Apu. 4:7 - Yus Papí: Shuarja̱i̱ Yus Yamaram Chicham Najanamu

⁷ Emka taṉku úunt ya̱wa̱a ániuyi. Chíkichka turu uchichia ániuyi. Tura chikicha shuara yapi̱ya ániuyi. Tura chíkichka churuwia nanamua ániuyi.

Apu. 4:7 Iomraidhean Croise

Naṉ. 49:9

Ámeka Jutá, winia uchiru úunt ya̱wa̱chia núniniaitme. Tuma asam namaṉ yuam aju̱a̱nta ininiaitme. Túram úunt ya̱wa̱a núnismek nuṉká iniantam tepenaitme. Inianta tepesakmincha ¿yaki itit awajtámin aintⁱ?

2 Sam. 1:23

Saurka Junatánja̱i̱ṉkia aneetai̱ tura aneṉkratin armai. Jákatniunmasha peṉké kanakcharmai. Kame churuwiaja̱i̱sha naṉkaamas tí warik tura úunt ya̱wa̱ja̱i̱sha naṉkaamas ti kakaram armai.

Neka. 28:2

Yajauch pampaṉmataiṉkia akupniúsha untsurí ajainiawai. Antsu péṉker enentáimias akupniua nuka ashí péṉker wáiniuk niṉki akupniuiti.

Isa. 40:31

Túrasha Uunt Yusan nákainia nuka ataksha kakaram ajasár ukukuí nanaak yakí̱ wekaana núnis wekasartatui. Tura tsékenaksha peṉké pimpikchartatui núnisaṉ wekainiaksha yawe̱rchartatui.

Isk. 1:10

Nu aents kuatru yápintin arma nuka ju̱ní̱ iira armai. Tura eem íimkiaka shuara yapi̱ya nuní̱ iira, tura untsurnumaani̱ṉkia úunt ya̱wa̱ nuní̱ iira, menanmaani̱ṉkia waaka áishmaṉka nuní̱ iira, tura úkuka churuwia nuní̱ iirasha armai.

Isk. 1:8

Nanape̱n nuṉkaani̱ kuatru paen aentsu uwejé̱ya̱ núninian takaku armai. Kuatru arma nuka yápintin tura nanaptin armai. Tura nanape̱nka nuiṉ áchitra armai. Núnisaṉ nanamainiaksha antiniaitsuk aṉkant aṉkant eem wéarmai.

Tan. 7:4

Kame emka yajasmaka úunt ya̱wa̱ ániuitiat churuwia nanape̱n nanapruruyi. Tura nuna ii wajái̱ nanape̱nka akaarar nuṉkaya̱ṉka takuiniar aentsua núnis jimiará náwe̱ntin ajasmai. Túrunamtai aentsua núnis enentáimin awajnásmai.

Apt. 1:4

Kame churuwia nanamna tímiatrusam ti yakí̱ nanakakminish tura ya eketainia tímianai pasuṉmakakminish tímianaiya̱sha akakín aju̱a̱ttajme” tawai Jiuwá.

Wek. 23:24

Wats ju̱ aentska úunt ya̱wa̱ kuntinian esái numpe̱ncha umar tura yuá amuumam ayamtsuna núnis peṉké ayamprachartatui” tímiayi.

Wek. 24:9

Israer shuarka úunt ya̱wa̱ áishmaṉ tura nuwa̱sha tepes kánana nuna yaki ishintiaraint núnisaiti. ¡Kame péṉkerja̱i̱ yumiṉkramainia nuka péṉkerja̱i̱ yumiṉkramu atí. Núnisaṉ yajauchiji̱a̱i̱ yumiṉkramainia nusha yajauchiji̱a̱i̱ yumiṉkramu atí!” tímiayi Paraam.

1 Kur. 14:20

Yatsuru, uchia áintsarum enentáimprairap. Kuirchia áintsarum yajauch túrashtin enentáimpratarum tura chíkich írunna nuja̱i̱ uunt enentáimpratniua áintsarum enentáimpratarum.

Muis. 28:49

Tura Uunt Yus nuṉka náṉkata ímianian churuwia kuntintri̱ wainiak inianna núnis iniantrámpratniun akuptúrmaktatrume. Tura nu nuṉkanmaya̱ aentsu chichame̱sha peṉké anturkashtatrume.

Apu. 4:6

Núnisaṉ nu pujutai̱nium naka nayantsa ánin ti saar amai. Nu pujutai̱nium wakenmaani̱sha niisháa taṉku kuatru téntakar ármiayi. Ukuri̱ni̱sha tura eemsha ji̱ irunmiai.

Apu. 6:3

Nuyá̱ Murikkia asakamu jímiaran já̱a̱kmatai taṉku jímiara nu “Winitiá” timiai.

Apu. 6:5

Nuyá̱ Murik asakamu menaintiun já̱a̱kmatai taṉku menaintiua nu “Winitiá” timiai. Takui̱ kawái mukusan wainkiamjai. Nui̱ ekemia nusha kijin nekapmatai̱n takakuyi.

Apu. 6:7

Nuyá̱ Murik asakamu kuátrun já̱a̱kmatai taṉku kuatrua nu “Winitiá” timiai.