Ipi. 1:4 - Yus Papí: Shuarja̱i̱ Yus Yamaram Chicham Najanamu

⁴ Krístuja̱i̱ uwemprar ti shiir tunaaja̱i̱nchu Niji̱a̱i̱ pujusárat tusa Yus, ju̱ nuṉka atsai̱sha, anaitiamkamiaji.

Ipi. 1:4 Iomraidhean Croise

2 Sam. 22:24

Níji̱a̱i̱ṉkia esetran wekainiuyajai. Túran yajauch wakeruktinniasha túrachmiajai.

YKan. 135:4

Jiuwá Jakupan Winia atí tusa anaiyak tura Israernaka Winia atí tusa achikmiayi.

Isa. 42:1

Ju̱i̱ti Winia takartin anaikiamu yáiṉtatjana nu. Wi anaikiamu asamtai wakantrusha shiir enentáimtawai. Winia wakantrun nin súsaitjiai. Túramu asa nekasa nuja̱i̱ ashí nuṉkan sumamtikiawartatui.

Riw. 19:2

“Ashí Israer shuar iruram chicharkum warí Wi atumí Uunt Yusri̱ peṉké tunaarincha asamtai atumsha núnisrumek tunaarincha átiniaitrume tiartá.

Riw. 20:7

Tunaarincha ajasrum tunaarincha atarum, warí Wikia Úunt Yusaitjiai atumí Yusri̱.

Mat. 24:22

Nu wáitsatin ti esarmaitkiuiṉkia chikichkisha uwemprachainti. Tura Yus nu wáitsatniun wárik amumtikiattawai. Shuar Niniu ajasarat tusa achikma ainia nu uwemprarat tusa wárik amumtikiattawai” tímiayi.

Mat. 24:24

Untsurí shuar Krístuitjiai tuinia nu wantinkiartatui. Untsurí ‘Yúsnan etserniuitjiai’ tiártatui. Tura shuaran anaṉkataj tusar aents tujintiamun iniakmasartatui. Tura ti kakarman túruiniak Yus shuarnasha anaṉkamin áiniakuiṉkia anaṉkawarainti.

Mat. 24:31

Yusa suntari̱n kachu kakaram umpuartarumIsa. 27:12-13; Sak. 9:14-17; 1 Kur. 15:52; 1 Tis. 4:16; Apu. 11:15tinia akupkámtai nu suntar ashí nuṉkanmaya̱ ashí Yus shuaran, Yus achikma ásarmatai irurartatui.Isa. 11:12

Mat. 25:34

Túran nekas Úunt Akupin untsuurí̱ni̱ wajainian títiatui ‘Atumniaka winia Apar shiir awajtámsaitrume. Wi akupeajna nui̱ winitiárum. Yus nuṉkan najanamia tímianaik átum nui̱ warastinian tsaṉkatramkamiarme.

Juaṉ 10:16

Chíkich muriknasha takakjai. Nusha ju̱ wenuimiunmaya̱nchu áiniawai. Nunasha itiattajai. Nu muriksha Winia umirtukar ashí métek matsamsar chikichík wenuimiunmaya̱ ajasártatui tura chikichik wáinin átatui.

Juaṉ 15:16

Aya atumí enentáimsamuri̱ji̱a̱i̱ṉ Wí shuar ajaschamarme. Antsu akatrámur ajastarum tusan atumniaka achikmajrume Wi. Winia takatur takastiniaitrume. Túrarum péṉker túratniuitrume nerektinia áintsarmek. Tura nu nere amuutsuk tuke átiniaiti. Tuma asamtai winia Apar searmena nuna amastatui.

Juaṉ 17:24

Aparu, shuar surusmam nu Wi pujustatjana nui̱ pujusárti tusan seajme. Kame ju̱ nuṉká nájanchamunmaṉ tuke anentin asam ti shiir awajtúsuitme. Tura ti shiir awajtúsmamna nuna íisarti tusan nuna seajme.

Tur. 13:48

Nú chichaman antukar Israer shuarcha ti wararsar “Uunt Yus tana nuka imiá péṉkeraiti” tiármiayi. Tura ashí tuke iwiaaku pujusmin achikma armia nu Krístun enentáimtusar Yus shuar ajasármiayi.

