Ipi. 1:17 - Yus Papí: Shuarja̱i̱ Yus Yamaram Chicham Najanamu

¹⁷ Ii Uuntri̱ Jesukrístu Aparí̱ Yus ti shiir asamtai Nin áujeakun ni Wakaní̱ ni nekatairi̱n suramas ashí jintintrámawarti tusan seajai. Nuja̱i̱ nuna naṉkaamas Yus nekaattarme.

Ipi. 1:17 Iomraidhean Croise

Juup 42:5

Tura yáunchuka Ame chichammin ántiniuyajai túrasha yamaikia wínia jí̱ruja̱i̱n wáinjiame.

YKan. 24:10

¿Ausha Naṉkamantu Úunt Akupniusha yait? Ashí Akupin Úunt Yusri̱ṉkia Naṉkamantu Akupniua nuiti. (Séraj)

YKan. 24:7

Maa, wáitisha urantrati. Kame métekrak uraniarti. Nui̱ Ashí Naṉkamantu Úunt Akupin shiir waya̱ti.

YKan. 29:3

Uunt Yuska nayantsanmasha chichawiti. Yusa winchari̱nkia timiá shiira nuna ipiamtarui. Uunt Yuska untsurí entsa írunmanumsha pujuwiti.

Jiin. 28:3

Tura winia takartin atí tusan akankattajai. Tuma asamtai Arauna pushiri̱n apararat tusam ashí Wi nekatai̱ susamu ásar ti neka ajasáru ainia nuja̱i̱ chichasarta.

Neka. 18:15

Ti enentáimniuka unuimiáki̱ wétinian wakeriniaiti tura nékaka antukmaja̱i̱ unuimiawiti.

Neka. 2:5

Nuiṉkia Yus ashamkatniusha núnisaṉ Uunt Yus urukuit nusha nekaattame.

Isa. 11:2

Tura Niinkia Uunt Yusa Wakaní̱ nekatai̱ tura enentáimtai̱ wakan nuyá̱ chicharkartin tura ikiakákratin wakan núnisaṉ Uunt Yus nekaar ashamkar umirkatin wakan pujursattawai.

Jrm. 2:11

Warí uunt nuṉka mátsatka áiniana nu chikichkisha ni yusri̱ nekascha yus ainia nuna ¿yapaji̱áwaruk ainia? Túrasha Winia péprurka ni páantniuri̱nkia iniaisar antra nuna enentáimtuiniawai.

Jrm. 24:7

Winia nekarawarat tusan nekatai̱n súsartatjai. Warí Wikia Úunt Yuschakaitiaj. Nekas enentáiji̱a̱i̱ Winia enentáimturainia ásar niṉkia Wi shuar ártatui tura Wikia ni Yusri̱ átatjai.

Jrm. 31:34

Nuya̱ṉka yaaksha ni shuari̱nkia yachi̱nkisha ‘Uunt Yus nékamek’ tusaṉka jintintiáshtatui. Warí peṉké uchichinmaya̱ṉ juárkin úuntaimiak ashí nekarawartatui” tawai Uunt Yus. “Warí ni yajauch túrukmari̱n Wi ashí tsaṉkuraran núnaka atakka peṉké enentáimtuschattajai.”

Jrm. 9:24

Antsu aents shiir enentáimtumastaj tákuṉka ju̱na nekáa enentáimias Wikia Uunt Yus asan ju̱ nuṉkanmasha Winia waitnenkartutairja̱i̱ métek sumamtikniuitjiana tura nekasa nuja̱i̱ túriniaitjiana nuna péṉker anturtuk nekara warasti. Warí nuiti Winia shiir enentáimtikrana nuka” tawai Uunt Yus. 1 Kur. 1:31; 2 Kur. 10:17

Tan. 10:1

Tura Siru menaintiú uwí Pirsia nuṉkanam úunt akupin ajas pujamunam Taniarka, chíkich naari̱ Pirtisasár, chícham nekamtiknamiayi. Nu chichamsha ti itiurchatan pachis nekasa nuna ujamiayi. Tura chichamnasha antuk nuyá̱ ímiaja̱i̱k wainkiamia nunasha paant nekaamiayi.

Tan. 5:11

Warí, ame akupeamurmin ashí tunaarincha yusa wakaní̱ pimiutkamu áishmaṉ awai. Ame apa akupniuya̱ nui̱sha Yusa nekatairi̱ya̱ núnis nekatai̱ wainniakmai. Tuma asamtai ame apa Napukutunusúr ashí neka ainia nusha uwishniuncha tura nekamin Kartíu núnisaṉ ashí nekamin áiniana nuna uuntri̱ awajsámiayi.

