Apu. 7:10 - Yus Papí: Shuarja̱i̱ Yus Yamaram Chicham Najanamu

¹⁰ Ashí kakantar untsumainiak tiarmai “Ii Yusri̱ úunt akupin pujutai̱nium eketna au tura Muriksha imia Niṉki Uwemtikin áiniawai” tiarmai.

Apu. 7:10 Iomraidhean Croise

YKan. 115:1

Maa Uunt Yusá iinkia atsá kame iinkia atsá antsu Ame náaram shiir awajsata. Ame waitnenkartutairmiji̱a̱i̱ tura Ame nekasaitmena nuja̱i̱ túrata.

YKan. 3:8

Uwempratniuka Úunt Yusai̱ya̱iti. ¡Ame shuarum ainia nui̱ Ame péṉker yumiṉkrumka ártí! (Séraj)

YKan. 37:39

Nákak túrin ainia nuna uwempratniuri̱nkia Jiuwai̱ya̱ winiawai. Tura Niṉkia jakamnia nekapeamu tsawantinkia ejak ápujui.

Isa. 45:21

Kame yúsaiti tusarmechuk untsúarum wats, weantúkrum untsuktarum. Túrarum ashí anintrústaj tusarum weantúktarum. Yama naṉkamtaiksha ¿ya ju̱na tíniuit? ¿Ya ti yáunchusha etserkait? ¿Nuiṉkia nu Uunt Yus Wíchakaitiaj? Tura Wini̱ya̱ṉka chíkich yuska péṉkeran túrak uwemtikkiartinkia peṉké atsawai.

Jrm. 3:23

Murasha tura naint antukchamnia ajainia nuka anaṉkartin áiniawai. Nekaska Uunt Yus ii Yusri̱i̱n Israer shuar uwempratniuka awai” tawai Uunt Yus.

Use. 13:4

Ejiptunam pujumiarmena tímianiaṉ Wikia atumí Úunt Yusri̱ntjiai. Wíkitjiai Yus. Chíkichkia wáinkiashtatrume. Tura chíkich uwemtikkiartincha wáinkiashtatrume antsu aya Wíkitjiai.

Jns. 2:9

Antsu wikia winia péṉker chichampruja̱i̱ taṉkun maancha tuke ame náarmin shiir awajtústatjame. Auka nekas túrattajai timiaj núnaka umiktatjai. Uunt Yusru, aya Ameketme uwemtikkiartinmeka” tu seamiayi Junas.

Sak. 4:7

Maa timiá uunt naintiá ¿amesha yáitiam? Túrasha tímianu ámini̱ṉ Surupapír paka awajtámsattawai. Niṉkia amúamu kaya peṉkeri̱nia nu apujeak untsumuk “¡tí shiirmachichukait, tí shiirmachichukait!” ajattawai’” tímiayi.

Sak. 9:9

Seuna nawantri̱yá ti warastarum. Jerusaréṉka nawantri̱ya ti shiir warasrum untsumkatarum. Warí, atumí Úunt Akupniuri̱ péṉkernak túrin tura uwemtikrin peejcha asa umpuru uchirí̱n eketka winitrámprume. Mat. 21:4-5; Jṉ. 12:15

Ruk. 3:6

Túrunamtai ashí nuṉkanmaya̱ aents Yusai̱ya̱ uwempratin aan nekaawartatui. Isa. 40:3-4

Juaṉ 1:29

Nuyá̱ kashin Juaṉ Jesusan winian wainiak chichaak “Iistarum. Núiti Yusa Murikrí̱ ashí aentsu yajauchiri̱n asakána nu.

Juaṉ 1:36

Jesussha nui̱ naṉkamakui Juaṉ wainiak chichaak “Iistarum, Yusa Murikrí̱ áuwiti” tímiayi.

Juaṉ 4:22

Átumka tikishmátrumna nusha nékatsrume. Iikia neka asar tikishmáteaji. Warí, uwempratniuka Israer shuarnumaani̱ winiawai.

Ipi. 2:8

Jesukrístu nekas enentáimta asakrumin Yus waitnentramar uwemtikrampraiti. Ju̱ka átumkeka túrunachuitrume. Antsu Yuska Niṉki kuítchaja̱i̱ suramsaitrume.

Apu. 12:10

Nuyá̱ nayaimpinmaya̱ kakaram untsumman antukmajai. Tura chichaak “Iwianchi uuntri̱ ii yachi̱n yajauch áujmatin ji̱i̱ki̱ akupkámu asamtai yamaikia ii Yusri̱ uwemtikratniusha tura ni kakarmari̱n iniakmastincha tura akupkatniusha jeayi. Anaikiamu Krístusha ashí akupin ajastincha jeayi. Tura iwianchi uuntri̱ ii yachi̱n tsawai̱sha káshisha iniaitsuk Yusai̱ yajauch áujmatniua nuna

Apu. 19:1

Nuyá̱ nayaimpinmaya̱ tí untsurí shuar kakantar untsumainian antukmajai. “¡Naṉkamantuitme Uunt Yusá! Yuska uwempratniuncha, nekas shiir átinniasha, naṉkamantu átinniasha tura ashí kakarmancha nekas nérenniuiti.

Apu. 21:5

Tura akupin pujutai̱nium ekema nu “Iistá, Wi ashí peṉké yamarman nájanjai” timiai. Nuyá̱ nu arantcha turutmiai “Ju̱ka imiá nekas asamtai aartá. Nekas enentáimtustiniaiti.”

Apu. 22:3

Ashí yajauchia nuka atsuttawai. Uunt akupin pujutai̱ Yúsnasha Murikniasha nui̱ṉ aa asamtai ni shuari̱ ti paant wainiainiak tikishmátrartatui. Tura nijia̱i̱ncha ni naari̱ anujmamkartatui.

Apu. 4:6

Núnisaṉ nu pujutai̱nium naka nayantsa ánin ti saar amai. Nu pujutai̱nium wakenmaani̱sha niisháa taṉku kuatru téntakar ármiayi. Ukuri̱ni̱sha tura eemsha ji̱ irunmiai.

Apu. 5:7

Nu Murik we nekas úunt Akupniun untsuurí̱nian nu papin achikmiayi.