Apu. 8:9 - Yus Papí: Shuarja̱i̱ Yus Yamaram Chicham Najanamu

⁹ Núnisaṉ menaint jeá nayantsanam matsatainia jákarmai. Tura menaint jeá uunt kanua nu emesnararmai.

Apu. 8:9 Iomraidhean Croise

YKan. 48:7

Etsa̱ tatainmaya̱ tsue̱r naseja̱i̱ Ámeka Társesnumia̱ kánuka ijiakéname.

Jiin. 7:21

Túrunamtai Nírunam namak irunmia nusha kajinkiarmiayi. Tura entsasha ti meje̱e̱mtai Ejiptunmaya̱ aents nu entsan umartinian tujintkiarmiayi. Kame ashí Ejiptumaṉka entsa aya númpak ajasármiayi.

Isa. 2:16

nuyá̱ Társesnumia̱ uunt kanu tura tí shiirmach kánua ímianu enentáimtuma ainia nunasha

Sak. 13:8

Uunt Yus tawai “Ashí nuṉkanam jú̱nis naṉkaamastatui. Aents irurma menaintiú nakakmanumia̱ jimiará tesamua nu amukar meṉkakartatui. Tura nakakma ampirma nu iwiaaku juáktatui.

Sak. 13:9

Núnaka aya kuítiak ajasat tusar tura aya kúrik juákat tusar jinium áesainia núnisnak wisha jinium áesan nekapsattajai. Nuiṉkia winia náarun pachisar untsurainiakui wisha anturkaran ‘Átumka wí shuaraitrume’ tiártatjai. Tutai ni chichartuiniak ‘Uunt Yuska ii Yúsri̱nti turutiartatui’” tímiayi Uunt Yus.

Apu. 12:4

Menaintiú nakakam jean yaan ni ujuké̱ja̱i̱ japiki̱ akakermai. Tura nuṉká utsamai. Nu Ti Kajen Yajasma nu nuwa̱ jatema nui̱ wajasmai. Takusmataik yuruataj tusa wajattsamai.

Apu. 16:3

Nuyá̱ chíkich suntar jímiara nu, we Yusa kajetáiri̱n nayantsanam ukarmai. Túramtai nayants jakáa numpe̱ya áinis ajasmai. Tura ashí nui̱ matsatuka nu kaji̱nkiarmai.

Apu. 8:10

Nuyá̱ Yusa suntari̱ menaintiua nu kachun umpuarmatai ti uunt yaa nayaimpinmaya̱ kapá̱a̱ iniarmai. Tura entsasha tura púkuninmasha menaintiú nakakam jeanum iniarmai.

Apu. 8:12

Nuyá̱ Yusa suntari̱ kuatrua nu kachun umpuarmatai menaintiú nakakam jeá etsa̱sha, kashí nantusha tura yaasha emesnarar ajapén tee ajasármai. Túrunawar tsawai̱sha káshisha menaintiú nakakam jeanum tsáapnircharmai.

Apu. 8:7

Emka Yusa suntari̱ kachun umpuarmatai micha kákekamai. Nunasha ji numpaja̱i̱ pachimpramuncha nuṉkanam ajapawarmai. Túmakui̱ menaintiú nakakma jean numincha tura ashí írunna nui̱ ekemákmai. Tura ashí nuṉkanam chírichrin takamtsuk ekemákmai.

Apu. 9:15

Túramtai nu kuatru suntar wéar menaintiú nakakam untsurí shuaran maatai tusar weriarmiayi. Kame nuna túrawarat tusar ikiusma armai. Tura nu uwitin, nu nantutin, nu tsawantin tura nu úratin atíatin ikiusma armai.

Apu. 9:18

Nu menaintiú ti yajauch wáitsamuja̱i̱ menaintiú nakakam shuar untsurí jákarmai. Jíji̱a̱i̱sha, mukuintiuja̱i̱sha, asupriji̱a̱i̱sha jákarmai.