Mat. 11:25

Nuyá̱ Jesus chichaak “Shiir enentáimtajme, Aparu, ashí nayaimpisha nuṉkasha úuntrinme. Tuma asam Ame túram nu tí unuimiaru enentáimtumainia nuyá̱ ú̱kuitme antsu uchichia áinis naṉkamantu enentáimtumainiatsna nú shuar paant awajtúsuitme.

Mat. 11:27

Winia Apar ashí surusuiti. Wisha ni Uchirí̱ asamtai Winia nékarui. Tura chíkich Winia nekas nekarainiatsui. Yus Apancha Wiki nékajai. Tura Wi wakeraj nú shuaran winia Aparun paant awajtajai. Nu shuarsha winia Aparun nékainiawai.

Mat. 16:17

Tutai Jesus chichaak “Shíiraitme Junasa uchirí̱ Semuṉká. Núnaka aents ujatmákchaiti antsu winia Apar nayaimpiniam pujana nu ujatmákmatai nekaam tame.

Mat. 20:33

Tutai “Uuntá, iimtiai tusar wakeraji” tiármiayi.

Mat. 6:13

Tunáa wakeruktin tsaṉkamkartukaip. Antsu ashí yajauch túratniunmaya̱ iin aṉkant awajkartusta. Tuke ashí aents akupkámniaitme. Núnisam Amesha tuke ti kakarmaitme. Tura tí shiiraitme. Tuma asakmin seaji. Nuke atí.’

Ruk. 12:12

Ame áimkiatin jeamtai Yusa Wakaní̱ ame títiatmena nuna jintintrámattawai” tímiayi.

Ruk. 2:14

“Nayaimpinmasha Yus naṉkamantuiti tu enentáimtusarti. Tura ju̱ nuṉkanmasha Yusja̱i̱ nawamnaikiaru ainia nusha aṉkant pujusárti.” Tu tiármiayi.

Juaṉ 14:17

Nusha Nekasa nú Wakaniti. Yus shuarcha Nin nekaachmin áiniawai. Tuma asamtai ni enentái̱n waya̱chminiaiti. Antsu átumka atumí enentái̱n pujakui Ni nékarme. Nisha atumí enentái̱n tuke pujustatui.

Juaṉ 14:26

Yus Apa ni Shiir Wakaní̱n atumín yáintmak atsaṉtamprarat tusa akuptúrmaktatrume. Wi seam túrattawai. Nu Wakancha ashí Wi ujakjarmena nuna atak enentáimtikramprar ashí unuitiamprartatui.

Juaṉ 16:3

Nu shuar Winiasha tura winia Aparnasha nékachu ásar túrutmawartatui.

Juaṉ 17:3

Kame ju̱i̱ti tuke amukashtin iwiaakma. Amek nekas Yúsaitmena nuna tura Jesukrístu Ame akupkámuiti nú nekaatniua nuiti.

Juaṉ 20:17

Jesussha tutai “Achirkaip. Winia Aparuí̱ tuke waatsjai. Antsu weme Wí shuar ujakárta. Winia Aparuí̱ wéajai. Nisha atumí Aparí̱nti. Winia Yúsruiti tura atumí Yúsri̱nti tawai titiá” timiayi.

Tur. 6:10

Kame Estepaṉka ni nekatairi̱ji̱a̱i̱ tura Yusa Wakaní̱ nekatairi̱ji̱a̱i̱ tímianak chicháa asamtai nu áishmaṉ Estepaṉja̱i̱ iṉkiunaikiar nupetkataj tukamá tujintkiarmiayi.

Tur. 7:2

Tutai nisha aimkiamiayi “Winia úuntrutirmesha, yatsurtirmesha anturtuktarum. Ii Yusri̱ winchari̱ timiá shiira nuna ii úuntri̱n Aprajáman wantintiukmiayi. Aprajámka Misiuputámia nuṉkanam pujái̱ Aran nuṉkanam wéatsa̱i̱ṉ nui̱ wantintiukmiayi.

Rum. 1:28

Tura tuke Yusan nakitiáinia asamtai ti yajauch enentáimiainiak peṉké túrachminia nuna túrawarti tusa Yus tsaṉkatkarmiayi.

Rum. 15:6

Nuja̱i̱ ashí métekrak Yus shiir awajsattarme. Nisha ii Uuntri̱ Jesukrístuncha Aparí̱nti.

