Ipi. 1:22 - Yus Papí: Shuarja̱i̱ Yus Yamaram Chicham Najanamu

²² Tura ashí írunna nu Krístun umirkartin áiniawai. Tura Yuska Krístunak ashí Yus shuara Akupniúri̱ awajsámiayi. Túramu asa Kristu ni shuari̱ muuke̱a áintsaṉkete.

Ipi. 1:22 Iomraidhean Croise

Naṉ. 3:15

Ámin nuwa̱ja̱i̱ nemasmamtikiattajme. Tura ame tiraṉmí tiraṉki̱sha nuwa̱nuja̱i̱sha núnisaṉ nemasnaikia ártatui. Ti ukunam nuwa̱nu átatna nu muukmin najatmarmatai ame ni saṉkani̱n esaim najaimiamtikiattame.” Tú timiayi Uunt Yus.

YKan. 110:1

Uunt Yus winia Úuntrun ju̱na chichaak “Akupin pujutai̱niam, winia untsuurui̱ni̱ pujusam Ame nemasrumin nupetkan Ámin umirtamkarti tusan amaamam nákarsata. Mat. 22:44; Isr. 1:3,13

YKan. 91:13

Winia kakarmarja̱i̱ úunt ya̱wa̱sha tura uchirí̱sha nupetkattame nuyá̱ najamin napisha najartatme tajai.

Mat. 16:18

Tura Wisha tájame, ámeka Pítruitme. Nu kayanam je̱a̱ je̱a̱mtinia áintsaṉ Yus shuaran ekenin tsakatmartatjai. Túramtai jákatniusha tura Yusa nemasri̱sha nu je̱a̱mman pukukchattawai.

Tur. 20:28

Tuma asamtai emka atumek íimiastarum. Túrarum nuyá̱ chíkich Yus shuar iistarum. Yus shuaran wáinin ajastarum tusa Yusa Wakaní̱ achirmákurme. Yus shuar ainia núnaka ni numpe̱ja̱i̱ṉ Uunt Jesus sumakchakait.

1 Kur. 11:3

Nu arantcha ujajrume. Yus Apa Krístun akupea áintsaṉ Kristu ashí áishmaṉkan akupeawai. Núnisaṉ áishmaṉsha ni nuwe̱n akupeawai.

Ipi. 3:21

Ashí Yus shuarja̱i̱sha tura Krístuja̱i̱sha Yusa péṉkeri̱ tuke paant wantini̱ṉ atí. Yus tuke iniaitsuk shiir awajnásti. Núnisaṉ atí.

Ipi. 5:23

Kristu ni shuari̱n akupeana núnisaṉ áishmaṉsha ni nuwe̱n akupkatniuiti. Kristu ni shuari̱n aya̱shímiak ni muuke̱a áintsaṉkete. Tura nin uwemtikkiartiniaiti.

Kurs. 1:18

Ashí Yus shuar métekrak chikichik aya̱shtinia núnis enentáimkiumka nuna muuke̱ṉka Krístuiti. Tura nu aya̱shí̱n ni iwiaakmari̱ji̱a̱i̱ iwiaaku átinian súsaiti. Nisha ashí jakamunmaya̱ nantakniuja̱i̱ imiá naṉkamantuiti. Núja̱i̱ṉkia ashí enentáimpramnia írunna nunasha akupniuiti.

Kurs. 1:8

Nisha átum Yus shuar asarum mái̱ anenai ajamun ujatmákmaji.

Kurs. 2:10

Túmakui̱ atumsha Krístuja̱i̱ tsaniṉkiu asarum ni iwiaakmari̱ takamtsuk takakuitrume. Krístusha ashí akupniun akupniuiti. Aentsnumsha iwianchniumsha tura nayaimpinmasha ashí akupin írunna nuna akupniuiti.

Kurs. 2:19

Tuma ásar Krístuja̱i̱ tsaniṉkiar wekainiatsui. Kristu ashí akupin asa ni shuari̱n Yúsnan jintintiá shiir tsakarat tusa péṉker wainiui. Nu arantcha ashí ápateak Yus wakerana áintsaṉ chikichik awajeawai.

Isr. 2:8

Tura ashí umirkarti tusam sukartusuitme.” YKan. 8:4-6 Yus “ashí nin umirkarti” takui̱ nin umirkashtinkia atsawai. Túrasha yamaikia ashí umirainiaka wáintsuji.