Apu. 9:2 - Yus Papí: Shuarja̱i̱ Yus Yamaram Chicham Najanamu

² Tura uraimtai nu náṉkatkachu wá̱a̱nmaya̱ ti mukuint jiinmiai uunt jiniumia̱ áintsaṉ. Tura etsa̱ncha tee awajsamai yuraṉmincha tee awajsamai.

Apu. 9:2 Iomraidhean Croise

Naṉ. 15:17

Tura etsa̱ akaikí̱ kirit ajasmanum ji mukuintiuki̱ jiintimiayi. Núnisaṉ shiripik keá namaṉ ajapén nakakma tepearmia nuna ajapéri̱n naṉkaaman Apramka wáinmiayi.

Naṉ. 19:28

Tura nui̱ jeá Sutuma tura Kumura pakari̱ni̱ íimias ji ikiapámua núnis túput túput ajak mukuintiuri̱ jíiniun wainkiamiayi.

Jiin. 19:18

Uunt Yus jinium páchitkia tara asamtai Senái naintkia takamtsuk múkuint ajamiayi. Túmak jinia mukuintiuri̱ya̱ tímianu jíinmiayi. Tímiatmakui Senái naintcha takamtsuk téter ajamiayi.

Isa. 14:31

Atumsha wá̱i̱ti̱a̱i̱yá najaimiakrum charáa charáa ajatarum. Amesha uunt pepru yáintkiatarum tusam untsumkata. ¡Jiristíayi, emé emesusma juákume! Araki̱a̱ múkuint winitramui túmak iruntramunmaṉka chikichkiksha juákchattui.

Tan. 3:6

Tura nuna tikishmátainiachuka nu chichamaik ji keamunam apenáwartatui” tímiayi.

Juir 2:10

Nu túmakui̱ núṉkaka ú̱u̱rkattawai tura nayaimpikia muchitrattawai. Núnisaṉ etsa̱sha tura nantusha mushatmarartatui. Áintsaṉ yaa keamuri̱sha meṉkarattawai.

Juir 2:2

Nu tsawantinkia yuraṉkim utsantra núnis kirit tee ajastatui. Tura tsawa̱a̱kui náintiaani̱ṉkia tsáapnikiar tsáapnikiar wéana núnisar tí kakaram tura tí untsurí suntar winiartatui. Kame yáunchusha tímiatmaaka peṉké wáinchatai̱n núnisaṉ uwir uwir naṉkaamarmataisha tí ukunam aents matsamártatna nusha tímiatmaanka peṉké wainkiachartinian nú tsawantin wáinkiartatui.

Juir 2:30

Nútiksanak nayaimpinmasha tura nuṉkasha Winia kakarmarun iniakmakun aents ashamak ii wajamnian numpancha jiniasha yuraṉkim mukuintiui̱niancha iniakmastatjai.

Tur. 2:19

Yakí̱ nayaimpiniam aents túrachminian iniakmastatjai. Tura nuṉkanmasha winia kakarmarun iniakmastaj tusan numpancha, jiniasha, mukuintiuncha yuraṉmia áintsaṉ akupkáttajai.

Apu. 14:11

Ni wáitsatniuri̱ ji esaak kajintsuk tuke mukuintia núniskete. Entsaya̱ yajasman tura ni nakumkamuri̱n shiir awajénak ni naari̱ anujmamainia nuka tsawai̱sha káshisha ayamtsuk wáitsartatui.

Apu. 16:10

Nuyá̱ suntar seṉkua nu Entsaya̱ Yajasma akupin pujutái̱ri̱n ukarmai. Túramtai ni nuṉke̱e̱n ashí kashi ajasmai. Tura aents ti najaimiainiak iniai̱ncha esamiarmai.

Apu. 8:12

Nuyá̱ Yusa suntari̱ kuatrua nu kachun umpuarmatai menaintiú nakakam jeá etsa̱sha, kashí nantusha tura yaasha emesnarar ajapén tee ajasármai. Túrunawar tsawai̱sha káshisha menaintiú nakakam jeanum tsáapnircharmai.

Apu. 9:1

Nuyá̱ Yusa suntari̱ seṉkua nu, kachun umpuarmatai yaan nayaimpinmaya̱ nuṉká inian wainkiamjai. Tura nu yaan tunáa shuar jákaru matsamtai̱ yawiri̱ susamuyi.

Apu. 9:11

Tura náṉkatkachu wa̱a̱ uraimia nu suntar ni úunt akupniuri̱nti. Israer chichamja̱i̱ ni naari̱ Apatún tutainti. Tura Kriaku chichamja̱i̱ṉkia Apuriún tutainti. Nuka Yajauch Awajkartin tawai.

Apu. 9:17

Tura ímiaja̱i̱k suntarnasha kawaincha jú̱nisan wainkiamjai. Eketáiniaka netsepnum jirun entsaru armai. Nusha kapa̱a̱ku wiṉkia tura yaṉkú armai. Tura kawaisha úunt ya̱wa̱a muuke̱ áinin armai. Tura ni wene̱ya̱sha jisha, mukuintiusha, asuprisha ti tsue̱r keá jíiniarmai.