Ipi. 1:19 - Yus Papí: Shuarja̱i̱ Yus Yamaram Chicham Najanamu

¹⁹ Nu arantcha Yus nekas enentáimtakrin ti kakaram tujincha asa iin yáintmaj nu nekaattarme. Tura nu kakaram ti kakaram asamtai

Ipi. 1:19 Iomraidhean Croise

Isa. 53:1

Ii étsermancha ¿ya nekasaiti tiáruit? Tura Uunt Yusa kunturi̱sha ¿yana wantintiukuit?

Juaṉ 3:6

Aya̱shniumia̱ akiinia nuka aya̱shchakait. Núnisaṉ Wakanniúmia̱ akiinia nuka wakanchakait.

Tur. 26:18

Péṉker jintintiata tusan akupeajme. Kame aentssha kiritniumia̱ jíinkiar tsáapninium wekasarat tusan tura iwianchi kakarmari̱ya̱ aṉkant awajsar Yusan umirkarat tusan akupeajme. Tura Winia enentáimtursarmatai Wisha ni yajauchiri̱n tsaṉkurattajai. Nuna túran Yusna ajasáru áiniana nuja̱i̱ apujsattajai.’ Nuna Jesus turutmiai.

Rum. 1:16

Nu uwempratin chicham Yusa kakarmari̱ji̱a̱i̱ ti kakaram asa ashí shuaran Krístun nekas enentáimtuinia nuna uwemtikramniaiti. Tuma asamtai natsantatsjai. Nekas Israer shuarnasha tura chíkich shuarnasha núnisaṉ uwemtikramniaiti.

2 Kur. 4:7

Nu tsáapin imiá péṉker ana nuna ii aya̱shi̱i̱n Yus ikiusuiti. Tura ii aya̱shi̱ kakarmachu, nuwe najanamua ánin asamtai, warí, kakaram ájinia nu Yusai̱ya̱nchukait. Ii ai̱ nuna nekaawarat tusa Yuska ni tsáapnintri̱n ii aya̱shi̱i̱n ikiusuiti.

2 Kur. 5:17

Tuma asamtai, Krístunu ajasúka yamaram najanamuiti. Yaunchu enentáimtai̱ meṉkakaiti. Antsu núnaka íikias ni enentáimtairi̱ṉkia nekas yamaram ajasuíti yamaikia.

Ipi. 2:10

Yus najanamuitji. Kame Jesukrístuja̱i̱ tsaníakrin yamaram iwiaakman suramas tuke péṉker túratniun najatmamji. Yáunchuk nuna enentáimturmasmiaji.

Ipi. 3:20

Nekas Yus shiir awajnásti. Ni ti kakaram asa ii seajnia nuna naṉkaamas tura enentáimprachminia nunasha naṉkaamas iin pujurtamuk ashí túramniaiti.

Ipi. 3:7

Yus ni kakarmari̱ji̱a̱i̱ winia yáintiuk tura ti anentu asa nu uwempratin chichaman etserkat tusa akattúrmiayi.

Ipi. 6:10

Wátsek, yatsuru, ii Uuntri̱ Yusja̱i̱ tsaniṉkiu asarum ni ti kakarmari̱ji̱a̱i̱ iwianchji̱a̱i̱ mánaiktin kakaram ajastarum.

Jir. 3:21

Ni taa ii yajauch aya̱shi̱n yapaji̱á ni aya̱shí̱ji̱a̱i̱ métek ti shiir awajsattawai. Ashí úunt akupin ajas nu kakarmaja̱i̱ túrutmattaji.

Kurs. 1:29

Tuma asamtai Kristu ni kakarmari̱n tí surakui nekas kakaram takaajai.

Kurs. 2:12

Tura atumsha Yus ni kakarmari̱ji̱a̱i̱ Kristu jakaan iniantkímia nu enentáimtusrum imiantmiarme. Túrarum Krístuja̱i̱ métek iwiarnasmarme. Tura núnisrumek Krístuja̱i̱ métek nantakmiarme.

1 Tis. 1:5

Enentáimpratarum. Iisha Yusai̱ uwempratin chicham atumín ujakmajnia nusha aya chíchamja̱i̱ṉ tíchamji. Antsu nú arant nu chicham nekasaiti tusar Yusa Wakaní̱ kakarmari̱ji̱a̱i̱ tímiaji. Tura átum péṉker matsamsarat tusar atumji̱a̱i̱ pujusár shiir iruntrar wekasarmiaji. Nusha paant nékarme.

2 Tis. 1:11

Nu tuma asamtai ii Yusri̱n atumín tuke áujtajrume. Yus atumín achirmákuitrume. Nui̱ṉkia Yuska atumí enentái̱n takas Ni wakera nuja̱i̱ métek awajtámsati, taji. Yus umirka asarum péṉker wekasataj tusarum wakerarme. Túrarum Yus enentáimtusrum péṉker túratin wakerarme. Tura wakerarmena nu umiktin Yuska ni kakarmari̱ji̱a̱i̱ yaiṉtí, tu áujtaji.

San. 1:18

Ni wakera asa ni nekas chichame̱a nuja̱i̱ ni uchirí̱ najatmamji. Tura ashí ukunam átatna nuja̱i̱ ii émkaitji.

1 Pit. 4:11

Etserkatniun Yus amasuítkiuiṉkia ame támena nu Yus tana nuja̱i̱ métek atí. Chíkich shuar yáiṉtiniaitkiumka Yus amaana nú kakarmaja̱i̱ túrata. Ashí túramna nu Yusa naari̱ shiir atí tusam Jesukrístu náari̱ji̱a̱i̱ túrata. Jesukrístun ashí aents shiir enentáimtusarti. Tura ashí aentsnum ni kakarmari̱ tuke atí. Nuna tajai.