Tur. 15:18

Uunt Yus nuna túrin asa nuna túrattajai yaunchu ujakmiayi.’ Isa. 44:7; 46:9-10

Rum. 8:33

Yus achikmia nú shuaran ¿yaki sumamtikiat? Yus Ápaka “péṉkeraitrume” tiniu asa peṉké túrashtatui.

1 Kur. 1:8

Tura iniaitsuk tuke emettamattawai ii Uuntri̱ Jesukrístu támatai atumí tunaari̱n pachischatin.

Kar. 5:13

Atumniasha yatsuru, Kristu tuke aṉkant awajtámsarme. Tura aṉkant ajasrum “Aya wi wakerajna nuna túramniaitjiai” tu enentáimprairap. Antsu nuamtak aneniakrum péṉker yáiniaiktarum.

Kar. 5:22

Ayu, yamaikia Yusa Wakaní̱ kakarmari̱ji̱a̱i̱ túratin enentáimsatai. Yusa Wakaní̱ ii enentái̱n pujak péṉker túratniun nerektinia áintsaṉ neremtikramji. Ju̱ áiniawai, aneatin, shiir enentáimsatin, Yusja̱i̱ tura shuarja̱i̱ nawamnaikiar wekasatin, shiir enentáiji̱a̱i̱ katsuntratin, chíkich shuar shiir awajsatin, wait aneaku átin, tana nuna tímiatrusaṉ umiktin,

Kar. 5:6

Nekas Krístunuitkiurkia tsupirnaktin atsumatsji. Antsu aya Yus nekas enentáimtakur ashí anenaitniuitji.

Ipi. 2:10

Yus najanamuitji. Kame Jesukrístuja̱i̱ tsaníakrin yamaram iwiaakman suramas tuke péṉker túratniun najatmamji. Yáunchuk nuna enentáimturmasmiaji.

Ipi. 3:17

Yus nekas enentáimtakrumin Kristu atumí enentái̱n pujusat tusan áujtajrume. Tuke yapají̱tsuk aneṉkratin átarum tusan áujtajrume.

Ipi. 4:2

Nekasmiancha ajasrum aneniakrum katsunnairatarum.

Ipi. 5:2

Kristu iin anenmajⁱ núnisrum anenaitiarum. Kame ii tunaari̱n akikmaktaj tusa Niṉki Yusan súsatniuncha tura ti shiir nekapújamnia áestamuncha núnis jákatniunam surumakmiayi.

Ipi. 5:27

Nuja̱i̱ ashí ni shuari̱n tunaarinniuchu tura yajauch máatrachu antsu tí peṉker shiir awajás Nini̱ ejetaj tusa túramiayi.

Jir. 2:15

Túrakrum makuumatsuk tunaaja̱i̱nchu átatrume. Antsu Yusa uchirí̱ átatrume. Ju̱ nuṉkanmasha shuar imiá yajauch túrinji̱a̱i̱sha máatrachu asarum kiritniunam ji keeá áintsaṉketrume

Kurs. 2:2

Ashí shiir enentáimtikratniun ti takaajai. Núnisan aneniarum chikichik enentáiji̱a̱i̱ métekrak wekasatarum tusan wakerajrume. Nu arantcha ashí Yusna tí peṉker nekaarum tuke katsua̱ruk tusan takaajai. Nuja̱i̱ Kristu tí peṉker nekaattarme. Tura yaunchu nekaachman Yus yamái paant awajsaiti. Nuka Krístuiti. Tura Ni nekaatin nekas shíiraiti.

Kurs. 3:12

Yus atumín anenmak Niniu ártí tusa achirmákmarme. Túrutma asamtai ju̱ja̱i̱ shiir iwiarmampratniua áintsarum tuke túrin atarum, waitnenkartin, shiir awajkartin, péejchach átin, émtin áchatin, tura katsuntin átin.

1 Tis. 3:12

Atumín ii aneajnia núnisaṉ Yus atumniasha mái̱ anenai ajatniun tura chikitcha anenaiyatniun enentáimtikramprarti. Tura nú nukap aneṉkrattain Yus amasárti tusar wakeraji.

1 Tis. 4:7

Warí, Yus iincha péṉkercha yajauch túratarum turamchaitji. Antsu aya péṉkerak túratarum túramji.

