Ipi. 1:21 - Yus Papí: Shuarja̱i̱ Yus Yamaram Chicham Najanamu

²¹ Tura ashí ju̱ nuṉkanam akupin ainia núja̱i̱sha tura ukunam nuṉka átatna nui̱ akupin áminia núja̱i̱sha tura ashí akupin ainia núja̱i̱sha tura ashí naari̱ nékamu ainia núja̱i̱sha Yus Krístun ashí naṉkaamas akupin awajsámiayi.

Ipi. 1:21 Iomraidhean Croise

Tan. 7:27

Nuya̱ṉka tunaarincha ainia nuna Ashí Tujintkiachu Yusa akupeamuri̱ aents ásarmatai ashí ju̱ nuṉkanam akupeamu ainia nuna peṉkeri̱n tura kakarmari̱ncha nuyá̱ páantniuri̱ncha nu akupeamun súsartatui. Warí, nu akupeamuri̱ṉkia peṉké naṉkankashtin asamtai ashí nuṉka akupeamunam ainia nusha Yusan shiir awajainiak umirkartatui.’

Mat. 12:32

Winiasha Aents Ajasuitjiana nuna yajauch chichartuinia nú shuarsha tsaṉkuramniaiti. Tura Yusa Wakaní̱n yajauch áujmatainia nuka peṉké tsaṉkurachminiaiti. Ju̱ nuṉkanmasha tura ukunmasha tsaṉkurnarchattawai” tímiayi.

Tur. 4:12

Tura chíkichja̱i̱ uwempratin peṉké atsawai. Ju̱ nuṉkanam ii chikicha naari̱ pachisar uwempratin atsaji. Jesuskete ii uwemtikrampratniun Yus suramsamiaj nu” tímiayi Pítiur.

Ipi. 2:2

Nu tunaanum jú̱ nuṉkanam pujuinia nuja̱i̱ métek tuke wekainiuyarme. Túrarum iwianchi akupniuri̱ wakeramuri̱ umirniuyarme. Iwianchi uuntri̱ Yusan umirainiatsna nuna ashí akaténawai. Kame ju̱ nuṉkanam yajauch wakan ni akupeamuri̱ji̱a̱i̱ wekainia nuja̱i̱ métek atumsha wekainiuyarme.

Ipi. 3:10

Yamaikia ashí nayaimpiniam pujuinia nuka Yus ni shuari̱i̱n túrunamun iisar Yuska imiá neka asa ashí enentáimniua nuna paant nékainiawai.

Ipi. 6:12

Kame Yusna takáa asar peṉké aentsja̱i̱ mániatsji antsu yajauch wakan kakaram írunna nuja̱i̱ mániaji. Nisha ju̱ nuṉkanam kiritniunma áintsaṉ tunaanum wekainia nuna akupin áiniawai.

Kurs. 2:10

Túmakui̱ atumsha Krístuja̱i̱ tsaniṉkiu asarum ni iwiaakmari̱ takamtsuk takakuitrume. Krístusha ashí akupniun akupniuiti. Aentsnumsha iwianchniumsha tura nayaimpinmasha ashí akupin írunna nuna akupniuiti.

Kurs. 2:15

Núnisaṉ Kristu krúsnum jaka, iwianchnium ashí akupin ainia nuna nupetak ashí iimiainiai̱ṉ iniatsá̱rarmiayi.

Isr. 1:4

Yusa Uchirí̱ asa ni naari̱ nayaimpinmaya̱ suntarja̱i̱ imiá naṉkamantu awajnásuiti. Tura tí naṉkamantu asamtai Yus nayaimpinmaya̱ suntarja̱i̱ tí naṉkaamas Nin ti shiir awajtawai.

Isr. 2:5

Ayu. Nuṉka átatna nu áujmatjinia nui̱ Yus nayaimpinmaya̱ suntaran akupkatniun tsaṉkatkachuiti.

Isr. 4:14

Jesus Yusa Uchirí̱ nekas Yúsnan pujurniu uuntri̱ ajas Yusai̱ wayá̱ íiniun chichartamji. Nu asamtai iniaitsuk tuke nekas enentáimtustiniaitji.

1 Pit. 3:22

Tura Nisha nayaimpiniam we akupin pujutai̱nium Yusa untsuurí̱ni̱ apujsamuiti. Túramtai nayaimpinmaya̱ suntarsha tura ashí kakaram akupin áiniana nusha Jesukrístun umirainiawai.