Apu. 8:10 - Yus Papí: Shuarja̱i̱ Yus Yamaram Chicham Najanamu

¹⁰ Nuyá̱ Yusa suntari̱ menaintiua nu kachun umpuarmatai ti uunt yaa nayaimpinmaya̱ kapá̱a̱ iniarmai. Tura entsasha tura púkuninmasha menaintiú nakakam jeanum iniarmai.

Apu. 8:10 Iomraidhean Croise

Isa. 12:3

Warasrum uwemtikkiartin púkuninmaya̱ entsa jusattarme.

Isa. 14:12

Yáṉkuamia núnis tsáapninia uchiri̱yá nayaimpinmaya̱sha ¡itiur iniarchamea! Ámeka ti kakaram ashí nuṉkanmaya̱ aents yajauch awajainia asam nuṉká aju̱a̱muitme.

Sak. 13:8

Uunt Yus tawai “Ashí nuṉkanam jú̱nis naṉkaamastatui. Aents irurma menaintiú nakakmanumia̱ jimiará tesamua nu amukar meṉkakartatui. Tura nakakma ampirma nu iwiaaku juáktatui.

Sak. 13:9

Núnaka aya kuítiak ajasat tusar tura aya kúrik juákat tusar jinium áesainia núnisnak wisha jinium áesan nekapsattajai. Nuiṉkia winia náarun pachisar untsurainiakui wisha anturkaran ‘Átumka wí shuaraitrume’ tiártatjai. Tutai ni chichartuiniak ‘Uunt Yuska ii Yúsri̱nti turutiartatui’” tímiayi Uunt Yus.

Mat. 25:1

“Yus akupeamunam pachinkiatin jú̱nis átatui. Nuatnaikiatin námper akui tias nuwa̱ natsa shirikpin akawar nuatkattana nu áishmaṉkan iṉkiuṉ je̱á̱ itiatai tusar wéarmai.

Ruk. 10:18

Tutai Jesus chichaak “Ee, Wisha nayaimpinmaya̱ peem peetna núnisaṉ iwianchi uuntri̱ Satanásan akaikí̱ iniaan wainkiamjai.

Jut. 1:13

Entsa nujaṉkrak sáuri̱n ajekeawai. Nu shuarsha núnisar ni natsantrí̱n natsaamtsuk ajekénawai. Tura yaa waakua ánin áiniawai. Tuma ásar nekas kiritniunam tuke meṉkakatin áiniawai.

Apu. 1:20

Wáinmena nu jú̱nisaiti. Siati shirikip ikiutai̱ kúrik wainkiam nu siati péprunam Yus shuar írunun nakumeawai. Tura winia untsuurui̱ni̱ siati yaa wainkiam nu siati péprunmaya̱ Yus shuaran wáinniun nakumenawai” turutmiai.

Apu. 12:4

Menaintiú nakakam jean yaan ni ujuké̱ja̱i̱ japiki̱ akakermai. Tura nuṉká utsamai. Nu Ti Kajen Yajasma nu nuwa̱ jatema nui̱ wajasmai. Takusmataik yuruataj tusa wajattsamai.

Apu. 14:7

Nusha ti kakantar untsumuk timiai “Yus ashamkatarum. Niṉki shiir awajsatarum. Yamaikia ashí shuaran súmamtikiawartin tsawant jeayi. Nayaimpincha nuṉkancha nayantsancha ashí entsancha najana asamtai shiir awajsatarum.”

Apu. 16:4

Nuyá̱ suntar menaintiua nu, entsanam tura púkuninmasha ukarmai. Túramtai ashí numpa ajasármai.

Apu. 6:13

Tura yaasha wampú nere̱ nase umpuim ti maju̱wa áintsaṉ kákekarmai.

Apu. 8:7

Emka Yusa suntari̱ kachun umpuarmatai micha kákekamai. Nunasha ji numpaja̱i̱ pachimpramuncha nuṉkanam ajapawarmai. Túmakui̱ menaintiú nakakma jean numincha tura ashí írunna nui̱ ekemákmai. Tura ashí nuṉkanam chírichrin takamtsuk ekemákmai.

Apu. 9:1

Nuyá̱ Yusa suntari̱ seṉkua nu, kachun umpuarmatai yaan nayaimpinmaya̱ nuṉká inian wainkiamjai. Tura nu yaan tunáa shuar jákaru matsamtai̱ yawiri̱ susamuyi.

Apu. 9:15

Túramtai nu kuatru suntar wéar menaintiú nakakam untsurí shuaran maatai tusar weriarmiayi. Kame nuna túrawarat tusar ikiusma armai. Tura nu uwitin, nu nantutin, nu tsawantin tura nu úratin atíatin ikiusma armai.

Apu. 9:18

Nu menaintiú ti yajauch wáitsamuja̱i̱ menaintiú nakakam shuar untsurí jákarmai. Jíji̱a̱i̱sha, mukuintiuja̱i̱sha, asupriji̱a̱i̱sha jákarmai.