2 Tim. 1:9

Ii péṉker túrichu árini̱ṉ Yus iin anenma asa uwemtikramar péṉker túratniunam apujtamsaitji. Iisha Jesukrístuja̱i̱ tsaniṉkiaru asakrin tura Yus nuna túratniun wakerak túramiayi. Yaunchu ju̱ nuṉka atsai̱sha iin tuke waitnentrampramiaji.

2 Tim. 2:10

Ashí shuar ni shuari̱ ártí tusa Yus achikiárua nuna yáiṉtajtsan ashí itiurchatan katsunteajai. Nuja̱i̱ Jesukrístuja̱i̱ tsaniṉkiaru ásar uwemprar tuke shiir pujusártatui Yusja̱i̱.

2 Tim. 2:19

Túrasha Yus ashí naṉkaamas enentáimtustinia nuna paant awajsaiti. Jú̱nisaiti “Uunt Yus ni shuari̱n nékainiawai” tura nuyá̱ “Ashí Kristu shuari̱ ainia nu tunaanumia̱ kanakiarti.”

San. 2:5

Aneamu yatsuru, antuktarum. Ju̱ nuṉkanam kuítrincha ainia nuna Yus achikiuiti Ní shuar ajasár Nin nekas enentáimtin ajasártinian. Tura ashí nayaimpiniam írunna nunasha Yus nin tsaṉkatkattawai. Ashí shuar Yusan aneena nuna anajmatra asa nin tsaṉkatkattawai.

1 Pit. 1:2

Yaunchu Apa Yus uwemtikrataj timia núnisaṉ achikmaitrume. Tura Winia ajasat tusa ni Wakaní̱ji̱a̱i̱ akantámkamiarme. Umirtukat tusa nuna túramiayi. Tura Jesukrístu numpe̱ tsakiri̱ji̱a̱i̱ atumí enentái̱n chamir awajtúrmasmiarme. Wats, Yus tuke waitnentramar ti shiir awajtámsarat tusan wakerajrume.

1 Pit. 1:20

Nuṉkan nájantsuk aentsun jaruktinian Krístun anaikiamiayi Yus. Tura wárik akupkachmiayi. Antsu yamái tsawantin átum pujarmin péṉker pujusúk tusa wakerak atumín jarutramkat tusa Krístun akupkámiayi.

1 Pit. 2:9

Tura átumka Yus achikmaitrume. Tura wínian pujurtursarat tusa yajauchinmaya̱ Uunt Yus akantámkaitrume. Yusna asarum péṉker enentáimin ajasurme. Tura sumakma asarum Yúsnaitrume. Nisha winia péṉkerun etserturkarat tusa túraiti. Kame kiritniunmaya̱ jiinkirum ni tsáapnintri̱n wekasatniun achirmákurme.Jiin. 19:5-6; Muis. 10:15; Isa. 61:6

2 Pit. 3:14

Nu tuma asamtai aneamu yatsurtiram ju̱ túrunati tusarum nákarmena nui̱ imiatkinchanum wekasam chamir enentáimji̱a̱i̱ makuuchmin Yus wáitkiati tusarum wekasatarum.

1 Jṉ. 4:16

Yus iin anenmajnia nu ti nekas nékaji. Yus tuke aneṉkratniuiti. Tuma asamtai shuar anenkartakka Yusja̱i̱ tsaniṉ wekaawai tura Yussha niji̱a̱i̱ tsaniṉ wekaawai. Mai̱ chikichik ajasu áiniawai.

Apu. 13:8

Túramtai ashí aents tuke iwiaaku átinia nu papinium ni naari̱ yámankamtaikniumia̱ anujkamu atsúarma nuka nu Yajasman tikishmátrarmai. Nu papincha Murik jaka nantakmia nu takakui.

Apu. 17:8

Nu yajasma wainkiam nuka yaunchu pujuwiti tura yamaikia ju̱i̱ pujachiat amúamunam tuke játsuk náṉkatkachu wá̱a̱nmaya̱ jiinkittiawai. Shuar nuna wáinkiar ni naari̱ tuke iwiaaku pujutai̱ papinium yámankamtaikniumia̱ anujtúkchamua nuka nu yajasman ashamkartatui. Nu yajasma yaunchu pujú yamaikia atsayat atak wantinkiattawai turutmiai.