Apu. 5:6 - Yus Papí: Shuarja̱i̱ Yus Yamaram Chicham Najanamu

⁶ Nuyá̱ uunt pujutái̱ya̱ nui̱ tura kuatru taṉkunam ajapén tura úuntnum ajapén Murik wajan wainkiamjai. Maamua áintsaṉketiat iwiaakuyi. Kachurí̱sha siátiyi. Ni ji̱sha siátiyi. Nusha Yusa Wakaní̱ siati ashí nuṉkanam akuprámua nuuyi.

Apu. 5:6 Iomraidhean Croise

Tan. 7:14

Nuya̱ṉka akupkatin tura naṉkamantu ajastin núnisaṉ akupin átincha sunasmai. Tuma asamtai ashí aents tura mátsatkamu uunt nuṉka ainia nuya̱sha núnisaṉ chíkich chíkich chichamtin ainia nusha Nin shiir enentáimtuiniak umiriarmai. Warí, ni akupkatniuri̱ṉkia náṉkatkachu amuukashtin tura peṉké emesnarchatniuiti.

Tan. 8:3

Tura paṉkái̱ íimiaj tukamán chipiu áishmaṉ entsá eem wajamai. Tura kachurí̱sha émkaka mai̱ esarmaitiat chikichik kachu chikichja̱i̱ naṉkaamas ti esaram kachurauyi túrasha ukunmaṉka tsakartinian juárkimiai.

Awa. 3:4

Ni winchari̱ṉkia tsáapninji̱a̱i̱ métekete tura peemia tímianu wincharpátin Ni uwejé̱ya̱ṉka jiiniainiawai. Nuyá̱ Ni kakarmari̱ṉkia nui̱ u̱kma áiniawai.

Sak. 3:9

Wats, kaya chikichkin siati yantamtinian Jusuin eem apujsajai. Tura nu kayanam chichaman jiruja̱i̱ áartatjai tawai Ashí Akupin Uunt Yus. Túran chikichkí tsawantini̱ṉ nu nuṉkanmaya̱ aentsu yajauchiri̱ṉkia ashí asakátrartatjai.

Sak. 4:10

¿Yaaksha imiancha núnis enentáimtus warinkisha nakitrait? Túrasha Surupapír takatan naṉkamnamtai wáinkiar nu aentsuk ti shiir enentáimsartatui. Tura ju̱ siati ainia ju̱ka Uunt Yus ashí nuṉkanam wekaana nu ji̱ áiniawai” turutmiai.

Ruk. 1:69

Yaunchu ii uuntri̱ Tawit Yusa wakeramuri̱ji̱a̱i̱ úunt akupin áchamkia. Tura ni úkuri̱n ti kakaram Uwemtikkiartinian suramsaitji.

Juaṉ 1:29

Nuyá̱ kashin Juaṉ Jesusan winian wainiak chichaak “Iistarum. Núiti Yusa Murikrí̱ ashí aentsu yajauchiri̱n asakána nu.

Juaṉ 1:36

Jesussha nui̱ naṉkamakui Juaṉ wainiak chichaak “Iistarum, Yusa Murikrí̱ áuwiti” tímiayi.

Tur. 8:32

Nu papí áarman aujmia nu jú̱yayi. “Murikiua áitkiasaṉ jákatniunam júkiarmiayi. Tura uchich murik, ure̱ tsúpiram chichaatsna núnisaṉ nisha chichakchamiayi.

Apu. 1:4

Wi Juaṉ, Ásianam siati péprunam Yus shuar írunun ju̱ papin áateajai. Yus anenma asa aṉkant shiir pujustinian yaintmakarti. Nu Yus tuke yaunchu pujuyayi. Núnisaṉ yamaisha pujawai. Tura nuke winittiawai. Akupin pujutai̱nium Yusa Wakaní̱ siati naka pujurainia nusha shiir yaintmakarti.

Apu. 12:11

íksaṉ ii yachi̱ nupetmakarai. Yus susamu murikiu numpe̱ya áinis Jesukrístu numpe̱ja̱i̱ nupetmakarai. Nisha jákatniuitkiusha surimiatsuk nekas chichaman páchitsuk etserkarmai. Núja̱i̱sha iwianchi úuntri̱n nupetkarmai.

