Ipi. 1:23 - Yus Papí: Shuarja̱i̱ Yus Yamaram Chicham Najanamu

²³ Tura ashí nuṉkanam Yus shuar ainia nu Kristu aya̱shí̱ najanainiawai. Tura Kristu ashí ni aya̱shi̱n pimiutkaiti tura nu arantcha ashí írunna nunasha pimiutkaiti.

Ipi. 1:23 Iomraidhean Croise

Juaṉ 1:16

Chichamsha ti waitnenkartin asa ashí péṉker ana nuna súak nuyá̱ waitnenkartutai̱n súramji.

Rum. 13:5

Nu asamtai akupin tuke umirkatniuiti. Aya asutiuáwa̱i̱ṉ tusar umirkashtiniaitji. Antsu enentáiniam itit awajsachma wekasatai tusar umirkatniuiti.

1 Kur. 12:6

Yúskete ashí ni shuari̱n niisháa takamtikna nu. Niṉki ashí ni shuari̱ enentái̱n takaak takatnasha shiir takamtikeawai.

1 Kur. 15:28

Tura Yus Apa ashí mash ni Uchirí̱n Krístun nekas susamtai Kristu nuikia ashí akupin ajas atak ni Aparí̱n mash awaṉtuki̱ núnisaṉ surumaktatui. Nuiṉkia Yuska tuke ashí naṉkamantu átatui.

Ipi. 2:16

Núnisaṉ ámiayi. Kristu krúsnum jaka nemasja̱i̱ mai̱ apattamak chikichik awajtámas Yúsja̱i̱sha nawamnaimtikramkamiaji.

Ipi. 3:10

Yamaikia ashí nayaimpiniam pujuinia nuka Yus ni shuari̱i̱n túrunamun iisar Yuska imiá neka asa ashí enentáimniua nuna paant nékainiawai.

Ipi. 3:19

Nu aneṉkrattai ashí takamtsuk nekaachmin ai̱ṉ nekaatarum tusan áujtajrume. Nuja̱i̱ Yus takamtsuk pimiutramkattarme.

Ipi. 4:10

Niṉki ataksha nekas nayaimpiniam wakamiayi. Nuna tura asa ashí ni shuari̱n pimiutkarmiayi.

Ipi. 4:12

Túramtai ashí Yus shuar ni takatrí̱ji̱a̱i̱ yáiniaikiar tí peṉker shuar ajainiakui Kristu aya̱shi̱ takamtsuk katsua̱rartatui.

Ipi. 4:13

Nuja̱i̱ Yus nekas enentáimtamunam Yusa Uchirí̱ ashí métekrak péṉker nekaattaji. Nu túrakur katsukir Krístuja̱i̱ métek péṉker ajastatji.

Ipi. 4:4

Yusa Wakaní̱nkia chikichkiti. Tura ashí métek Yus achikma asar métek Niji̱a̱i̱ shiir pujustin enentáimji. Iisha Kristu aya̱shí̱ aya̱shí̱mkia asar chikichik aya̱shkitji.

Kurs. 1:24

Atumín wáitiaknasha ti shiir waraajai. Kristu ni shuari̱n nekas péṉker awajsat tusa wáitiana nui̱ pachinkia asan waraajai. Ashí Yus shuar Kristu aya̱shí̱ áintsaṉ áiniakui Yus shuaran yáiṉtajtsan aya̱shruja̱i̱ wáitiakun shiir enentáimjiai.

Kurs. 2:19

Tuma ásar Krístuja̱i̱ tsaniṉkiar wekainiatsui. Kristu ashí akupin asa ni shuari̱n Yúsnan jintintiá shiir tsakarat tusa péṉker wainiui. Nu arantcha ashí ápateak Yus wakerana áintsaṉ chikichik awajeawai.

Kurs. 3:11

Ashí írunna nuja̱i̱ naṉkaamas Kristu ashiyaiti. Níiniun pujurui. Tuma asamtai ashí ni shuari̱ enentái̱n pujá asamtai nusháa enentáimtunairchatniuiti. Kriaku aentssha tura Israer shuarsha, tsupirnakusha tura tsupirnakchasha, apachcha tura yajaya̱ shuarsha, takarin ainia nusha tura aṉkant ainia nusha, Kristu ashí ni enentái̱n pujakui nusháa enentáimtunairchatniuiti.

Kurs. 3:15

Kame chikichik aya̱shtinia áintsarum ajastarum tusa Yus ni shuari̱ ajasat tusa achirmákmarme. Tuma asamtai Yusja̱i̱ aṉkant awajsamu atumí enentái̱n pujurtamsati. Nuja̱i̱ Yus yumiṉsatarum.