Ipi. 1:18 - Yus Papí: Shuarja̱i̱ Yus Yamaram Chicham Najanamu

¹⁸ Tura enentáimincha paant enentáimtikramprarti tusan seajai. Nuja̱i̱ shiir túrutmataj tusa achirmákuitrum nu nekaattarme. Nu arantcha imiá shiira nu, Yus ni shuari̱n ashí tsaṉkatkattana nusha nekaattarme.

Ipi. 1:18 Iomraidhean Croise

Juup 42:5

Tura yáunchuka Ame chichammin ántiniuyajai túrasha yamaikia wínia jí̱ruja̱i̱n wáinjiame.

YKan. 119:18

Tura winia jí̱rusha uratritia. Túrawakminkia Ame akupkámurmin imiá shiira nuna nekaattajai.

Isa. 11:2

Tura Niinkia Uunt Yusa Wakaní̱ nekatai̱ tura enentáimtai̱ wakan nuyá̱ chicharkartin tura ikiakákratin wakan núnisaṉ Uunt Yus nekaar ashamkar umirkatin wakan pujursattawai.

Isa. 29:10

Warí Uunt Yus atumí nekatairi̱n kanarua áitkiartamaitrume. Tura atumí Yúsnan etserniuri̱n ji̱ncha epetka nútikiaiti tura nekamin ainia nunasha nekamtai̱ri̱n emenkátkaiti.

Isa. 29:18

Tura empekáru ainia nusha nu tsawantinkia nu papiniumia̱ chichamnasha antukartatui. Tura kusurúsha kirit tee íimmianumia̱ paant íimiartatui.

Isa. 42:7

Tura nuja̱i̱ kusuru ainia nusha paant íimtikiartatme nuyá̱ sepunam pujuiniasha ji̱i̱rartatme núnisaṉ kiritniunam sepunam pujuiniasha aṉkant awajsartatme. Ruk. 4:18-19

Isa. 6:10

Tura ju̱ aentsu enentáimtairi̱sha ikiatsuátrarta. Tura antukara̱i̱ṉ tusam empemtikiarta. Núnisaṉ íimsara̱i̱ṉ tusam ji̱sha ukusturarta enentáimsar nekarawar Winí̱ táarmatai tsuarara̱i̱j” turutmiayi. Mat. 13:14-15; Jṉ. 12:40; Tur. 28:26-27

Mat. 13:15

Ju̱ shuara enentái̱ kátsuram ásar péṉkera nuna nakitiáiniawai. Nu asamtai péṉker ántuiniatsui ji̱sha pusá áinis áiniawai. Túrachkuṉka paant nekaawarainti tura nekas antukarainti tura enentái̱ji̱a̱i̱ enentáimias Winia tsuarat tusa tarutiarainti.’ Isa. 6:9-10

Mar. 10:17

Ukunam Jesus nuyá̱ weai̱ shuar tseke Nin tarimiayi. Tarí tikishmátar chicharuk “Uuntá, Amesha tí peṉkeraitme. Tuma asam turuttia ¿warinia túrakna tuke iwiaaku átataj?” tímiayi.

Ruk. 24:45

Nuyá̱ Yus Papinium áarman paant nekaawarti tusa ni enentáimmiari̱n iwiaaku awajsamai.

Tur. 16:14

Nui̱ Tiatira péprunmaya̱ nuwa̱ ni naari̱ Ritia wainkiamiaji. Nisha tarach yamákáin péṉkeran súriniuyayi. Yúsnasha shiir awajniuyayi. Yus Chichaman Papru etserkamia nuna nisha péṉker anturkamiayi. Túman Uunt Yus Papru chichaamun umirkat tusa ni enentái̱n takasmiayi.

Tur. 26:18

Péṉker jintintiata tusan akupeajme. Kame aentssha kiritniumia̱ jíinkiar tsáapninium wekasarat tusan tura iwianchi kakarmari̱ya̱ aṉkant awajsar Yusan umirkarat tusan akupeajme. Tura Winia enentáimtursarmatai Wisha ni yajauchiri̱n tsaṉkurattajai. Nuna túran Yusna ajasáru áiniana nuja̱i̱ apujsattajai.’ Nuna Jesus turutmiai.

Rum. 11:29

Kame Yus amáa nuna ataksha ata̱a̱tsui. Shuaran achiksha atak iniaiyatsui.

Rum. 2:4

Wats, Yus imianú wait aneaku asa katsunteamuri̱sha tsaṉkarí̱sha ¿shiir awajtutsuk wasureamek? Kame ni waitnentrammari̱ ame atak enentáimpratjai turutit tusa nákarma nuka nékatsmek.

