Apu. 6:2 - Yus Papí: Shuarja̱i̱ Yus Yamaram Chicham Najanamu

² Takui̱ kawái pújun wainkiamjai. Nui̱ ekemia nu tíshimkiun takakuyi. Awakmakmatai sútai̱sha susamuyi. Tura tuke nupetmaktinian jiinkimiai.Tan. 9:26; Sak. 1:8; 6:3

Apu. 6:2 Iomraidhean Croise

YKan. 110:2

Kame Uunt Yus Seúnnumia̱ṉ akupin akupkur takutai̱ numi akuptúrmaktatui. Ame nemasrumsha matsatainiamunmaṉ akupin átatme.

YKan. 76:7

Ámeka nekas ashammaintme. ¿Yaki Ame kajekakmincha paṉkái̱ iirmassha wajaint?

YKan. 98:1

¡Yamaram kanta Jiuwá kantampruátarum. Warí aentstikia túrachminia túraiti! ¡Ni untsuuri̱ tura tunaari̱ncha kunturi̱ji̱a̱i̱ nupetmakuiti!

Isa. 25:8

Nui̱ṉkia Uunt Yuska chichaku asa jatainkia tuke amuk Uunt Yus ashí aentsun nea̱jkiri̱n u̱ju̱jturartatui. Núnisaṉ ashí nuṉkanam Ní shuari̱ natsanmai̱ ajakármanka asaktúrartatui. Apu. 19:6-9; 21:4

Sak. 1:8

Kashi ímiaja̱i̱k ju̱na wainkiamjai. Pakanam mirtu numi írunmanum ajapén aents kawainium ekeemtan unuimiátra kawái kapanniunam eketka wajan wainkiamjai. Nuna úkuri̱ni̱ kawái kapanniusha tura mukusasha núnisaṉ pújusha untsurín wajararmai.

Mat. 28:18

Nuyá̱ Jesus tíjiu̱ch tantá chichaak “Ashí nayaimpinmasha nuṉkasha akupkatniun kakarman surusuiti.

1 Kur. 15:25

Iis, jú̱nisaṉ átatui. Emka Yus Apa ashí ni nemasri̱n nupetak Krístun susattawai akupin atí tusa.

Apu. 11:15

Nuyá̱ suntar siatia nu, kachun umpuarmatai chícham kakaram chichainia nayaimpinmaya̱ antunkamai. Jú̱nis tiarmai “Yamaikia ii Uuntri̱ Yus tura ni Anaikiamu Kristu ashí shuaran akupin ajasárai. Nisha tuke amutsuk akupkartatui.”

Apu. 11:18

Ashí aents kajertámkarmai. Tuma asamtai yamaikia ame kajerkatin tsawantrum jeayi. Jákarusha iniantkim ni túramuri̱ íisartatme. Túram amé shuarka shiir etserturmakua nusha tura Aminiak enentáimturmasarua nusha tura Ámin shiir awajtámsarua nusha ashí mash ti shiira nu súakum akiktatme. Antsu ju̱ nuṉkan emesniuka ashí emesratniunam akupkáttame” tiarmai.

Apu. 14:14

Nuyá̱ yuraṉkim pújun wainkiamjai. Tura yuraṉminiam Aents Ajasua nuna eketun wainkiamjai. Akuptai̱ tawaspan kuriji̱a̱i̱ najanamu etseṉkrakuyi. Tura machitian éren takakuyi.

Apu. 15:2

Nuyá̱ antumiaṉka áintsaṉ ti saar jiji̱a̱i̱ pachimpramun wainkiamjai. Ni kaanmatkari̱ncha Entsaya̱ Yajasman tura ni nakumkamuri̱ncha nupetkarma nu nui̱ wajaarmai. Tura nin arpa tuntuitiai̱n Yus súsarmai.

Apu. 17:14

Murikji̱a̱i̱sha mesetan najanawartatui. Túrasha Murik nupetkartatui. Nisha uuntja̱i̱ naṉkaamas Uunt asa tura núnisaṉ akupniúja̱i̱ naṉkaamas Akupin asa nupetmaktatui. Tura Niji̱a̱i̱ írutraa nu, Yus Winia atí tusa achikma ásar tura Nin tuke umirin ásar Niji̱a̱i̱ nupetmakartatui.”

Apu. 19:14

Ti untsurí nayaimpinmaya̱ suntar mesetnum weena áintsar kawainium ekemkar ti shiir pújun entsaru Nin nemariarmai.Kurs. 3:4

Apu. 3:21

Nupetmakuka akupin pujutai̱nium Wiji̱a̱i̱ pujustatui. Wisha núnisnak nupetmaku asan winia Aparja̱i̱ akupin pujutai̱nium pujusuitjiai.

Apu. 9:7

Manchisha iisam mesetnum weena nu kawaiya áinis armai. Kurí tawaspa áinis etseṉkraku armai. Yapi̱sha shuarna áinis armai.