1 Kur. 12:8

Jú̱naka Yus takamtikeawai. Nékana nu shuarnasha, unuimiárua nunasha Yúsnan ujaktinian suawai. Tura mái̱ shuaran Yusa Wakaní̱ kakarmari̱ji̱a̱i̱ nuna túratniun súsaiti.

1 Kur. 14:6

Enentáimpratarum, yatsuru. Nui̱ iraakun aya niisháa chichamja̱i̱ chichaaknaka ¿itiura yáiṉtatjarum? Antsu Yus winia jintintruamuncha tura wi nékajna nunasha étserkunka yáiṉtatjarme. Yus Chichamnasha tura ashí Yúsnancha jintinkiuncha yáiṉtatjarme.

1 Kur. 2:10

Tura Yusa Wakaní̱ ii enentái̱n pujurtamuk Yus suramsattajnia nuna yamái paant jintintramji. Nu Wakancha imia Yus enentáimmiancha mash nékawai.

1 Kur. 2:8

Ju̱ nuṉkanam akupniúka nuna peṉké nekaacharmiayi. Nékainiakka ii Uuntri̱ timiá shiira nuna krúsnum mácharu a̱a̱yi.

2 Kur. 12:1

Kame wiki shiir chicharmamsatniun nakitiajai. Túmayatnak íimiarjana nuna tura Uunt Jesus iniaktursamia nuna ujaktiniaitjiarme.

Ipi. 1:3

Ii Uuntri̱ Jesukrístu Aparí̱ Yus nekas shiir awajtústiniaiti. Iisha Krístuja̱i̱ tsaniṉkiu asar ii enentái̱n ashí nayaimpinmaya̱ ana nuja̱i̱ warasminiaitji. Túmaitkiui Yus nu waratai̱n ashí suramsaitji.

Ipi. 3:5

Nú chichaman yáunchusha chikichkinkesha ujankachmiayi. Túrasha yamaikia Yusa Wakaní̱ Kristu akatrámuri̱ncha etserniuri̱ncha nu chichaman paant awajtúsarai.

Ipi. 4:13

Nuja̱i̱ Yus nekas enentáimtamunam Yusa Uchirí̱ ashí métekrak péṉker nekaattaji. Nu túrakur katsukir Krístuja̱i̱ métek péṉker ajastatji.

Jir. 3:15

Ashí shuar Yusja̱i̱ katsua̱ru ájinia nu wi tájana núnis “jeachuitjiai” tu enentáimpratniuitji. Tura “jeaitjiai” enentáimkiurminkia Yus nunasha atak enentáimtikramprattarme.

2 Tim. 2:25

Tura umircha shuarnasha Yus ni enentái̱n yapajtiakui nekas chichaman shiir enentáimturarat tusa péṉker enentáiji̱a̱i̱ jintintiátniuiti.

Tit. 1:1

Wikia Pápruitjiai Yusa takarniúri̱. Tura Jesukrístu akatrámuri̱ntjiai. Yus achikma ainia nú shuar nisha antukar Yusan umirkarat tusan akatrámuitjiai. Shuar nuna nekaawar péṉker wekasartatui.

San. 2:1

Yatsuru, ii Uuntri̱ Jesukrístu winchari̱ timiá shiira nu enentáimtatirmeka shuar akantratin enentáimsairap. Shuara enentái̱ enentáimtsuk antsu aya pátatek wáinmena nuja̱i̱ aents akantram niisháa enentáimturairap.

2 Pit. 1:3

Yus uunt asa tura ashí túramnia asa umirtukat tusa achirmákuitji. Ni neka asar atsumajnia nu wáinkiaitji. Yus shuarti wekasatniusha tura Nin aneatniusha ii atsumajnia nuna Yuska kakaram asa suramsaitji.

2 Pit. 3:18

Tura ii Uuntri̱ Jesukrístu iin Uwemtikkiartin ana nu yamái nékarmena nú naṉkaamas nekaatarum. Tura enentáimin nú naṉkaamas tariarum wetarum. Yamaisha tura tuke ii Uuntri̱ Jesukrístu náari̱n uunt awajsarti. Nu atí.

Apu. 7:12

tiarmai “Nekasaiti. Tuke iniaitsuk ii Yusri̱ ti shiir awajsatniuiti. Niṉki ti neka, ti kakaram, ti akupin tura tí peṉker asamtai tuke yumiṉsatniuiti. Núnisaṉ atí.”