Ipi. 1:3 - Yus Papí: Shuarja̱i̱ Yus Yamaram Chicham Najanamu

³ Ii Uuntri̱ Jesukrístu Aparí̱ Yus nekas shiir awajtústiniaiti. Iisha Krístuja̱i̱ tsaniṉkiu asar ii enentái̱n ashí nayaimpinmaya̱ ana nuja̱i̱ warasminiaitji. Túmaitkiui Yus nu waratai̱n ashí suramsaitji.

Ipi. 1:3 Iomraidhean Croise

Naṉ. 14:20

Núnisaṉ Naṉkamantu Yus ame nemasrum nupetkatniun amasmia nuna naari̱ uunt awajnásti” tímiayi. Takui̱ Apramka ata̱rmia nuna ashí tiásnumia̱n chikichkiniak jusa Mirkisetékan susamiayi.

Naṉ. 22:18

Tura ámeka Winia chichamur umirtuku asakmin ame shuarumji̱a̱i̱ tura ashí aents péṉker árat tusan péṉker awajsartatjai’” Yusa suntari̱ ujakmiayi.

YKan. 134:3

¡Nayaimpincha tura nuṉkancha Jiuwá najana asa Seúnnumia̱n péṉker yumiṉkian akuptúrmakti!

YKan. 72:17

Etsa̱ ekemtiatna ju̱i̱ṉkia ni náari̱ṉkia tuke shiir awajsamu átatui. Ashí nuṉkanmaya̱sha niji̱a̱i̱ shiir awajnásartatui. Tura “ti shiir awajsámuitme” tiártatui.

YKan. 72:19

Ni naari̱ naṉkamantu atí. Tuma asamtai tuke shiir awajnásti. Ashí nuṉkanam ni kakarmari̱ piaktí. Nuke atí.

Isa. 61:9

Tura ni shuarka ashí nuṉkanam nekaamu ártatui tura nuna uchirí̱sha ashí péprunam nekanawartatui. Núnisaṉ ashí shuar nu aentsun wainiainiakka Uunt Yus ni shuar awajsar péṉker pujutnum yumiṉkrarmia nu shuar ainia nuna paant nekaawartatui.

Tan. 4:34

Tura tsawant naṉkaamarmatai wi Napukutunusúr nayaimpinmaani̱ nakaasan iimiai̱ ataksha aentsua núnis enentáimtikrurmai. Túrutamtai Ashí Naṉkamantu Yusan tuke pujú asamtai shiir awajeakun tura naṉkamantu enentáimtakun yumiṉsamjai. Warí, Ni akupeamuri̱sha peṉké amukashtiniaiti. Tura ukunam aents matsamiartatna nui̱sha tuke átiniaiti.

Ruk. 2:28

Itiariarmatai Simiun Uchin jusa miniakas Yusan áujuk

Juaṉ 14:20

Tura nu tsawantai̱ ju̱ nekaattarme. Wisha winia Aparja̱i̱ tsaniṉkia pujakur chikichkitji. Núnisnak Wisha atumji̱a̱i̱ tsaniṉkian pujajai. Tura atumsha Wiji̱a̱i̱ tsaniṉkia pujarme.

Juaṉ 17:21

Núja̱i̱ṉkia ashí nisha chikichik ajasárti. Wisha Amesha, Aparu, chikichik ájinia núnisaṉ nisha Iiji̱a̱i̱ chikichik ajasártai tusan seajme. Nuja̱i̱ ju̱ nuṉkanmaya̱ shuar akuptúkuitmena nuna nekaawartatui.

Juaṉ 20:17

Jesussha tutai “Achirkaip. Winia Aparuí̱ tuke waatsjai. Antsu weme Wí shuar ujakárta. Winia Aparuí̱ wéajai. Nisha atumí Aparí̱nti. Winia Yúsruiti tura atumí Yúsri̱nti tawai titiá” timiayi.

Rum. 12:5

Núnisrik iisha, Yus shuarti, aya̱shí̱ muchitmari̱ya̱ áintsarik untsurítiatar chikichik aya̱shtinia áintsar takaaji. Nusha Krístuja̱i̱ tsaniṉkiu asar áitkiamuitji. Túramu asar nuamtak atsumnaiyaji.

Rum. 15:6

Nuja̱i̱ ashí métekrak Yus shiir awajsattarme. Nisha ii Uuntri̱ Jesukrístuncha Aparí̱nti.

1 Kur. 1:30

Tura Yus atumín Krístuja̱i̱ tsaniṉ apujtamsaiti. Tura Kristu enentáimtusar Yus nekas nekatai̱ṉkia nekaattaji. Kristu enentáimtakrin Yus shiir enentáimturmaji, péṉker awajtamji tura uwemtikramji.

