Apu. 8:5 - Yus Papí: Shuarja̱i̱ Yus Yamaram Chicham Najanamu

⁵ Nuyá̱ nu kuṉkuin eṉketain Yusa suntari̱ achik ekemátainmaya̱ ji kapa̱a̱n kaí̱ri̱n áimiak ju̱ nuṉkanam ukaamai. Túramtai ipiamtasha untsummasha, peemsha tura u̱u̱sha armai.

Apu. 8:5 Iomraidhean Croise

1 Akup. 19:11

Takui̱ Nisha chicharuk “Wá̱a̱nmaya̱ jiinkim naint Uunt Yusai̱ naka wajasta” tímiayi. Nuya̱ṉka Uunt Yus naṉkamakui nase ti kakaram umpuakui Uunt Yus íimmianum naintkia yumpunainiakui kaya sáisaintin armia nuka jakukarmiayi. Túrasha Uunt Yuska nasenmasha atsumiayi. Nu naṉkaamasmatai tí u̱u̱rkamiayi túrasha Uunt Yuska ú̱u̱nmasha atsumiayi.

YKan. 18:13

Uunt Yus nayaimpinmaya̱ṉ ipiamtarkamai. Ashí Naṉkamantu untsumkamai túrunamtai micha jinia kaí̱ri̱ kapá̱a̱ jíiniarmai.

Jiin. 19:16

Tura menaintiú tsawant tsawa̱a̱munam peemsha, chárpisha ajamiayi. Tura Senainiumka yuraṉkim tee ajasmanum kachusha ti kakaram umpuamu antuimiayi. Túmakui̱ matsamkamunam ashí Israer shuar pujuarmia nuka ti sapijmiainiak kurainiarmiayi. 2 Sam. 22:9

Isa. 29:6

Núnisaṉ Ashí Akupin Uunt Yusa nu ipiamtaja̱i̱, u̱u̱ja̱i̱, wainchi naseja̱i̱ tura téter ajamuja̱i̱ núnisaṉ kakaram nase yumiji̱a̱i̱ tura wárik áeskartin jiji̱a̱i̱ asuttiáwartatui.

Isa. 66:6

Aents péprunam irunar charaatum ajainiamua núnin ántuwawai. Túrasha nuka Uunt Yusa Je̱e̱n túmawai. Kame núnaka Uunt Yus ni nemasri̱n asutíniamu tu ántuwawai.

Jrm. 51:11

Yamaikia naṉki atsakkarum tantarumji̱a̱i̱ iwiarnaktarum. Kame Uunt Yus yajauch chicharkur ni je̱e̱ emeskamunam yapajmiák Papirúnian amuktaj tusa arakaani̱ Mitia nuṉkanam matsatainia nuna akupniúri̱ enentái̱n chicharsarai.

Riw. 16:12

Nuya̱sha Yus íimmianum Yus áestutai̱ pujana nuya̱n jinia kaí̱ri̱ kapa̱a̱n jusa kuṉkuin áestai̱niam eṉkea tura kuṉkuin nekeṉman jimiará atsakak tarach ejamu á̱a̱wini̱ júkitniuiti.

Sak. 14:5

Warí, nu naintia pakarí̱ṉkia Asara tímianai jeattawai. Tura Jutanam Usías úunt akupin pujái̱ u̱u̱rkui pisakmiarumna núnisrumek pisaktatrume. Túmaki̱ winia Yúsruka Uunt Yuska Niniu ashí tunaarincha áiniana nuja̱i̱ tátatui.

Mat. 24:7

Uunt nuṉka mátsatkamu ainia nusha chíkich nuṉka mátsatkamuja̱i̱ tura akupáinia nusha chíkich akupáinia nuja̱i̱ mániawartatui. Tura ti tsukasha átatui. Suṉkursha ti pampartatui. U̱u̱sha tí u̱u̱rkattawai. Nuka untsurí nuṉkanam túrunawartatui.

Ruk. 12:49

Jiji̱a̱i̱ nekapsatniua nútiksanak nuṉkanam jinia ikiapártaj tusan támajai. Tura túrunat tusan ti wakerajai.

Tur. 16:26

Tu pujuiniai̱ aya aneachma ti kakantar ú̱u̱rkamiayi. Tura sepusha muchitramiayi. Túrunamtai sepú wáitiri̱sha ashí urantrarmiayi. Tura aents jiruja̱i̱ eṉkekar jiṉkiamusha mash atiniákarmiayi.

Tur. 4:31

Tura Yusan tú aujas umikmatai nui̱ṉ irunar pujuiniai̱ṉ ú̱u̱rkamiayi. Túrunamtai ashí shuara enentái̱n Yusa Wakaní̱ pimiutkarmiayi. Túmaitkiui ashamtsuk Yusa Chichame̱n etserkarmiayi.

Apu. 11:13

Túmainiai̱ ti ú̱u̱rkamtai tias nakakam jeá pepru sa̱a̱nakmiai. Tura siati mir aents jákarmai nu u̱u̱ja̱i̱. Chíkichkia sapijmiainiak Yus nayaimpiniam pujana nuna shiir awajsarmai.

Apu. 11:19

Tuíniakui Yusa Uunt Je̱e̱ nayaimpiniam ana nu uranmiatai wakenmaani̱ Yus Aentsja̱i̱ Chícham Najanamu Eṉketai̱ paant amai. Túrunamtai peemsha, ipiamtasha, cháarpisha, u̱u̱sha armai tura michasha tí kakekamai.

Apu. 4:5

Akuptáiniumia̱ peemsha ipiamtasha untsummasha jíiniarmai. Tura nu pujutai̱nium naka siati shirikip kearmai. Nusha siati Yusa Wakaní̱nti.

Apu. 6:12

Nuya̱sha Murik asakamu sáisan já̱a̱kmatai ti ú̱u̱run wainkiamjai. Tsawái̱ nantusha itiurchat ajasua áintsaṉ mukusa ajasmai. Kashí nantusha numpa áintsaṉ ajasmai.

Apu. 8:3

Nuyá̱ chíkich Yusa suntari̱ kuṉkuin eṉketain kuriji̱a̱i̱ najanamun itiamai. Tura Yus sútai̱nium ayamas wajasmatai núkap kuṉkuin sunasmai. Nu kuṉkuin ashí Yus shuar áujsamuja̱i̱ métek kuṉkuin ekemátainium ekemáktiniuyi. Nu ekemátai̱ kuriji̱a̱i̱ najanamuyi tura úunt akupin pujutai̱nium naka pujumai.