2 Kur. 4:4

Iwianchi uuntri̱ ju̱ nuṉká yusri̱ ana nu, nu aentsu enentái̱n ukusturuiti. Krístunu shiir chichaman ii étsermaja̱i̱ tsáapnin enentáimprara̱i̱ṉ tusa ukustawai. Krístuka Yusan ímiatrusaṉ nakumui.

2 Kur. 4:6

Yaunchu kiritin aan Yus tsáapin ati tusa tsáapnin awajsachmakia. Nú Yúsaiti ii enentái̱n tsáapnin awajtámsamia nu. Nu tsáapniji̱a̱i̱ ni shíirmari̱n Jesukrístu iniakmana nuna ashí aents nekaawarat tusar Jesukrístunu étsereaji.

Kar. 5:5

Antsu iikia Yusa Wakaní̱ji̱a̱i̱ tura Yus enentáimtakrin Yus shiir enentáimturmastatji, tu enentáimji.

Ipi. 1:11

Iisha Krístuja̱i̱ tsaniṉkiu asakrin Yus yaunchu achirmákmiaji ashí Niniu ana nuna tsaṉkatramkatniun. Nunasha ashí Ni túrana núnisaṉ aya Ni wakera asa túramiayi.

Ipi. 1:7

Yus imiá waitnentramak ni aneamu Uchirí̱ numpe̱ja̱i̱ ii yajauchiri̱n akikmatramak uwemtikrampraitji.

Ipi. 2:12

Nuik Krísturtinchauyarme. Israer shuarcha asarum ashí ni túrutairi̱sha tura ashí Yus nin tsaṉkatkarmasha nekaachuyarme. Tura jú̱ nuṉkanmaya̱ asarum nekas Yusa nu enentáimtichuyarme tura shiir pujustin náṉkamsarum enentáimpramarme.

Ipi. 3:16

Yus ti kakaram asa ni Wakaní̱ji̱a̱i̱ atumí enentái̱n pujureak ashí ni kakarmari̱ya̱n atumín suramsarat tusan áujtajrume.

Ipi. 3:8

Ashí Yus shuarja̱i̱ naṉkaamas wi péṉkercha ai̱ṉ Israer shuarchanum shiir chichaman etserkat tusa Yus tsaṉkatrukmiayi. Krístuja̱i̱ṉkia kuitji̱a̱i̱ naṉkaamas péṉker, enentáimtustin jeatsjinia nu, takakji. Nusha ti shiir chichamaiti.

Ipi. 4:1

Atumsha ni shuari̱ ajastin Yus achikma asarum péṉker wekasatarum tájarme. Ii úuntri̱niun étserkun sepunam pujakun seajrume.

Ipi. 4:4

Yusa Wakaní̱nkia chikichkiti. Tura ashí métek Yus achikma asar métek Niji̱a̱i̱ shiir pujustin enentáimji. Iisha Kristu aya̱shí̱ aya̱shí̱mkia asar chikichik aya̱shkitji.

Ipi. 5:8

Yáunchuka atumsha kiritniunam wekainiuyarme. Tura yamaikia Krístuja̱i̱ tsaniṉkiu asarum péṉker tsáapninium wekaarme. Shuar tsáapninium wekainia nuja̱i̱ métek wekasatarum.

Jir. 3:14

Tura nuna umikmatai Yus untsurkamtai nayaimpiniam Jesukrístuja̱i̱ tsaniṉkian shiir pujustinian Yus surustatui.

Kurs. 1:12

Yus ni shuari̱n tsáapninia nui̱ ashí péṉkeran susattawai. Tura iincha nui̱ pachinkiatniun tsaṉkatramka asakrin Yus Apa yumiṉsamniaitrume.

Kurs. 1:23

Tuma asamtai Jesukrístu shiir enentáimtusrum kakaram ajasrum katsua̱rtiniaitrume. Tura uwempratin chicham antukuitrum nuyá̱ kanakchatniuitrume. Ju̱ uwempratin chichaman ashí nuṉkanam etsernakuiti. Wisha, Papru asan etserkatniun yaimjiai.

Kurs. 1:27

Nu chichamsha ju̱i̱ti. Kristu atumí enentái̱n pujak Niji̱a̱i̱ métek ti shíiram awajtámsattawai. Nu imiá shiir chichamnum Israer shuarchasha pachiniainian Yus ashí ni shuari̱ nekaawarat tusa wakerimiayi.

Kurs. 1:5

Uwempratin chicham nekasa nu antukrum atumsha nayaimpiniam atumnian Yus ti shiir ikiusman wáinkiatai tusarum nákarme.

Kurs. 2:2

Ashí shiir enentáimtikratniun ti takaajai. Núnisan aneniarum chikichik enentáiji̱a̱i̱ métekrak wekasatarum tusan wakerajrume. Nu arantcha ashí Yusna tí peṉker nekaarum tuke katsua̱ruk tusan takaajai. Nuja̱i̱ Kristu tí peṉker nekaattarme. Tura yaunchu nekaachman Yus yamái paant awajsaiti. Nuka Krístuiti. Tura Ni nekaatin nekas shíiraiti.

