Ipi. 1:11 - Yus Papí: Shuarja̱i̱ Yus Yamaram Chicham Najanamu

¹¹ Iisha Krístuja̱i̱ tsaniṉkiu asakrin Yus yaunchu achirmákmiaji ashí Niniu ana nuna tsaṉkatramkatniun. Nunasha ashí Ni túrana núnisaṉ aya Ni wakera asa túramiayi.

Ipi. 1:11 Iomraidhean Croise

Juup 12:13

Tura nekatai̱sha, kakarmasha, enentáimtai̱sha jintinkiartutaisha aya Yusai̱ya̱ áiniawai.

YKan. 37:18

Péṉker aents ainia nuna tsawantri̱nkia Jiuwá nékawai. Tura ni sunasartatna nuka péṉke amukashtiniaiti.

Neka. 8:14

Kame chicharkartin péṉker enentáimsa túratniusha tí neka átincha nuyá̱ kaka̱a̱rtincha wini̱ya̱ṉ áiniawai.

Isa. 28:29

Núnisaṉ jintinkiartutairi̱ṉkia tí peṉker tura nekaatairi̱sha ti shiir uunt áiniana ju̱ka Ashí Akupin Úunt Yusai̱ya̱ winiawai.

Isa. 5:19

Tura Yus wíshikiakrum “Wats Yus tara túratta nuna wárik túrakui íisarmi. Kame Israer shuarna Tunaarincha Yus umiktinia nuna wárik túrakui nekaawarmi” tárumna nútiram aneartarum.

Jrm. 23:18

¿Yaki Uunt Yus iruntrar chichamunam pachinkiait tura Ni chichame̱n anturak iisuit? ¿Yaki Ni chichame̱n esetas pujus anturkait?

Jrm. 32:19

Tí nekasaiti Ame chicharkartutairmeka nekas antuktiniaiti tura Ame túrutairmesha nekas enentáimpramnia áiniawai. Kame ashí aents túruiniamun Ame jí̱mikia wainiui. Tuma asam ni wekasamuri̱ji̱a̱i̱ tura ni túrawarmasha Ame iisam péṉker túramuri̱ji̱a̱i̱ métek aṉkant aṉkant akikiártatme.

Sak. 6:13

Ni Yusa Uunt Je̱e̱n je̱a̱mtatui tura naṉkamantu úunt akupin pujus pujutai̱ri̱ya̱ akupkáttawai. Ni pujana nui̱ṉ Yúsnan pujurniusha pujustatui. Nuiṉkia mái̱mtek shiir chichasar pujusártatui.

Tur. 13:48

Nú chichaman antukar Israer shuarcha ti wararsar “Uunt Yus tana nuka imiá péṉkeraiti” tiármiayi. Tura ashí tuke iwiaaku pujusmin achikma armia nu Krístun enentáimtusar Yus shuar ajasármiayi.

Tur. 2:23

Tura Jesus surunkamia nuna Yus yaunchu túmatsa̱i̱ṉ paant nekaamiayi. Túrasha Yus enentáimmia nuja̱i̱ métek túrawarmiayi. Tura atumek emetarum Jesus jukimiarme. Nú arant krúsnum mátarum tunáa shuar tímiarme.

Tur. 20:32

Pai, yamaikia yatsuru, Yus yainmakarti. Yusa aneṉkrattairi̱ nékaitrumna nú chichamsha kakarmaiti. Nú chicham átum katsua̱rar kakaram wekasatniun yaintmakarti. Kame nú chicham atumí enentái̱n pujakui Yus ni shuari̱n matsamsatniun anajmatramia nui̱ pachinkiattarme.

Tur. 26:18

Péṉker jintintiata tusan akupeajme. Kame aentssha kiritniumia̱ jíinkiar tsáapninium wekasarat tusan tura iwianchi kakarmari̱ya̱ aṉkant awajsar Yusan umirkarat tusan akupeajme. Tura Winia enentáimtursarmatai Wisha ni yajauchiri̱n tsaṉkurattajai. Nuna túran Yusna ajasáru áiniana nuja̱i̱ apujsattajai.’ Nuna Jesus turutmiai.

Tur. 4:28

Tura Ame enentáimji̱a̱i̱ iwiaramamna nuna tímiannak umikiarmiayi.

Rum. 11:34

“Uunt Yus enentáimmian ¿yaki neka? Tura ¿ya Nin unuiniaruit. Isa. 40:13

Rum. 8:17

Tura ni uchirí̱ ajasu asakrin Yus timia núnisaṉ ashí Níniun suramsattaji. Krístun ashí susattana núnisaṉ iincha suramsattaji. Yamái Krístunu takaakur wáitiakrikia ukunam Krístuja̱i̱ métek ti shiir awajnástatji.

Rum. 8:28

Yus anea asakrin ashí naṉkatamjinia nuja̱i̱ Yus pujurtamji. Tura nuja̱i̱ péṉker awajtamji. Nu paant nékaji. Tura Ni wakerimia núnisaṉ Ní shuar awajtámsaitji.

Rum. 8:29

Yámankamtaikniumia̱ iin nekarmak ni Uchirí̱ Jesukrístuja̱i̱ métek ajasat tusa achirmákmiaji. Nuja̱i̱ Yusa uchirí̱ untsurí ajasji. Tura Kristu ii iwia̱i̱ri̱nti.

