Apu. 6:10 - Yus Papí: Shuarja̱i̱ Yus Yamaram Chicham Najanamu

¹⁰ Nusha kakantar untsumainiak tiarmai “Uuntá, tí peṉker asam támena nu umíatsmek. ¿Urutíak nuṉká pujuinia nú shuar ii mantamnamunam yapajmiátruktam?” tiarmai.

Apu. 6:10 Iomraidhean Croise

Naṉ. 4:10

Tutai Yus chicharuk “¿Urukamtai ausha áitkiam? Ame yatsumi numpe̱ uputúrumna nu nuṉkaya̱ untsurun paant anturkajai” tímiayi.

YKan. 119:84

Ame takartámniu tsawantri̱sha ¿urutmá ainia? Nekasa nuja̱i̱ métek sumamtikiam túriniaitmena nusha ¿urutáik pataturainia ju̱sha túrattam?

YKan. 13:1

¿Uunt Yusá winia túkek kajinmátruktiatam? ¿Urutmá tsawantak Ame yápim winia ú̱rtuktatam?

YKan. 35:17

Uunt Yusá ¿urutáik ju̱sha íisartatam? Winia emesturtaj tuinia nuya̱sha tura úunt ya̱wa̱i̱ya̱sha uwemtikrurta.

YKan. 79:10

Yusan enentáimtichu ainia nu ¿Au Yusri̱sha tui̱ pujá? tíara̱i̱ṉ. Yusna ainia nuna numpé̱ ukarmanum ¿itiur Yus yapajmiátkatniuit? nu iistai. Yusan nékainiatsna nusha nisha nuna nekaawarat.

YKan. 9:12

Tunamkachun Yapajmiátniuka tuke enentáimtuiniawai tura wáitkiasma pujuinia nusha untsumkuiṉkia kajinmatainiatsui.

Isa. 61:2

Uunt Yus ti shiir enentáimmia uwí jeayi. Ruk. 4:19 Tura ii Yusri̱ yapajmiatramkatniusha núnisaṉ ashí kúntuts pujuinia atsaṉkratin tsawantcha jeayi tu etserkatniun akuptúkuiti.

Ukan. 3:64

Maaj Jiuwáa, ni túramuja̱i̱ métek akikiártiniaitmena nuka tímiatrusmek súsarta.

Tan. 12:6

Nuya̱ṉka áishmaṉ riniu pushí entsaru entsá pátatek wajan chíkich áishmaṉ aníak “Amukatin tsawantai̱ nekaachmin túrunattana nusha ¿urutáiṉ ati?” timiai.

Tan. 8:13

Nuya̱ṉka tunaarincha chichaan antukmajai tura chíkich tunaarincha nuna chicharuk “¿Urutáik ímiaja̱i̱k wainma ju̱sha amuukat tura taṉkun áestuatniunka tuke túruki wéartata tura yajauch awajkartincha katsua̱rtata nuyá̱ Yusa Je̱e̱sha tura suntarsha amuturmak ártata?”

Sak. 1:12

Nuyá̱ Yusa suntari̱ chichaak “Ashí Akupin Uunt Yusá sataintia uwí Jerusaréṉsha tura Jutanmaya̱ péprusha kajerkaram pujuráiniamna ausha ¿urutái tsaṉkurarmesha waitnentrartatam?” timiai.

Ruk. 2:29

“Yamaikia, Uuntá, turutmiamna nu ímiatrusmek umikiu asam ame takartámin áujmamas shiir waketkit akupkata.

Ruk. 21:22

Nu tsawantincha Yus asutiámun wáinkiartatui. Yus Papinium nu túrunatin yaunchu aarma nu uminkiattawai nu tsawantin.

