Apu. 8:12 - Yus Papí: Shuarja̱i̱ Yus Yamaram Chicham Najanamu

¹² Nuyá̱ Yusa suntari̱ kuatrua nu kachun umpuarmatai menaintiú nakakam jeá etsa̱sha, kashí nantusha tura yaasha emesnarar ajapén tee ajasármai. Túrunawar tsawai̱sha káshisha menaintiú nakakam jeanum tsáapnircharmai.

Apu. 8:12 Iomraidhean Croise

Jrm. 4:23

Nuṉká iimsan náṉkamas pachimnaikia wariṉkish atsan wainkiamjai. Nayaimpiniam iimsamash tsáapniṉkia peṉké atsumai.

Juir 2:10

Nu túmakui̱ núṉkaka ú̱u̱rkattawai tura nayaimpikia muchitrattawai. Núnisaṉ etsa̱sha tura nantusha mushatmarartatui. Áintsaṉ yaa keamuri̱sha meṉkarattawai.

Juir 2:31

Kame Uunt Yusa uunt tsawantri̱ tí tsuumai̱ átatna nu jeatsa̱i̱ṉ etsa̱sha kaji̱niak tee ajastatui tura kashi nántuka numpa ajastatui.

Juir 3:15

Etsa̱sha tura kashí nantusha kajintrar núnisaṉ yaasha mushatmakartatui.

Mat. 24:29

“Tí waitsatin naṉkaamasmatai tí warik tsawái̱ nantu kajinkiattawai. Tura kashí nantusha etsantrashtatui. Yaasha ashí muchitrattawai. Isa. 13:10; Juir 2:10,31; 3:15; Ams. 5:20; Apu. 6:12-13; 8:12 Nayaimpiniam kakaram ainia nusha peantrartatui.

Mat. 27:45

Nuyá̱ tutupin ai̱ tee ajasmiayi. Túrunayat ataksha aaṉku tsáapin ajasmiayi.

Mar. 13:24

Jesus tuke unuiniak ju̱na chichaak “Tura nu wáitsatin naṉkaamasmatai etsa̱sha nantusha etsantrashtatui.

Mar. 15:33

Tutupin jeamtai ashí nuṉkanam ti kiritin ajasmiayi. Tura nantu nuṉkach ajasmatai ataksha tsáapnirmiayi.

Ruk. 21:25

Nuiṉkia etsanmasha, nantunmasha, yáanmasha Yuska ni kakarmari̱n iniakmak nusháa túrattawai. Nuṉkanmasha ashí aents páchim enentáimprartatui. Tura nayantsanam chíchimi ti aku tantá ajakui ti ashamkartatui.

Tur. 2:20

Tura etsa̱sha kajinkiattawai. Tura nantusha mushatmar numpa núniktatui. Uunt tsawantan achikmiajna nu jeatsa̱i̱ṉ túrunattawai. Nú tsawantcha imiá nekas uunt átatui.

2 Kur. 4:4

Iwianchi uuntri̱ ju̱ nuṉká yusri̱ ana nu, nu aentsu enentái̱n ukusturuiti. Krístunu shiir chichaman ii étsermaja̱i̱ tsáapnin enentáimprara̱i̱ṉ tusa ukustawai. Krístuka Yusan ímiatrusaṉ nakumui.

Apu. 12:4

Menaintiú nakakam jean yaan ni ujuké̱ja̱i̱ japiki̱ akakermai. Tura nuṉká utsamai. Nu Ti Kajen Yajasma nu nuwa̱ jatema nui̱ wajasmai. Takusmataik yuruataj tusa wajattsamai.

Apu. 16:10

Nuyá̱ suntar seṉkua nu Entsaya̱ Yajasma akupin pujutái̱ri̱n ukarmai. Túramtai ni nuṉke̱e̱n ashí kashi ajasmai. Tura aents ti najaimiainiak iniai̱ncha esamiarmai.

Apu. 6:12

Nuya̱sha Murik asakamu sáisan já̱a̱kmatai ti ú̱u̱run wainkiamjai. Tsawái̱ nantusha itiurchat ajasua áintsaṉ mukusa ajasmai. Kashí nantusha numpa áintsaṉ ajasmai.

Apu. 9:15

Túramtai nu kuatru suntar wéar menaintiú nakakam untsurí shuaran maatai tusar weriarmiayi. Kame nuna túrawarat tusar ikiusma armai. Tura nu uwitin, nu nantutin, nu tsawantin tura nu úratin atíatin ikiusma armai.

Apu. 9:18

Nu menaintiú ti yajauch wáitsamuja̱i̱ menaintiú nakakam shuar untsurí jákarmai. Jíji̱a̱i̱sha, mukuintiuja̱i̱sha, asupriji̱a̱i̱sha jákarmai.