Ipi. 1:1 - Yus Papí: Shuarja̱i̱ Yus Yamaram Chicham Najanamu

¹ Yus nuna wakerakui wi Papru Jesukrístu akatrámuitjiai. Jesukrístu nekas enentáimtusrum Yus shuar ajasrum Ipisiunam pujarmena nuna ju̱ papin áatjarme.

Ipi. 1:1 Iomraidhean Croise

Wek. 12:7

Antsu winia takartin Muisaisja̱i̱ṉkia núnaka túratsjai. Warí, ashí Israer shuarnumka niṉki nekas tímiatrus Winiak enentáimturui.

Ruk. 16:10

Shuar ishichik takakna nuja̱i̱ péṉker túrakka, núkap takakna núja̱i̱sha péṉker túrattawai. Tura ishichik takakna nuja̱i̱ péṉker túrachkuṉka, núkap takakna núja̱i̱sha péṉker túrashtatui.

Tur. 16:15

Túruna nú nuwa̱ níniuri̱ji̱a̱i̱ imiantmiayi. Tura nuya̱sha chichaak “Yus shuar nekas ajasái túrutkurmeka winia je̱a̱rui̱ winitiárum” tímiayi. Tura nui̱ jeawakrin setumtikrampramiaji.

Tur. 18:19

Tura nuyá̱ Ipisiunam jeawar Pápruka Prisiran tura Akiran ikiukmiayi. Tura Israer shuar iruntai̱ je̱a̱nam wayá̱ Israer shuar irunar pujuarmia nuja̱i̱ chichasmiayi.

Tur. 18:21

Nuya̱ṉka áujas ikiuak “Wisha Jerusaréṉnum námper átatna nuna pachintiuktiniaitjiai. Tura Yus akuptakuiṉkia atak tatajai atumín íistaj tusan” tímiayi. Tura kanunam eṉkemár Ipisiunmaya̱ jiinkimiayi.

Tur. 9:13

Táman antuk Ananías chichaak “Túrasha Uuntá, jú̱ aishmaṉ ame áentsrumin Jerusaréṉnum ti yajauch awajchakait. Ni yajauch túramuri̱n ti untsurí aents ujatainiawai.

Rum. 1:1

Wi Papru Jesukrístu takarniuitjiai. Núnisaṉ Yus achirak ni uwempratin chichame̱n etserkat tusa akatar akuptúkmiayi.

Rum. 1:7

Ashí Yus aneamutirmincha Rúmanam matsatrum nuna ju̱ papin áateajrume. Yus tí peṉker awajtámsatniun wakerutmarme. Ii Aparí̱ Yussha ii Uuntri̱ Jesukrístusha waitnentramainia ásar imiatkinchanum ti shiir pujustinian yaintmakarti.

Rum. 8:1

Túrasha yamaikia Jesukrístuja̱i̱ tsaniṉkiaru áinianka Yuska “tunaan túrawar jákatniunam wétin áiniawai” tatsui. Nu shuar ni aya̱shi̱ wakerana nuna umirtsuk antsu Yusa Wakaní̱ wakerana nuna umirainiawai.

1 Kur. 4:12

Ii uwejé̱ja̱i̱ takaakur ti pimpíaji. Shuar katsekramainiaji túrasha iikia shiir chichamja̱i̱ aya̱ji. Itiurchat awajtámainiakuisha katsunteaji.

1 Kur. 4:17

Nu túratarum tusan winia aneamu uchirun Timiutéun akuptúkmajrume. Nisha ii Uuntri̱ Krístun enentáimtamunam winia uchiruiti tura Krístun enentáimtak tuke shiir wekaawai. Túrasha wi Krístuja̱i̱ wekaamun ataksha enentáimtikramprattawai. Núiti ashí Yus shuarnum wena jintíajna nuka.

2 Kur. 1:1

Wi Pápruitjiai Jesukrístu akatrámu. Yus nuna wakerakui ni akatrámuri̱ anaikiamuitjiai. Ii yachi̱ Timiutéuja̱i̱ Yus shuar Kurintiunam íruntrumna nuna áatjarme. Kame ashí Akaya nuṉkanam Yusna ajasurmena nunasha áatjarme.

