Apu. 8:7 - Yus Papí: Shuarja̱i̱ Yus Yamaram Chicham Najanamu

⁷ Emka Yusa suntari̱ kachun umpuarmatai micha kákekamai. Nunasha ji numpaja̱i̱ pachimpramuncha nuṉkanam ajapawarmai. Túmakui̱ menaintiú nakakma jean numincha tura ashí írunna nui̱ ekemákmai. Tura ashí nuṉkanam chírichrin takamtsuk ekemákmai.

Apu. 8:7 Iomraidhean Croise

YKan. 105:32

Núnisaṉ ni nuṉke̱n yumi yútana nútikias michan akaketar tura jiniasha akuptúkarmiayi.

Jiin. 9:33

Nuyá̱ Muisais Parauṉkai̱ chichaasua jiinkí̱ tura pépruncha ikiukí̱ Uunt Yusai̱ni̱ mái̱ uwejé̱n takuimiayi. Túrunamtai micha kákeamusha chárpisha setuamiayi. Tura nu nuṉkanmaṉka yúmikia yutuktinian iniaisámiayi.

Isa. 28:2

Wats iisiana, Uunt Yus akupkámu ti kakarma nu micha kákeamusha núnis tura nase ashí emesmasha núnisaṉ yumi yutuk ama̱a̱rak nuṉkan amúana íimmianun akuptúktatui.

Isa. 29:6

Núnisaṉ Ashí Akupin Uunt Yusa nu ipiamtaja̱i̱, u̱u̱ja̱i̱, wainchi naseja̱i̱ tura téter ajamuja̱i̱ núnisaṉ kakaram nase yumiji̱a̱i̱ tura wárik áeskartin jiji̱a̱i̱ asuttiáwartatui.

Isk. 38:22

Túran suṉkurja̱i̱ núnisnak mantamnatniuja̱i̱ ni túrawarua nuja̱i̱ métek ninkia asutiáwartatjai. Kame nincha núnisnak ni suntari̱ncha tura untsurí nuṉkanmaya̱ aents niji̱a̱i̱ pujuinia nui̱sha naṉkaamas yútumtikiattajai. Tura micha kaya najanakarusha tura jisha nuyá̱ asuprisha kakekartatui.

Juir 2:30

Nútiksanak nayaimpinmasha tura nuṉkasha Winia kakarmarun iniakmakun aents ashamak ii wajamnian numpancha jiniasha yuraṉkim mukuintiui̱niancha iniakmastatjai.

San. 1:11

Etsa̱ sukúam nupa̱ ka̱a̱wai tura kuku̱jísha iniaawai. Nuyá̱ shíirmach íiramuri̱ nui̱ amúawai. Núnisaṉ kuítrinniuka súrutnak pujurkusha itiurchat wainiak wárik amuukattawai.

1 Pit. 1:24

Ju̱ aya̱sh tuke pujuschamniaiti. Yusa Papirí̱i̱n jú̱nis áarmaiti “Ashí aentsti nupa̱a̱ ániuitji. Ii péṉkeri̱sha kuku̱jia ániuiti. Nupa̱ wárik kaawai. Kuku̱jsha núnisaṉ wárik iniaawai.

Apu. 12:4

Menaintiú nakakam jean yaan ni ujuké̱ja̱i̱ japiki̱ akakermai. Tura nuṉká utsamai. Nu Ti Kajen Yajasma nu nuwa̱ jatema nui̱ wajasmai. Takusmataik yuruataj tusa wajattsamai.

Apu. 16:2

Tutai emka suntar we, piniṉnumia̱n kukar ukarmai. Túramtai ashí aents Entsaya̱ Yajasma náari̱n anujmamprar ni nakumkamuri̱n shiir awajiarma nuna ti najamin kuchap jiintiurarmai.

Apu. 16:21

Núnisaṉ nayaimpinmaya̱ uunt kaya núnisaṉ micha kákeramai. Ti uunt áiniak kintiarja̱i̱ métek kijin armai. Aentssha nuja̱i̱ ti wáitiainiayataṉ áyatik Yusan yajauch chicharkarmai.

Apu. 6:8

Takui̱ kawái yaṉkun wainkiamjai. Nui̱ ekemia nusha Jákatin náartiniuyi. Tura nuna úkuri̱n Jatai̱ nemarki̱ winimiai. Nusha ashí nuṉkanmaya̱ shuar kuatru akankarmanumia̱ chikichik mátin akupkámu armai. Nisha mesetja̱i̱ tsukaja̱i̱ nuyá̱ suṉkurja̱i̱ tura yajasmaja̱i̱ nu aentsun máwarmai.

Apu. 7:1

Nu naṉkaamasmatai kuatru nayaimpinmaya̱ suntar, nuṉká kuatru yantamén wajan wainkiamjai. Nusha kuatru nase kukarsha, nayantsanmasha tura kampunniunmasha nasenkacharat tusar wajatiarmai.

Apu. 9:15

Túramtai nu kuatru suntar wéar menaintiú nakakam untsurí shuaran maatai tusar weriarmiayi. Kame nuna túrawarat tusar ikiusma armai. Tura nu uwitin, nu nantutin, nu tsawantin tura nu úratin atíatin ikiusma armai.

Apu. 9:18

Nu menaintiú ti yajauch wáitsamuja̱i̱ menaintiú nakakam shuar untsurí jákarmai. Jíji̱a̱i̱sha, mukuintiuja̱i̱sha, asupriji̱a̱i̱sha jákarmai.

Apu. 9:4

Chírichrincha ashí arakmancha ashí numincha yajauch awajsatin suritkiamuyi. Antsu áyatik shuar nijia̱i̱nium Yusa naari̱ áarar apujtuachmanak yajauch awajsatin armai.