparí̱ átatjai, átumka winia uchir átatrume. Nuna Wi imiá kakaram uunt Yus asan tajai. Tu áarmaiti.2 Sam. 7:14; Jrm. 31:1,9

Kar. 3:26

Antsu Jesukrístu enentáimtusar nuja̱i̱ Yusa uchirí̱ úuntmaru ajasuitji.

Ipi. 1:11

Iisha Krístuja̱i̱ tsaniṉkiu asakrin Yus yaunchu achirmákmiaji ashí Niniu ana nuna tsaṉkatramkatniun. Nunasha ashí Ni túrana núnisaṉ aya Ni wakera asa túramiayi.

Ipi. 1:9

Nuja̱i̱ shiir enentáimturmak Kristui̱ iin uwemtikrampratniun wakerutmakmiaj nuna yaunchu nekaachman yamái paant awajtúrmaji.

Kurs. 1:19

Yus ashí takamtsuk Kristui̱ shiir pujumiayi.

2 Tis. 1:11

Nu tuma asamtai ii Yusri̱n atumín tuke áujtajrume. Yus atumín achirmákuitrume. Nui̱ṉkia Yuska atumí enentái̱n takas Ni wakera nuja̱i̱ métek awajtámsati, taji. Yus umirka asarum péṉker wekasataj tusarum wakerarme. Túrarum Yus enentáimtusrum péṉker túratin wakerarme. Tura wakerarmena nu umiktin Yuska ni kakarmari̱ji̱a̱i̱ yaiṉtí, tu áujtaji.

Isr. 2:4

Kame nu arantcha uwempratin chichaman ujatmainiakrin imiá nekas tuíniawai tusa aentsti túrachminian kakarman Yus iniakmasmiayi. Núnisaṉ ni Shiir Wakaní̱ ni wakerana núnisaṉ niisháa niisháa kakarmaja̱i̱ takamtikiawai. Nuja̱i̱ Yus Chichama nu paant nekanamniaiti.

1 Jṉ. 3:1

Maa, shiir enentáimpratarum. Yus Apa ti anenma asa “winia uchir” tu anaitiamkaitji. Kame nekas ni uchirí̱ntji. Tuma asakrin jú̱ nuṉkanmaya̱ Yus shuarcha nekarmainiatsji. Kame Yusnasha nékainiatsui.

Apu. 21:7

Nupetmakunka ashí yamarma ju̱na mash susattajai. Wisha ni Yusri̱ átatjai. Núnisaṉ nisha winia uchir átatui.