Rum. 12:19

Yuska ni Papiri̱i̱n ju̱na áamtikramiayi “Witjiai tunaan asutiátniun. Wi yapajkiattajai” tawai Uunt Yus. Tuma asamtai aneamu yatsuru, kajertamakuisha átumka yapajkiairap. Antsu yajauch awajtamka núnaka Yus iistí. Yusa kajetáiri̱ initiusta.Muis. 32:35; Neka. 24:29

Isr. 12:24

Nui̱sha Yamaram Chichaman iin chichamprútmajnia nu, Jesus pujawai. Ni numpe̱ ukatramuja̱i̱ Apira numpe̱ja̱i̱ naṉkaamas péṉkeraiti. Kame Apir ántar maamu asamtai yapajmiátrukta títinia áintsaṉ enentáimtaji. Antsu Jesus yajauch shuaran péṉker awajsartaj tusa jakamiayi.

2 Pit. 2:1

Tura Israer shuarnum wait chichaman etserniusha páchitkia ármiayi. Atumíincha wait chichaman unuiniau páchitkia ártatui. Nisha awajimtikrampratniun wakeruiniak wáitian ti yajauchin ú̱kar unuiniarartatui. Tura “Uunt Jesus uwemtikrurmia nusha ántraiti” tiártatui. Nuna takui̱ ni amuukatniuri̱sha wárik jeartiatui.

Apu. 11:18

Ashí aents kajertámkarmai. Tuma asamtai yamaikia ame kajerkatin tsawantrum jeayi. Jákarusha iniantkim ni túramuri̱ íisartatme. Túram amé shuarka shiir etserturmakua nusha tura Aminiak enentáimturmasarua nusha tura Ámin shiir awajtámsarua nusha ashí mash ti shiira nu súakum akiktatme. Antsu ju̱ nuṉkan emesniuka ashí emesratniunam akupkáttame” tiarmai.

Apu. 18:20

Antsu nayaimpiniam pujarumna nu, ashí Yus akatrámutirmesha, ashí Yusna etserniutirmesha tura ashí Yus shuar árumna nu ni wáitsamuja̱i̱ warastarum. Nu wáitsamuja̱i̱ atumín yajauch awajtámsamarmena nuna yapajtiúrmakurme” tiarmai.

Apu. 18:24

Kame ni akupkámuja̱i̱ péṉker shuar ti mantamnawaru asamtai nu péprunam ashí yaunchu Yusna etserniu numpe̱sha ashí Yus shuara numpe̱sha tura péṉker shuar ashí nuṉkanam maamu ainia nuna numpe̱sha nui̱ paant wainkiamniaiti” timiai.

Apu. 19:2

Nisha aya nekas péṉker túratniua nuna túrin asaYKan. 19:9 tí nukap tsanirmaun ashí aentsun tsaniri̱ji̱a̱i̱ utsur ti asutiáyi. Nin ti wáitkias ashí ni shuari̱ máwarman yapajmiátkaiti” Muis. 32:43 tiarmai.

Apu. 3:10

Katsuntrata tímiaj nu, shiir umirka asakmin Wisha tí wáitsatin ashí nuṉkanam átatna nuyá̱ uwemtikrattajme. Nu wáitsatniuja̱i̱ ashí nuṉkanmaya̱ shuar nekapnasartatui.Rum. 14:10; 2 Kur. 5:10

Apu. 3:7

Nuyá̱ turutmiai “Piratírpianmaya̱ Yus shuara uuntri̱ ju̱ áatrata. Ti shiir túrin tuke nekasan tana nu, úunt akupin Tawitia yawiri̱ takaku asa uraimtai chíkich peṉké epenchamniaiti. Tura epenmiatai chíkich peṉké uraichminiaiti. Ju̱na tawai

Suma. 16:28

Tura Sansun Uunt Yusan kakantar seak “Winia Uunt Yusru, waitneasam enentáimtursata. Jiristíanmaya̱ aents ji̱ru ukuitruraru ásarmatai ji̱ruí̱ yapajmiáktaj Yusru jú̱chik kakarmaram surusta tusan seajme” tímiayi.

1 Sam. 24:12

Túrasha Uunt Yus ii túramuja̱i̱ métek iis nekáa winiasha tura amincha sumamtikramatai. Núnisan Uunt Yus amiya̱ṉka wíniaka ayamprutkati. Túrasha iikia áminkia itiurchat awajsashtatjame.