Apu. 6:8 - Yus Papí: Shuarja̱i̱ Yus Yamaram Chicham Najanamu

⁸ Takui̱ kawái yaṉkun wainkiamjai. Nui̱ ekemia nusha Jákatin náartiniuyi. Tura nuna úkuri̱n Jatai̱ nemarki̱ winimiai. Nusha ashí nuṉkanmaya̱ shuar kuatru akankarmanumia̱ chikichik mátin akupkámu armai. Nisha mesetja̱i̱ tsukaja̱i̱ nuyá̱ suṉkurja̱i̱ tura yajasmaja̱i̱ nu aentsun máwarmai.

Apu. 6:8 Iomraidhean Croise

Neka. 5:5

Nu nuwa̱ wekaamuka meṉkakatniunmaani̱ wéakui nin némarna nuka jákatniunam jeawai.

Isa. 25:8

Nui̱ṉkia Uunt Yuska chichaku asa jatainkia tuke amuk Uunt Yus ashí aentsun nea̱jkiri̱n u̱ju̱jturartatui. Núnisaṉ ashí nuṉkanam Ní shuari̱ natsanmai̱ ajakármanka asaktúrartatui. Apu. 19:6-9; 21:4

Jrm. 16:16

Nekaata Uunt Yus ju̱na tawai. Namakan achin ainia nuna Wi ti untsurí akupeajai túram achikiártatui. Núnisnak untsurí e̱a̱mniun akuprattajai tura ashí naint ainia nui̱sha tura ashí naint tépepranmasha tura kaya wa̱a̱ ainia ímianaisha wekasar e̱a̱mkartatui.

Jrm. 16:4

tí najamin suṉkurja̱i̱ kajinkiartatui. Túrasha e̱a̱tcha e̱a̱rchamu núnisaṉ iwiartasha iwiarsachma ártatui. Antsu arakan péṉker neremtikin nuṉká matsasma núnisar juákartatui. Kame mesetja̱i̱ tura tsukaja̱i̱ amunkartatui. Nuyá̱ ni aya̱shi̱nkia nanamtin yukartin tura nuṉkaya̱ yajasma yukartin ainia nuna yumaṉke̱ ajasártatui” turutmiai.

Jrm. 24:10

Nuna túrakun nin tura ni úuntri̱ncha nuṉkan súsarmiaj nuya̱ṉka mesetja̱i̱ tsukaja̱i̱ núnisnak suṉkurja̱i̱ amú amú awajsartatjai” tawai Uunt Yus.

Jrm. 29:17

Ashí Akupin Uunt Yus tawai. Nekaatarum, Wi mesetnasha tsukancha tura suṉkurnasha akuptúkartatjai. Warí niṉkia ikiu kausha núnisaran enentáimtusartatjai. Núnisaṉ tí kaush ásarmatai yúachmin íkiua núnis awajsartatjai.

Jrm. 43:11

Ejiptunmaya̱ aentsnasha asutiáwartui. Mantamnaaka mantamnawartatui tura achikiá júamunka achik junakiartatui núnisaṉ puya̱ja̱i̱ mantamnatniuka puya̱ja̱i̱ mantamnawartatui.

Isk. 5:12

Tuma asamtai atumíya̱ menaintiú akankámua nuyá̱ chikichík akankámuk suṉkurja̱i̱ tura tsukaja̱i̱sha jákartatui. Tura chíkich akankámu ártatna nuka ni nemasri̱ téntakar matsamtiartatna nui̱ṉ máwartatui. Nuyá̱ amúamu akankámu ainia núnaka Wikia yajá tsakiṉmakaran Winia puya̱run ukuinkian apapékartatjai.

Use. 13:14

Seura kakarmari̱ya̱ ata̱i̱ttiajrume, jákatniunmaya̱ uwemtikrattajrume. Jatái̱yá, emestairmesha ¿itiurkamea? Seurá, ame ijiukrattairmesha ¿itiurkamea? 1 Kur. 15:54-55 Wi enentáimmiaka peṉké yapaji̱áchminiaiti.

Awa. 2:5

Kame aents anaṉmaa kuítrintin ajaksha naṉkamantu enentáimtumakka émkashtatui. Tuma asa jákaru matsamtai̱ Seur jakaan nútsuawak núnis áiniawai. Warí nuṉkancha tura aentsnasha ashí niṉki irutmawai.

Sak. 6:3

Tura karu menaintiua núnaka kawái pújunam nuyá̱ karu kuátruka kawái yantsa tura tsake tsake apujturmanum nenamu ármayi.

Mat. 11:23

Tura atumsha Kapernáumnumia̱tirmesha ashí naṉkaamas naṉkamantu ajastin enentáimtumarme. Antsu jaka wait ajá matsamtai̱niam wétatme. Atumíin aents tujintiamun ti túraitjiai. Sutumanam nu tujintiamu túramuitkiuiṉkia nu pepru yamaisha tuke a̱a̱yi.

Mat. 24:7

Uunt nuṉka mátsatkamu ainia nusha chíkich nuṉka mátsatkamuja̱i̱ tura akupáinia nusha chíkich akupáinia nuja̱i̱ mániawartatui. Tura ti tsukasha átatui. Suṉkursha ti pampartatui. U̱u̱sha tí u̱u̱rkattawai. Nuka untsurí nuṉkanam túrunawartatui.

1 Kur. 15:55

Jatái̱yá̱, ¿itiura yamaisha nupetmaktatam? Jatái̱yá̱, ijiukrati maṉkartutairmesha ¿tui̱ aa?” Isa. 25:8; Use. 13:14

Apu. 1:18

Wikia tuke iwiaakuitjiai. Jakamiajai tura nantakin jákashtinian tuke iwiaaku pujajai. Jákatniuncha tura jaka pujuinia nuna yawiri̱n takakun nérenniuitjiai.

Apu. 12:4

Menaintiú nakakam jean yaan ni ujuké̱ja̱i̱ japiki̱ akakermai. Tura nuṉká utsamai. Nu Ti Kajen Yajasma nu nuwa̱ jatema nui̱ wajasmai. Takusmataik yuruataj tusa wajattsamai.

Apu. 9:15

Túramtai nu kuatru suntar wéar menaintiú nakakam untsurí shuaran maatai tusar weriarmiayi. Kame nuna túrawarat tusar ikiusma armai. Tura nu uwitin, nu nantutin, nu tsawantin tura nu úratin atíatin ikiusma armai.

Apu. 9:18

Nu menaintiú ti yajauch wáitsamuja̱i̱ menaintiú nakakam shuar untsurí jákarmai. Jíji̱a̱i̱sha, mukuintiuja̱i̱sha, asupriji̱a̱i̱sha jákarmai.