Apu. 4:9 - Yus Papí: Shuarja̱i̱ Yus Yamaram Chicham Najanamu

⁹ Tura uunt pujutai̱nium pujana nu tuke iwiaaku pujú asamtai nu taṉku ti shiir awajsar yúmiṉkiak pujuriarmai.

Apu. 4:9 Iomraidhean Croise

YKan. 47:8

¡Maa, Yuska ni ti shiir pujutái̱ri̱n pujusuiti tura ashí nuṉkanmaya̱n akupeawai!

YKan. 48:14

Warí ii Yusri̱ṉkia ukunmasha tuke íi Yusri̱ṉ átatui. Tura jákatniua nuna á̱a̱wini̱sha tuke péṉker juramkittiaji.

Jiin. 15:18

Uunt Yusa akupeamuri̱nkia peṉké amuichaiti tura amukashtatui.” Tu kantamáwarmiayi.

Isa. 6:1

Uunt akupin Usías jakamia nú uwitin Uunt Yus yakí̱ ashí naṉkamantu úunt akupin pujutai̱niam pujan wi ímiaja̱i̱k wáinmiajai. Tura ni pushirísha nuntuaru asa Yusa Je̱e̱n anetak pujumai.

Tan. 12:7

Tutai áishmaṉ riniu pushí entsaru entsá pátatek wajá untsuurnumaani̱ tura menanmaani̱ mái̱ uwejé̱n nayaimpinmaani̱ takuí nekas tajai tusa tuke iwiaaku pujuwa nuna pachis chichaak “Kame nuka menaintiú uwí nuyá̱ sais nantu túrunas pujustatui. Kame Yusna ajasár tunaarincha ainia nu akupkatniun kakarmachu ajasártatna nui̱ṉ ashí uminkiattawai” tímiayi.

Tan. 4:34

Tura tsawant naṉkaamarmatai wi Napukutunusúr nayaimpinmaani̱ nakaasan iimiai̱ ataksha aentsua núnis enentáimtikrurmai. Túrutamtai Ashí Naṉkamantu Yusan tuke pujú asamtai shiir awajeakun tura naṉkamantu enentáimtakun yumiṉsamjai. Warí, Ni akupeamuri̱sha peṉké amukashtiniaiti. Tura ukunam aents matsamiartatna nui̱sha tuke átiniaiti.

Muis. 32:40

Tura Wikia uwejrun nayaimpinmaani̱ takuin chichaakun “Wikia tuke pujuwitjiai” títiatjai.

Isr. 7:25

Tuma asa tuke iwiaaku pujak ni shuari̱n tuke Yusan áujtusminiaiti. Tuma asa shuar Nin enentáimtusar Yusai̱ weantkarun tuke uwemtikramniaiti.

Isr. 7:8

Israer shuarti tias akankámun súajnia nú shuar aya aents ásar tuke pujuschamin áiniawai. Antsu Mirkiseték jakamun Yus Chicham peṉké ujaatsui.

Apu. 1:18

Wikia tuke iwiaakuitjiai. Jakamiajai tura nantakin jákashtinian tuke iwiaaku pujajai. Jákatniuncha tura jaka pujuinia nuna yawiri̱n takakun nérenniuitjiai.

Apu. 10:6

Tura timiai “Peṉké ishichik ajasái. Suntar siatia nu umpuakuiṉkia Yus ashí yaunchu enentáimpramia nu uminkiattawai.Tan. 12:7 Emka ujatsuk ukunam ni shuari̱n Yúsnan etserniua nuna ujakmiayi” timiai. Nuyá̱ chichaak “Yus tuke iwiaaku pujawai. Tura imiá kakaram asa nayaimpincha, nuṉkancha, nayantsancha tura ashí nui̱ írunna nunasha najankaiti” timiai.Neem. 9:6

Apu. 15:7

Nuyá̱ kuatru taṉkunmaya̱ chikichik kurí piniṉkian súsarmai. Nu piniṉ tuke iwiaaku Yusa kajetáiri̱ji̱a̱i̱ piaku armai.

Apu. 21:5

Tura akupin pujutai̱nium ekema nu “Iistá, Wi ashí peṉké yamarman nájanjai” timiai. Nuyá̱ nu arantcha turutmiai “Ju̱ka imiá nekas asamtai aartá. Nekas enentáimtustiniaiti.”

Apu. 4:2

Nu chichamaik Yusa Wakaní̱ yapajtiuámai. Túrutamtai nayaimpinmaṉka akupin pujutai̱nium pujan wainkiamjai.

Apu. 4:8

Nusha sais nanamtin armai. Tura ji̱sha ti irunainiak ashí wáinmarmai. Káshisha tsawai̱sha tuke iniaitsuk ju̱na tiniu armai. “Tunaarincha tunaarincha nekas tunaarincha Úunt Yusaiti. Ashí Tujintkiachu Yúsaiti. Isa. 6:3 Tuke yaunchu pujuyayi. Núnisaṉ yamaisha pujawai. Tura ataksha ju̱ke winittiawai.”

Apu. 5:1

Nuyá̱ akupin pujutai̱niam pujuma nuna untsuurí̱ni̱ papí pénuimiu takaku pujan wainkiamjai. Nu papisha initiaani̱sha tura pátatkesha áarmauyi. Tura urakchamnia atí tusa siati asaka péekmauyi.

Apu. 6:16

Túrawar náintniasha kayancha tiarmai “Asutniátin tsawant jeayi. ¿Yaki aun katsuntrat? Nu asamtai saanakim iin yutukratáta. Túrarum Murik ti asutiámataj nuya̱sha tura akupin pujana nuya̱sha ú̱kratkata” tiarmai.

Apu. 7:15

Nuna túrawaru ásar yamaikia Yusai̱ naka pujusár tsawai̱sha káshisha Yúsnan ni Je̱e̱n takainiawai. Tura akupin pujutai̱nium eketna au tuke wáinkiartatui.