1 Kur. 12:12

Iikia Kristu aya̱shí̱ya áintsarⁱ aya̱shímkiaitji. Kristu aya̱shí̱ muchitmari̱sha írunui. Nisha túmaitiat chikichik aya̱shtiniaiti.

2 Kur. 1:3

Ii Uuntri̱ Jesukrístu Aparí̱, ii Yusri̱ ana nuna naari̱ uunt awajsatai. Nisha ii Aparí̱nti. Iin waitnentramaji. Tura Nisha ii Yúsri̱nti. Tuma asa iin tuke atsaṉtamji.

2 Kur. 11:31

Yus, ii Uuntri̱ Jesukrístu Aparí̱ ana nu (ni naari̱ tuke shiir awajsamu atí) wi wáitratsjana nuna nékawai.

2 Kur. 5:17

Tuma asamtai, Krístunu ajasúka yamaram najanamuiti. Yaunchu enentáimtai̱ meṉkakaiti. Antsu núnaka íikias ni enentáimtairi̱ṉkia nekas yamaram ajasuíti yamaikia.

2 Kur. 5:21

Krístuka peṉké tunaarinchauyayi. Túmanak íi tunaari̱n Yus Krístun makumiayi. Nuna tura Kristui̱ iikia makuchmin Yusa péṉkeri̱ ajasúk tusa túraiti.

Kar. 3:9

Tuma asamtai ashí shuar Yusan enentáimtuinia nuke Aprajámja̱i̱ métek péṉker ajasár shiir warasartatui.

Ipi. 1:10

Ashí jú̱ nuṉkanam írunna nunasha tura nayaimpiniam írunna nunasha Kristu ashí akupin ati tusa Yus tsaṉkatkattawai. Nunasha Yus yaunchu enentáimturu asamtai tsawant jeamtai ashí uminkiattawai.

Ipi. 1:17

Ii Uuntri̱ Jesukrístu Aparí̱ Yus ti shiir asamtai Nin áujeakun ni Wakaní̱ ni nekatairi̱n suramas ashí jintintrámawarti tusan seajai. Nuja̱i̱ nuna naṉkaamas Yus nekaattarme.

Ipi. 1:20

nuja̱i̱ Krístun jakamunmaya̱ iniantkímiayi. Tura nayaimpiniam jukí̱ ni untsuurí̱ni̱ akupin pujutai̱nium apujsamiayi.

Ipi. 2:6

Tura Krístuja̱i̱ métek Yus iniantamkimiaji. Nuyá̱ Jesukrístuja̱i̱ métek ju̱ nuṉkanam pujuinia áintsar yamaisha nayaimpinmasha apujtamsatniun tsaṉkatramkaitji.

Ipi. 3:10

Yamaikia ashí nayaimpiniam pujuinia nuka Yus ni shuari̱i̱n túrunamun iisar Yuska imiá neka asa ashí enentáimniua nuna paant nékainiawai.

Ipi. 6:12

Kame Yusna takáa asar peṉké aentsja̱i̱ mániatsji antsu yajauch wakan kakaram írunna nuja̱i̱ mániaji. Nisha ju̱ nuṉkanam kiritniunma áintsaṉ tunaanum wekainia nuna akupin áiniawai.

Jir. 2:11

Tura ashí shuar Jesukrístu ashí akupin ajasman paant nekaawartatui. Núja̱i̱ṉkia Yus Apá kakarmari̱sha paant nekanattawai.

Isr. 8:5

Yus yaunchu Muisaisan nayaimpiniam írunna nuna iniaktus chichaak “Ámin nainnium iniaktusmajmena nuja̱i̱ métek ashí najanata” Jiin. 25:40 tímiayi. Túramu asamtai ashí yaunchu Yúsnan pujurin Muisais najanamuja̱i̱ takainia nu aya nayaimpiniam ana nuna nakumkamuja̱i̱ṉ takainiawai.

Isr. 9:23

Tuma asamtai Muisais najanamu aya nayaimpiniam írunna nuna nakumenak taṉkú numpe̱ja̱i̱ shiir awajsatin ármiayi. Antsu nekas nayaimpiniam írunna núnaka nuna kakaram numpaja̱i̱ shiir awajsatniuyayi.

1 Pit. 1:3

Wats, Yus ii Uuntri̱ Jesukrístu Aparí̱ ana nuna naari̱ shiir awajsatai. Yussha ti waitnentrama asa atak akiiniatniun suramsaitji. Jesukrístu jakamunmaya̱ nantakin asamtai iikia atak akiiniar tuke iwiaaku pujustiniaitiajnia nu arutramji.