Kar. 1:1

Wi Pápruitjiai Yus akatrámu. Yusak winia akattúruiti. Shuarka akattúrchamai. Yussha chíkich shuaran akuptúrak akattúrchamai antsu Niṉki, Yus Apa, Jesusan jakamunmaya̱ iniantkímia nu, tura Jesukrístu winia akattúrarmai Yusa shiir chichame̱n etserkatniun.

Kar. 3:26

Antsu Jesukrístu enentáimtusar nuja̱i̱ Yusa uchirí̱ úuntmaru ajasuitji.

Kar. 3:28

Jesukrístuja̱i̱ tsaniṉkiu asarⁱ imiá métek aji. Israer shuar, Israer shuarcha aṉkant ainia nu aṉkantcha ainia nu áishmaṉ, nuwa̱, ashí mash Jesukrístunuitkiuiṉkia yamaikia “niishaaiti” tu enentáimprashtiniaiti. Ni shuari̱ mash chikichik áiniaji.

Kar. 3:9

Tuma asamtai ashí shuar Yusan enentáimtuinia nuke Aprajámja̱i̱ métek péṉker ajasár shiir warasartatui.

Ipi. 1:15

Átum ii Uuntri̱ Jesukrístu nekas enentáimtamuncha tura ashí Yus shuarja̱i̱ shiir awajnáiyamuncha antukjai.

Ipi. 2:10

Yus najanamuitji. Kame Jesukrístuja̱i̱ tsaníakrin yamaram iwiaakman suramas tuke péṉker túratniun najatmamji. Yáunchuk nuna enentáimturmasmiaji.

Ipi. 2:13

Antsu yamaikia Krístuja̱i̱ tsaniṉkiu asarum yaunchu Yusai̱ya̱ yajá pujuwitiatrum, yamaikia Kristu numpé̱ puármatai ni jarutramkamuja̱i̱ tántaitrume.

Ipi. 2:6

Tura Krístuja̱i̱ métek Yus iniantamkimiaji. Nuyá̱ Jesukrístuja̱i̱ métek ju̱ nuṉkanam pujuinia áintsar yamaisha nayaimpinmasha apujtamsatniun tsaṉkatramkaitji.

Ipi. 6:21

Ii aneamu yachi̱, Tíkikiu, ashí wi túramun ujatmáktatui. Nisha Ii Uuntri̱ Krístunu etserkatniun tí peṉker yáinniuiti.

Kurs. 1:2

ju̱ papí áarar nui̱ Kuruse péprunam Kristu péṉker umirkarum Yusna ajasuitrumna nu akuptaji. Ii Aparí̱ Yussha tura Jesukrístu ii úuntri̱sha atumín waitnentramainia ásar aṉkant tuke shiir pujustinian suramsarti.

Apu. 17:14

Murikji̱a̱i̱sha mesetan najanawartatui. Túrasha Murik nupetkartatui. Nisha uuntja̱i̱ naṉkaamas Uunt asa tura núnisaṉ akupniúja̱i̱ naṉkaamas Akupin asa nupetmaktatui. Tura Niji̱a̱i̱ írutraa nu, Yus Winia atí tusa achikma ásar tura Nin tuke umirin ásar Niji̱a̱i̱ nupetmakartatui.”

Apu. 2:10

Tí waitsattamna nu ashamkaip. Íwianch ashí nekapramsataj tusa atumíinia̱n sepunam eṉkeattawai. Nui̱ tias tsawant wáitsattarme. Jáakmesha tuke Yus shiir enentáimtusakminkia tawaspan nakurin súsatniua nútiksanak nekas iwiaakman tuke shiir pujustinian amastatjai.

Apu. 2:13

‘Ashí ame túram nuna nékajai. Iwianchi uuntri̱ Satanás akupea nui̱ pujayatmek tuke shiir enentáimturmena nuna nékajai. Winia shiir umirtínian Ántipasan máwarmataisha Winia enentáimtursatin ishichkisha iniaitiuschamame. Nusha íwianch pujutai̱nium pujakrumin túrunamai.