Kurs. 3:15

Kame chikichik aya̱shtinia áintsarum ajastarum tusa Yus ni shuari̱ ajasat tusa achirmákmarme. Tuma asamtai Yusja̱i̱ aṉkant awajsamu atumí enentái̱n pujurtamsati. Nuja̱i̱ Yus yumiṉsatarum.

1 Tis. 2:12

Tura Yusja̱i̱ shiir wekasatarum tímiajrume. Yus naṉkaamas uunt asa ashí akupeawai. Tura Yus shuaraitrumna nuna, Winin pachinkiarat tusa Yus untsurmarme. Yus untsurma asamtai Níniuitrume. Niniu asarum Yusa uchirí̱a núnisrumek wekasatniuitrume.

1 Tis. 5:8

Túrasha iikia shiir tsáapninium wekainiaj nuka naka enentáimprar tuke nampetsuk pujustiniaitji. Suntar ni nemasri̱ anaṉkruawa̱i̱ṉ tusa anear wekasatniuiti. Tura iisha núnisrik íwianch yajauch awajtámsa̱i̱j tusar anearmi. Yus enentáimtusar aneetniuitji. Tura núnisrik iisha ju̱ nuṉkanmaya̱ uwemprar Yusai̱ tuke pujustatji, tu enentáimprar wetái.

2 Tis. 1:11

Nu tuma asamtai ii Yusri̱n atumín tuke áujtajrume. Yus atumín achirmákuitrume. Nui̱ṉkia Yuska atumí enentái̱n takas Ni wakera nuja̱i̱ métek awajtámsati, taji. Yus umirka asarum péṉker wekasataj tusarum wakerarme. Túrarum Yus enentáimtusrum péṉker túratin wakerarme. Tura wakerarmena nu umiktin Yuska ni kakarmari̱ji̱a̱i̱ yaiṉtí, tu áujtaji.

2 Tis. 2:16

Ii Uuntri̱ Jesukrístusha tura ii Aparí̱ Yussha tí peṉker ásar iincha anenmatsjik. Tura waitnentrama ásar iincha shiir enentáimtikramji. Tura nú naṉkaamas ii tuke péṉker pujustinian ikiurtámsaitji.

1 Tim. 6:12

Yusna nu túrunat tusam kakaram ajasta. Tuke amuicha iwiaakma emetata. Nu túratniun Yus anaitiamkaiti tura ame Yus nekas enentáimtamu untsurí shuar iruntramunam etserkaitme.

Tit. 2:13

Túrar ii Yusri̱ Jesukrístu, uwemtikramajnia nu, imiá shiir iwiarnar tatí tusar nákastiniaitji.

Tit. 3:7

Waitnentramu asar péṉker awajsámuitji. Nui̱ṉkia iisha yamaram awajsamu asar tuke iwiaaku átin ti wakerimiaj nu íiniuiti.

Isr. 10:32

Tura atumsha yámankamtaik Yusna nekaarum Krístunu ajasmiarmena nú enentáimsatarum. Nui̱ kakaram ajasrum ashí itiurchat katsuntramiarme.

Isr. 6:4

Shuar Yusna nuna nekaaṉka tura Yus susamun takakkuṉka tura Yusa Shiir Wakaní̱ kakarmari̱n nekapsaitkiuṉka

1 Pit. 1:3

Wats, Yus ii Uuntri̱ Jesukrístu Aparí̱ ana nuna naari̱ shiir awajsatai. Yussha ti waitnentrama asa atak akiiniatniun suramsaitji. Jesukrístu jakamunmaya̱ nantakin asamtai iikia atak akiiniar tuke iwiaaku pujustiniaitiajnia nu arutramji.

1 Pit. 3:9

Yajauch turamainiakuisha “yapajkiataj” tiirap. Katsekramainiakuisha “íkkiataj” tiirap. Antsu “Yus winia shiir awajtúsuiti” tu enentáimsarum yajauch turamainiana nu péṉker awajsatarum.

1 Pit. 5:10

Wats, ishichik tsawant wáitsarmena nu naṉkaamasmatai Yus ataksha péṉker awajtámsattarme. Tura numi wewe wajana núnisaṉ ikiakátmartatrume. Tura Yus ikiaká̱rma asarum ni jinti̱i̱n tuke péṉker wekasattarme. Ju̱ Yus tuke iin waitnentramtsujik. Tura iisha Jesukrístunu asakrin Niji̱a̱i̱ métek Yus ni shiir pujutai̱nium tuke shiir pujusmintrum tusa achirmákuitji.