Apu. 4:8 - Yus Papí: Shuarja̱i̱ Yus Yamaram Chicham Najanamu

⁸ Nusha sais nanamtin armai. Tura ji̱sha ti irunainiak ashí wáinmarmai. Káshisha tsawai̱sha tuke iniaitsuk ju̱na tiniu armai. “Tunaarincha tunaarincha nekas tunaarincha Úunt Yusaiti. Ashí Tujintkiachu Yúsaiti. Isa. 6:3 Tuke yaunchu pujuyayi. Núnisaṉ yamaisha pujawai. Tura ataksha ju̱ke winittiawai.”

Apu. 4:8 Iomraidhean Croise

Naṉ. 17:1

Tura Apram nuwintinuíwi uwí takakuya nui̱ Uunt Yus wantintiuk chichareak “Witjiai Ashí Tujintkiachu Yus. Wi íimmianum tuke awajitsuk péṉker atá.

YKan. 91:1

Uunt Yusai̱ weatka nuka Ashí Tujintkiachu Yus ayamprúkma pujustatui.

Jiin. 15:11

Uunt Yusru, Ámeka najanamu yus ainia núja̱i̱ṉkia naṉkaamas Amek arantumaintme. ¿Yaki peṉké tunaarinchasha Ámiji̱a̱i̱ méteksha áminiait? Aentsti túrachmin ashamkamnia túrin asam ti shiir awajmáinme.

Jiin. 3:14

Tutai Yus Muisaisan aya̱k “WIKIA WÍKITIAJ NUITJIAI. Tuma asamtai Israer shuar ininmainiakuisha ‘WIKIA WÍKITJIAI’ tumamna nu akuptúkai tiartá” tímiayi.

Isk. 1:18

Kame tenté init eṉketámu ti uunt ásar tsuumai̱ armai tuma ásar kuatru tenteri̱nkia ji̱ téntakma armai.

Isk. 1:5

Tura ji keamunam ajapén kuatru aentsua aya̱shi̱ya̱ nuní̱ iira wajarmai.

Isk. 1:6

Nuka aṉkant aṉkant kuatru yápintin tura kuatru nanaptin armai. Ni makui̱sha aya nakak armai tura nawe̱sha waaka uchichi nawe̱ya núnin armai tura jiru yaṉkutaku wincharpáta núnis kearmai.

Juir 1:15

Kame Uunt Yusa tsawantrí̱ṉkia jeatémayi. Tuma asamtai nú tsawantka aneartarum. Warí ashí emesnaktin tsawantka Ashí Tujintkiachu Yusai̱ya̱ tátatui.

Tur. 20:31

Tuma asamtai yatsurtiram, aneartarum. Wisha menaintiú uwí tsawai̱sha káshisha útchim aṉkant aṉkant unuiniamajrumna nu kajinmátkirap.

2 Kur. 6:18

Tura atumí Aparí̱ átatjai, átumka winia uchir átatrume. Nuna Wi imiá kakaram uunt Yus asan tajai. Tu áarmaiti.2 Sam. 7:14; Jrm. 31:1,9

1 Tis. 2:9

Yatsuru, ii atsumaj nu sumarmaktai tusar kakaram takakmasmaj nu ¿kajinmátkintrumek? Atsá. Nékarme. Iis, uwempratin chicham étserkur tsawai̱sha káshisha takasmiaji. Nusha, akirkata ti̱i̱j tusar takakmasmiaji.

1 Tim. 4:16

Túramna nusha tura unuiniamna nusha péṉker wáinmamkata. Nu túratin pimpikip. Nu túrakmeka uwemprattame amesha tura ujainiam nusha uwemtikrattame.

2 Tim. 4:2

Uwempratin chicham etserkata. Yúpichuchia nui̱sha tura itiurchata nui̱sha tuke etserkata. Yus Chicham nekas enentáimtikrarta. Tura shiir enentáimtusam chicharkam yáiṉtaj tusam unuiniararta.

Isr. 13:8

Jesukrístuka tuke yapají̱tsuk nuikiya núnisaṉ yamaisha tura ukunmasha tuke núnisaṉ átatui.

Apu. 1:4

Wi Juaṉ, Ásianam siati péprunam Yus shuar írunun ju̱ papin áateajai. Yus anenma asa aṉkant shiir pujustinian yaintmakarti. Nu Yus tuke yaunchu pujuyayi. Núnisaṉ yamaisha pujawai. Tura nuke winittiawai. Akupin pujutai̱nium Yusa Wakaní̱ siati naka pujurainia nusha shiir yaintmakarti.

Apu. 1:8

Witjiai Émkanka tura Náṉkatkancha Wíkitjiai tawai ii Uuntri Yus. Kame yáunchusha tuke pujuyajai tura yamaisha tuke pujajai núnisaṉ Ashí Tujintkiachu ukunam winittiana nusha Wíkitjiai.

Apu. 11:17

“Uunt Yusá, ti kakaram asam Ámiji̱a̱i̱ tujintkiatin atsawai. Yáunchusha, yamaisha tura tuke amuutsuk iwiaaku pujuwitme. Ame ti kakarmarmiji̱a̱i̱ nekas akupkatin yamaikia juarme. Tuma asakmin yumiṉsajme, tiarmai.

Apu. 14:11

Ni wáitsatniuri̱ ji esaak kajintsuk tuke mukuintia núniskete. Entsaya̱ yajasman tura ni nakumkamuri̱n shiir awajénak ni naari̱ anujmamainia nuka tsawai̱sha káshisha ayamtsuk wáitsartatui.

