Apu. 4:6 - Yus Papí: Shuarja̱i̱ Yus Yamaram Chicham Najanamu

⁶ Núnisaṉ nu pujutai̱nium naka nayantsa ánin ti saar amai. Nu pujutai̱nium wakenmaani̱sha niisháa taṉku kuatru téntakar ármiayi. Ukuri̱ni̱sha tura eemsha ji̱ irunmiai.

Apu. 4:6 Iomraidhean Croise

1 Akup. 7:23

Nuya̱ṉka entsa yaratai̱ úuntan tenten yaṉkú jiru unuikmaja̱i̱ wa̱a̱ri̱ waṉkantí̱ṉkia 5 mitru tura yakiri̱ṉkia 2 mitru nuyá̱ 5 pataku tura tentakmari̱ṉkia 15 mitru jean najanamiayi.

Jiin. 38:8

Núnisaṉ nijiamatai̱sha tura nawe̱ṉsha Yus Shiir Awajtai̱ Je̱a̱ wá̱i̱ti̱a̱i̱ri̱n nuwa̱ takakmarmia nuna íspikri̱ yaṉkú jiruja̱i̱ najankamu armia nuja̱i̱ najanawarmai.

Apu. 14:3

Nu tuntuiyamuja̱i̱ siantu kuaraintikuátru mir shuar akupin pujutai̱nium naka wajasar yamaram kantan kantamáwarmai. Nisha kuatru taṉkunmasha tura paintikuátru úuntnumsha naka wajasar kantamáwarmai. Nu kantanka chíkichka nekaachmin armai. Aya nu siantu kuaraintikuátru mir shuarka jú̱ nuṉkanmaya̱ shuarnumia̱ uwempraru ásar nu kantan kantamiarmai.

Apu. 15:2

Nuyá̱ antumiaṉka áintsaṉ ti saar jiji̱a̱i̱ pachimpramun wainkiamjai. Ni kaanmatkari̱ncha Entsaya̱ Yajasman tura ni nakumkamuri̱ncha nupetkarma nu nui̱ wajaarmai. Tura nin arpa tuntuitiai̱n Yus súsarmai.

Apu. 15:7

Nuyá̱ kuatru taṉkunmaya̱ chikichik kurí piniṉkian súsarmai. Nu piniṉ tuke iwiaaku Yusa kajetáiri̱ji̱a̱i̱ piaku armai.

Apu. 19:4

Tuíniakui paintikuátru uunta nu tura kuatru taṉkusha nuṉká piniakumawar akupin pujutai̱nium Yus pujana nuna shiir awajsarmai. Túrawar “¡Nuke atí! ¡Naṉkamantuitme Uunt Yusá!” tiarmai.

Apu. 21:11

Nu péprusha Yusa winchari̱ji̱a̱i̱ tsáapniniuyi. Nu tsáapnincha kaya tí shiirmachia núnis jaspi kaya nuní̱ saar asa tí tsaapniniuyi.

Apu. 21:18

Nu péṉkramusha jaspi kayaja̱i̱ najanamuyi. Péprusha aya kúrikiyi. Nu kuri tí peṉker sáarauyi.

Apu. 21:21

Pepru wáitiri̱ tuse ainia nu ti shiir nayantsanmaya̱ shaukja̱i̱ chikichik najanamu armai. Pepru jinti̱sha aya kúrikiyi. Nu kuri tí peṉker sáarauyi.

Apu. 22:1

Nuyá̱ suntar tuke iwiaaku pujutai̱ entsan tí saaran iniaktursamai. Nusha úunt akupin pujutái̱nmaya̱ ti saawi jiinmiai. Nu pujutai̱sha Yusna tura Muriknauyi.

Apu. 4:4

Chíkich paintikuátru akupin pujutai̱n nu pujutai̱n téntakarun wainkiamjai. Tura paintikuátru uunt puju entsarainian tura kurin etseṉkrakainian nui̱ pujuinian wainkiamjai.

Apu. 5:11

Tura untsurí nayaimpinmaya̱ suntar uunt pujutaincha taṉkuncha tura úuntnasha éṉkekawarun wainkiamjai. Nusha nekapmarchamnia ti untsurí armia nu

Apu. 5:14

Tura kuatru taṉkusha “Tuke núnisaṉ atí” tiarmai. Tura paintikuátru uuntka nekas tuke iwiaaku pujá nuna tikishmátar shiir awajsarmai.

Apu. 5:6

Nuyá̱ uunt pujutái̱ya̱ nui̱ tura kuatru taṉkunam ajapén tura úuntnum ajapén Murik wajan wainkiamjai. Maamua áintsaṉketiat iwiaakuyi. Kachurí̱sha siátiyi. Ni ji̱sha siátiyi. Nusha Yusa Wakaní̱ siati ashí nuṉkanam akuprámua nuuyi.

Apu. 5:8

Tura papin achikmatai kuatru taṉkusha tura paintikuátru uunt arma nusha Murikiun tikishmátrarmiayi. Ashí uunt arpa tuntuitiai̱n takaku armai. Tura ashí kuṉkuin eṉketain kuri najanamun takaku armai. Nu kuṉkuin Yus shuar áujsamuiti.Mat. 6:10; YKan. 141:2

Apu. 6:1

Tura siati asakamunmaya̱ emka asakamun wísha iimiai̱ṉ Murik ja̱a̱kmai. Túramtai chikichík taṉku ipiamtaja̱i̱ métek kakantar untsumun antukmajai. “Winitiá” timiai.

Apu. 6:6

Tura kuatru taṉku ajapénia̱ chichaamun antukmajai. “Tsawant takamtsuk takaakmesha apatkuka peṉké ishichik sumakmin átatme. Tura núnisaṉ machasha nijiamchisha amuukacharat tusam péṉker wáinkiata” timiai.

Apu. 7:11

Tura nayaimpinmaya̱ suntarsha úunt akupin pujutaincha, kuatru taṉkuncha, tura úuntnasha téntatkar armia nu piniakum nuṉká tepersar Yusan shiir awajsar

Apu. 7:17

Muriksha akupin pujutai̱nium naka wajana au, ni murikrí̱nkia péṉker wáiniuk áyureak tí peṉker púkuni entsa waana nuí̱ apujsartatui. Tura Yus ni nea̱jkirtincha ukuitiurartatui” turutmiai.