Rum. 8:30

Tura Yus achikmia nuna Niniu awajsámiayi. Tura nu shuaran “péṉkeraitrume” tímiayi. Tura ti shiir awajsámiayi.

Rum. 9:11

Nu uchisha akiiniainiatsa̱i̱ṉ péṉkernasha tura yajauchincha túruiniatsa̱i̱ṉ Yus Riwikian tímiayi “Iwia̱i̱ri̱a nu ni patai̱n umirkattawai.” Naṉ. 25:23 Ataksha núnisaṉ Yus ni Papiri̱i̱n chichaak “Jakupan aneakun Esaun nakitrámjai” Mks. 1:2-3 tímiayi. Núja̱i̱ṉkia páantaiti. Yus wakerak aya ni enentái̱ji̱a̱i̱ṉ shuaran achikminiaiti. Nu shuar túrunamu enentáimtutsuk túramniaiti.

Kar. 3:18

Tuma asamtai Yus timia nuka tuke uminkiattawai, Yus yaunchu Aprajámja̱i̱ chichaman najana asamtai. Núja̱i̱ṉkia páantaiti, péṉker ajastajtsar akupkámu umikrikia shiir pujuschartatji antsu Yus timia nuja̱i̱ iikia takatsuk shiir pujustatji. Nuna tsaṉkatkamiayi Yus Aprajámja̱i̱ chichaman najaneakᵘ.

Ipi. 1:14

Yamái Yusa Wakaní̱ ii enentái̱n pujuruk tuke uwemtikramji. Tura takas umik nu tsawantai̱ ashí tsaṉkatramkattaji. Tura ii enentái̱n pujá asamtai Yus ukunam Níji̱a̱i̱sha ashí tsaṉkatramkattaj nu paant nékaji. Maa, Yus tí peṉker asamtai Nin ashí ti shiir awajsarti.

Ipi. 1:18

Tura enentáimincha paant enentáimtikramprarti tusan seajai. Nuja̱i̱ shiir túrutmataj tusa achirmákuitrum nu nekaattarme. Nu arantcha imiá shiira nu, Yus ni shuari̱n ashí tsaṉkatkattana nusha nekaattarme.

Ipi. 1:5

Yámankamtaikniumia̱sha iincha ti anenmak Jesukrístu túrunamuja̱i̱ ni uchirí̱ ajasat tusa wakerutmak anaitiamkamji.

Ipi. 1:8

Tura tí anenmak ni enentáimtairi̱n tura nekatairi̱ncha suramsamiaji.

Ipi. 1:9

Nuja̱i̱ shiir enentáimturmak Kristui̱ iin uwemtikrampratniun wakerutmakmiaj nuna yaunchu nekaachman yamái paant awajtúrmaji.

Ipi. 3:11

Yus jú̱nis túratniun yáunchuk enentáimpramiayi. Tura ii Uuntri̱ Jesukrístuja̱i̱ mash uminkiamiayi.

Muis. 4:20

Túrasha yamái pujarmena áitkiarma Niniu ajasrum pujusmintrum tusa jiru inimpiáimiunam eṉketua núnisrum Ejiptunam wait ajá matsatrumin atumniaka Uunt Yus ji̱i̱rmarmiarme.

Kurs. 1:12

Yus ni shuari̱n tsáapninia nui̱ ashí péṉkeran susattawai. Tura iincha nui̱ pachinkiatniun tsaṉkatramka asakrin Yus Apa yumiṉsamniaitrume.

Kurs. 3:24

Ame úuntrum Kristu asa nayaimpiniam ashí shiir takustinian tsaṉkatramkattawai.

Tit. 2:14

Jesukrístuka iin jarutramkamiaji ii tunaarí̱nia̱ uwemtikrampratajtsa. Tura Winia ajasár tuke enentáiji̱a̱i̱ péṉker túrawarat tusa ii tunaari̱n japirtampramiaji.

Tit. 3:7

Waitnentramu asar péṉker awajsámuitji. Nui̱ṉkia iisha yamaram awajsamu asar tuke iwiaaku átin ti wakerimiaj nu íiniuiti.

Isr. 6:17

Tuma asamtai Yuska “ti nekasan yapají̱tsuk túrattajai” tusa imia Niṉki pachimias tumammiayi. Nuja̱i̱ ni tsaṉkatkamun júkiartatna nu shuar Yus ti nekas umiktatna nuna nékainiawai.

San. 2:5

Aneamu yatsuru, antuktarum. Ju̱ nuṉkanam kuítrincha ainia nuna Yus achikiuiti Ní shuar ajasár Nin nekas enentáimtin ajasártinian. Tura ashí nayaimpiniam írunna nunasha Yus nin tsaṉkatkattawai. Ashí shuar Yusan aneena nuna anajmatra asa nin tsaṉkatkattawai.

1 Pit. 1:4

Tura nayaimpiniam ikiurtámsamu ana nuna achikmintrum tusa Yus wakerawai. Nu ikiurtámsamu meserchamnia amuukachminiaiti. Tura nusha yajauchichuiti.

1 Pit. 3:9

Yajauch turamainiakuisha “yapajkiataj” tiirap. Katsekramainiakuisha “íkkiataj” tiirap. Antsu “Yus winia shiir awajtúsuiti” tu enentáimsarum yajauch turamainiana nu péṉker awajsatarum.