Apu. 14:3

Nu tuntuiyamuja̱i̱ siantu kuaraintikuátru mir shuar akupin pujutai̱nium naka wajasar yamaram kantan kantamáwarmai. Nisha kuatru taṉkunmasha tura paintikuátru úuntnumsha naka wajasar kantamáwarmai. Nu kantanka chíkichka nekaachmin armai. Aya nu siantu kuaraintikuátru mir shuarka jú̱ nuṉkanmaya̱ shuarnumia̱ uwempraru ásar nu kantan kantamiarmai.

Apu. 15:3

Túramtai kantamáwarmai. Yusa takarniúri̱ Muisaisa kantari̱ncha tura Murikiu kantari̱ncha kantamáiniak tiarmai “Uuntá, Ashí Tujinchaitme. Tí peṉker tura ti enentáimturmin ashí najanaitme. Ashí Úunt Akupin asam ashí nekasa nu túrasha péṉkera nu túriniaitme.Use. 14:9

Apu. 15:7

Nuyá̱ kuatru taṉkunmaya̱ chikichik kurí piniṉkian súsarmai. Nu piniṉ tuke iwiaaku Yusa kajetáiri̱ji̱a̱i̱ piaku armai.

Apu. 16:14

Íwianch áiniak aents tujintiamun túruiniak ashí nuṉkanmaya̱ akupniun irurarmai. Ti Tujintkiachu Yusai̱ ni uunt tsawantri̱ jeamtai mesetan najanatai tusar weriarmai.

Apu. 16:7

Tutai Yus áestutai̱nmaya̱ chichaman antukmajai. “Ee, Uuntá. Nekas kakaram asam ashí ti tujinchaitme. Nekas túratniua nu tí peṉker túrin asam nu shuar túramuja̱i̱ métek akiruitme” timiai.

Apu. 19:15

Nu suntara Uuntri̱ wene̱ya̱ ashí nuṉkanmaya̱ yajauch aentsun mátin, puyá̱ mái̱ ere tsakatskatin jiinmiai.Isa. 11:4; Apu. 1:16; 2:16 Tura jiruja̱i̱ asutiátniua áintsaṉ ti kakaram akupkáttawai. Túrak Ashí Tujintkiachu Yusa kajetáiri̱ ti kakarma nuja̱i̱ aentsun asutiáttawai. Uwa nekeṉkar ijiuratniua áitkiasaṉ wáitkiasartatui.

Apu. 19:4

Tuíniakui paintikuátru uunta nu tura kuatru taṉkusha nuṉká piniakumawar akupin pujutai̱nium Yus pujana nuna shiir awajsarmai. Túrawar “¡Nuke atí! ¡Naṉkamantuitme Uunt Yusá!” tiarmai.

Apu. 21:22

Yusa Uunt Je̱e̱ncha wáinkiachmajai. Antsu nú peprunam Uunt Yus Ashí Tujintkiachua nu tura núnisaṉ Muriksha nú peprun pímiutkui takamtsuk Níniuyi.

Apu. 3:7

Nuyá̱ turutmiai “Piratírpianmaya̱ Yus shuara uuntri̱ ju̱ áatrata. Ti shiir túrin tuke nekasan tana nu, úunt akupin Tawitia yawiri̱ takaku asa uraimtai chíkich peṉké epenchamniaiti. Tura epenmiatai chíkich peṉké uraichminiaiti. Ju̱na tawai

Apu. 4:4

Chíkich paintikuátru akupin pujutai̱n nu pujutai̱n téntakarun wainkiamjai. Tura paintikuátru uunt puju entsarainian tura kurin etseṉkrakainian nui̱ pujuinian wainkiamjai.

Apu. 4:6

Núnisaṉ nu pujutai̱nium naka nayantsa ánin ti saar amai. Nu pujutai̱nium wakenmaani̱sha niisháa taṉku kuatru téntakar ármiayi. Ukuri̱ni̱sha tura eemsha ji̱ irunmiai.

Apu. 4:9

Tura uunt pujutai̱nium pujana nu tuke iwiaaku pujú asamtai nu taṉku ti shiir awajsar yúmiṉkiak pujuriarmai.

Apu. 5:6

Nuyá̱ uunt pujutái̱ya̱ nui̱ tura kuatru taṉkunam ajapén tura úuntnum ajapén Murik wajan wainkiamjai. Maamua áintsaṉketiat iwiaakuyi. Kachurí̱sha siátiyi. Ni ji̱sha siátiyi. Nusha Yusa Wakaní̱ siati ashí nuṉkanam akuprámua nuuyi.

Apu. 6:1

Tura siati asakamunmaya̱ emka asakamun wísha iimiai̱ṉ Murik ja̱a̱kmai. Túramtai chikichík taṉku ipiamtaja̱i̱ métek kakantar untsumun antukmajai. “Winitiá” timiai.

Apu. 6:6

Tura kuatru taṉku ajapénia̱ chichaamun antukmajai. “Tsawant takamtsuk takaakmesha apatkuka peṉké ishichik sumakmin átatme. Tura núnisaṉ machasha nijiamchisha amuukacharat tusam péṉker wáinkiata” timiai.

Apu. 7:11

Tura nayaimpinmaya̱ suntarsha úunt akupin pujutaincha, kuatru taṉkuncha, tura úuntnasha téntatkar armia nu piniakum nuṉká tepersar Yusan shiir awajsar

Apu. 7:15

Nuna túrawaru ásar yamaikia Yusai̱ naka pujusár tsawai̱sha káshisha Yúsnan ni Je̱e̱n takainiawai. Tura akupin pujutai̱nium eketna au tuke wáinkiartatui.