Apu. 8:3 - Yus Papí: Shuarja̱i̱ Yus Yamaram Chicham Najanamu

³ Nuyá̱ chíkich Yusa suntari̱ kuṉkuin eṉketain kuriji̱a̱i̱ najanamun itiamai. Tura Yus sútai̱nium ayamas wajasmatai núkap kuṉkuin sunasmai. Nu kuṉkuin ashí Yus shuar áujsamuja̱i̱ métek kuṉkuin ekemátainium ekemáktiniuyi. Nu ekemátai̱ kuriji̱a̱i̱ najanamuyi tura úunt akupin pujutai̱nium naka pujumai.

Apu. 8:3 Iomraidhean Croise

1 Akup. 7:50

Nu arantcha piniṉnasha tura ekemátai̱ri̱ncha, amamkuncha, uṉkushpincha kuṉkuin eṉkea áestutai̱ncha aya kúriji̱a̱i̱ṉ najankamai. Núnisaṉ Yusa Je̱e̱n nékatka wáitiri̱ nuyá̱ Shiir Tesamu tura Imiá Shiir Tesamu wáitiri̱ armia nunasha urantái̱ri̱ perkamuri̱ncha kuriji̱a̱i̱ najankamai.

YKan. 141:2

Wi seamusha Ame íismaka kuṉkuinia núnis ti shiir atí. Winia uwejur takuimiuka aṉkú taṉku maar áeseamua ímiatrus atí.

Jiin. 40:26

Núnisaṉ kuṉkuin áestutai̱ kúriji̱a̱i̱ najanamun tarach ejamunam naka Yus Shiir Awajtai̱ Je̱e̱n apujsamiayi.

Isa. 6:6

Nuya̱ṉka Yusa suntari̱ chikichik Yus áestutai̱nmaya̱n jinia kaí̱ri̱ kean jiruja̱i̱ shikik jukí̱ nanaaki̱ tarutmiai.

Ams. 9:1

Uunt Yusan áestutai̱niam wajan wainkiamjai. Tura Nisha chichaak “Uunt Yusa Je̱e̱ pauri̱ yakini̱ awatim aents matsatainia nuna muuké̱ tsai̱ tsai̱ awajsarta. Túrawakmin nu aentsun Wi amú amú awajsarmatai yaaksha uwemprachartatui. Tui̱ṉsha ú̱mkarmataisha nui̱sha wáinkiartatjai. Nayantsanmasha init ú̱mkarmataisha napin akuptúkan áesiartatjai. Achirar yajá yaruakarmataisha nui̱sha puya̱ja̱i̱ mámtikiawartatjai. Wini̱ya̱ṉka peṉké úmkachartatui tuma asamtai kajerkaru asan aya yajauchiniak akuptúkartatjai” turutmiai.

Mks. 1:11

Nuyá̱ etsa̱ jintiainmaya̱ naṉkama etsa̱ akatai̱ya̱ tímianaisha ashí nuṉka náṉkatramunam Winia naarka naṉkamantu átatui. Tura ashí nuṉkanam Winia Naarja̱i̱ kuṉkuinniasha nekas enentáiji̱a̱i̱ tura surustinia nunasha péṉkeran súruiniak shiir awajtúsartatui. Kame Winia Naar ashí nuṉkanam nekas naṉkamantu asamtai túrawartatui” tawai Ashí Akupin Uunt Yus.

Ruk. 1:10

Init kuṉkuinian ekeemai̱ untsurí aents a̱a̱ni̱ matsamsar Yusan áujtak pujuarmiayi.

Rum. 8:34

Tura ¿yaki “jinium apenáti” titi? Warí, Kristu peṉké túrashtatui. Antsu nu shuaran jarukmiayi. Tura nantaki̱ Yusa untsuurí̱ni̱ ekemas iin áujturmaji.

Isr. 7:25

Tuma asa tuke iwiaaku pujak ni shuari̱n tuke Yusan áujtusminiaiti. Tuma asa shuar Nin enentáimtusar Yusai̱ weantkarun tuke uwemtikramniaiti.

Isr. 9:4

Nui̱ kuṉkuin áestutai̱sha núnisaṉ Yus Aentsja̱i̱ Chícham Najanamu Eṉketai̱sha takamtsuk kurimpramu pujuarmiayi. Kame nú eṉketai̱niam init piniṉ kúriji̱a̱i̱ najanamunam maná yurumak eṉkeamu tura Arauna wai̱ri̱ je̱e̱rmia nusha núnisaṉ jimiará kaya pakanam Akupkámu Chicham Yus áarmasha nui̱ eṉkemármiayi.

Apu. 10:1

Nuyá̱ chíkich kakaram suntar nayaimpinmaya̱ táarun wainkiamjai. Nusha yuraṉkim amúamu tura muuknum tuntíak téntakmauyi. Yapi̱sha etsa̱ja̱i̱ métek wínchauyi. Tura kujapé̱sha ji keá áintsaṉkeyi.

Apu. 14:18

Tura chíkich suntar Yus áestutai̱nmaya̱ jiinkimiai. Nisha jinia wáinniuyi. Tura máchit ti éren takakun kakantar chicharuk timiai “Machitrum ti érea nuja̱i̱ uwa nuṉká arakma nu tsupiram juuktá. Mash tsamakarai.”

Apu. 5:8

Tura papin achikmatai kuatru taṉkusha tura paintikuátru uunt arma nusha Murikiun tikishmátrarmiayi. Ashí uunt arpa tuntuitiai̱n takaku armai. Tura ashí kuṉkuin eṉketain kuri najanamun takaku armai. Nu kuṉkuin Yus shuar áujsamuiti.Mat. 6:10; YKan. 141:2

Apu. 6:9

Nuyá̱ Murik asakamu séṉkun já̱a̱kmatai Yus sutai kuṉkuin áestutai̱ wakenmaani̱ íismajai. Túran Yus Chichaman etserainiakui máwarma wakaní̱n wainkiamjai.

Apu. 7:2

Kame kukarsha tura nayantsanmasha yajauch awajsatniun akupkámu armai. Tura chíkich suntarnasha etsa̱ tatainmaani̱ya̱ winian wainkiamjai. Tuke iwiaaku Yusa anujtutairi̱n takakuyi. Nusha kuatru suntaran kakantar untsúak timiai

Apu. 8:4

Tura Yusa suntari̱ ekemákmatai kuṉkuinia mukuintiuri̱ Yus shuar seamuja̱i̱ métek Yus nekaprámai.

Apu. 8:5

Nuyá̱ nu kuṉkuin eṉketain Yusa suntari̱ achik ekemátainmaya̱ ji kapa̱a̱n kaí̱ri̱n áimiak ju̱ nuṉkanam ukaamai. Túramtai ipiamtasha untsummasha, peemsha tura u̱u̱sha armai.

Apu. 9:13

Nuyá̱ Yusa suntari̱ saisa nu kachun umpuarmatai chichaman antukmajai. Yusai̱ naka kuṉkuin ekemaka Yus sutai kurimpramu amai. Tura ni kuatru yantame̱ kachu jiinmiai.