Apu. 13:8

Túramtai ashí aents tuke iwiaaku átinia nu papinium ni naari̱ yámankamtaikniumia̱ anujkamu atsúarma nuka nu Yajasman tikishmátrarmai. Nu papincha Murik jaka nantakmia nu takakui.

Apu. 14:1

Nuyá̱ Murikiun Seun nainnium wajan wainkiamjai. Níji̱a̱i̱sha siantu kuaraintikuátru mir shuar wajaarmai. Nusha nijiái̱ Murikiu náari̱ncha tura ni Aparí̱ náari̱ncha anujtúkma aarmai.

Apu. 17:14

Murikji̱a̱i̱sha mesetan najanawartatui. Túrasha Murik nupetkartatui. Nisha uuntja̱i̱ naṉkaamas Uunt asa tura núnisaṉ akupniúja̱i̱ naṉkaamas Akupin asa nupetmaktatui. Tura Niji̱a̱i̱ írutraa nu, Yus Winia atí tusa achikma ásar tura Nin tuke umirin ásar Niji̱a̱i̱ nupetmakartatui.”

Apu. 21:22

Yusa Uunt Je̱e̱ncha wáinkiachmajai. Antsu nú peprunam Uunt Yus Ashí Tujintkiachua nu tura núnisaṉ Muriksha nú peprun pímiutkui takamtsuk Níniuyi.

Apu. 21:23

Nú peprunmasha tsawái̱ nantusha kashí nantusha atsumchamai. Antsu Yusa winchari̱ tsáapin awajmiai. Núnisaṉ Muriksha tsáapin awajmiai.

Apu. 22:1

Nuyá̱ suntar tuke iwiaaku pujutai̱ entsan tí saaran iniaktursamai. Nusha úunt akupin pujutái̱nmaya̱ ti saawi jiinmiai. Nu pujutai̱sha Yusna tura Muriknauyi.

Apu. 22:3

Ashí yajauchia nuka atsuttawai. Uunt akupin pujutai̱ Yúsnasha Murikniasha nui̱ṉ aa asamtai ni shuari̱ ti paant wainiainiak tikishmátrartatui. Tura nijia̱i̱ncha ni naari̱ anujmamkartatui.

Apu. 4:8

Nusha sais nanamtin armai. Tura ji̱sha ti irunainiak ashí wáinmarmai. Káshisha tsawai̱sha tuke iniaitsuk ju̱na tiniu armai. “Tunaarincha tunaarincha nekas tunaarincha Úunt Yusaiti. Ashí Tujintkiachu Yúsaiti. Isa. 6:3 Tuke yaunchu pujuyayi. Núnisaṉ yamaisha pujawai. Tura ataksha ju̱ke winittiawai.”

Apu. 5:11

Tura untsurí nayaimpinmaya̱ suntar uunt pujutaincha taṉkuncha tura úuntnasha éṉkekawarun wainkiamjai. Nusha nekapmarchamnia ti untsurí armia nu

Apu. 5:12

kakantar tiarmai “Murik mantamnamia nu akupin ajas ashí kakarmancha, kuítniasha, nekaatniuncha Niṉki achikminiaiti. Tura nupetmaku asamtai yumiṉsar Nin ti shiir awajsatin áiniawai” tiarmai.

Apu. 5:13

Núnisaṉ ashí Yus najankamu, nayaimpiniam írunna nusha, nuṉkanam írunna nusha, nuṉká init írunna nusha, nayantsanam írunna nusha, tuinian antukmajai “Muriksha tura akuptáinium pujana nusha ti shiir tura ti kakaram ásar tuke iniaitsuk shiir awajnásarti” tuíniawai.

Apu. 5:14

Tura kuatru taṉkusha “Tuke núnisaṉ atí” tiarmai. Tura paintikuátru uuntka nekas tuke iwiaaku pujá nuna tikishmátar shiir awajsarmai.

Apu. 6:16

Túrawar náintniasha kayancha tiarmai “Asutniátin tsawant jeayi. ¿Yaki aun katsuntrat? Nu asamtai saanakim iin yutukratáta. Túrarum Murik ti asutiámataj nuya̱sha tura akupin pujana nuya̱sha ú̱kratkata” tiarmai.