Apu. 6:12 - Yus Papí: Shuarja̱i̱ Yus Yamaram Chicham Najanamu

¹² Nuya̱sha Murik asakamu sáisan já̱a̱kmatai ti ú̱u̱run wainkiamjai. Tsawái̱ nantusha itiurchat ajasua áintsaṉ mukusa ajasmai. Kashí nantusha numpa áintsaṉ ajasmai.

Apu. 6:12 Iomraidhean Croise

Isa. 29:6

Núnisaṉ Ashí Akupin Uunt Yusa nu ipiamtaja̱i̱, u̱u̱ja̱i̱, wainchi naseja̱i̱ tura téter ajamuja̱i̱ núnisaṉ kakaram nase yumiji̱a̱i̱ tura wárik áeskartin jiji̱a̱i̱ asuttiáwartatui.

Isa. 50:3

Wi nayaimpin kiritniun áentsrattajai túran kúntuts pujakur entsatái̱ pushiji̱a̱i̱ nukuktatjai.”

Juir 2:10

Nu túmakui̱ núṉkaka ú̱u̱rkattawai tura nayaimpikia muchitrattawai. Núnisaṉ etsa̱sha tura nantusha mushatmarartatui. Áintsaṉ yaa keamuri̱sha meṉkarattawai.

Juir 3:15

Etsa̱sha tura kashí nantusha kajintrar núnisaṉ yaasha mushatmakartatui.

Ams. 1:1

Kame Jutá shuara akupin Usías tura Israer shuara akupniúri̱, Juasa uchirí̱ Jirupuám pujuiniai̱ ú̱u̱rkatin jimiará uwí taasu ai̱, Tekua péprunmaya̱ áishmaṉkan murikiu wáinniun Amusan Israer shuarnum túrunattana nuna Yus ujakmiayi.

Sak. 14:5

Warí, nu naintia pakarí̱ṉkia Asara tímianai jeattawai. Tura Jutanam Usías úunt akupin pujái̱ u̱u̱rkui pisakmiarumna núnisrumek pisaktatrume. Túmaki̱ winia Yúsruka Uunt Yuska Niniu ashí tunaarincha áiniana nuja̱i̱ tátatui.

Mat. 11:21

“Kurasínnumia̱tiram tura Petsaitianmaya̱tirmesha aneartarum. Nui̱ aents tujintiamun ti túraitjiai. Tírunam Setunnumsha nu tujintiamu túramuitkiuiṉkia yaunchu ni enentái̱n yapaji̱áwara̱a̱yi. Túrawar kúntuts pujutai̱ pushin entsarar yuṉkunim ajakiara̱a̱yi.

Mat. 24:29

“Tí waitsatin naṉkaamasmatai tí warik tsawái̱ nantu kajinkiattawai. Tura kashí nantusha etsantrashtatui. Yaasha ashí muchitrattawai. Isa. 13:10; Juir 2:10,31; 3:15; Ams. 5:20; Apu. 6:12-13; 8:12 Nayaimpiniam kakaram ainia nusha peantrartatui.

Mat. 24:7

Uunt nuṉka mátsatkamu ainia nusha chíkich nuṉka mátsatkamuja̱i̱ tura akupáinia nusha chíkich akupáinia nuja̱i̱ mániawartatui. Tura ti tsukasha átatui. Suṉkursha ti pampartatui. U̱u̱sha tí u̱u̱rkattawai. Nuka untsurí nuṉkanam túrunawartatui.

Mat. 27:45

Nuyá̱ tutupin ai̱ tee ajasmiayi. Túrunayat ataksha aaṉku tsáapin ajasmiayi.

Mat. 27:54

Nuyá̱ suntar Jesusan wáinkiarmia nusha tura ni úuntri̱ṉkia nuṉka ú̱u̱rkamtai nuyá̱ chikitcha ashammai ajasmatai ti sapijmiakarmiayi. Tura chichaak “Ju̱ áishmaṉ nekas Yusa Uchirí̱nti” tiármiayi.

Mat. 28:2

Tumai̱ Yusa suntari̱ nayaimpinmaya̱ iwiarsamun tarí kaya atutkamun urak nui̱ pujusmiayi. Túmakui̱ nuṉka tí u̱u̱rkamiayi.

Mar. 15:33

Tutupin jeamtai ashí nuṉkanam ti kiritin ajasmiayi. Tura nantu nuṉkach ajasmatai ataksha tsáapnirmiayi.

Apu. 11:13

Túmainiai̱ ti ú̱u̱rkamtai tias nakakam jeá pepru sa̱a̱nakmiai. Tura siati mir aents jákarmai nu u̱u̱ja̱i̱. Chíkichkia sapijmiainiak Yus nayaimpiniam pujana nuna shiir awajsarmai.

Apu. 16:18

Tura nuya̱ṉka peemsha, chárpisha, ipiamtasha ajamai. Tura nuṉkasha ti kakaram ú̱u̱rkamai. Maa, aents jú̱ nuṉkanam yámankamtaik pujuarmia nuyá̱ jú̱nis ú̱u̱rkamuka atsuwiti.

Apu. 16:8

Nuyá̱ suntar kuatrua nu, tsawái̱ nantunam ukarmai. Túramtai jiji̱a̱i̱ aentsun esaamuja̱i̱ wáitkiastin kakaram sunasmai.

Apu. 8:12

Nuyá̱ Yusa suntari̱ kuatrua nu kachun umpuarmatai menaintiú nakakam jeá etsa̱sha, kashí nantusha tura yaasha emesnarar ajapén tee ajasármai. Túrunawar tsawai̱sha káshisha menaintiú nakakam jeanum tsáapnircharmai.

Apu. 8:5

Nuyá̱ nu kuṉkuin eṉketain Yusa suntari̱ achik ekemátainmaya̱ ji kapa̱a̱n kaí̱ri̱n áimiak ju̱ nuṉkanam ukaamai. Túramtai ipiamtasha untsummasha, peemsha tura u̱u̱sha armai.