Apu. 4:5 - Yus Papí: Shuarja̱i̱ Yus Yamaram Chicham Najanamu

⁵ Akuptáiniumia̱ peemsha ipiamtasha untsummasha jíiniarmai. Tura nu pujutai̱nium naka siati shirikip kearmai. Nusha siati Yusa Wakaní̱nti.

Apu. 4:5 Iomraidhean Croise

Naṉ. 15:7

Tura nú arant chicharuk “Witjiai Uunt Yus. Ju̱ nuṉkan amasan apujsatjam tusan Kartíu aentsnumia̱ Ur péprunmaya̱ jí̱i̱kin itiamiajme” tímiayi.

YKan. 68:35

Yusá, Ámeka ame náaram Shiir Awajtai̱ Je̱a̱nmaya̱ṉ ti ashammaintme. Israer shuara Yusri̱nkia ní shuari̱n ikiakár kakaram ajastinian suawai. Tuma asamtai ni naari̱ shiir awajsamu atí.

Jiin. 19:16

Tura menaintiú tsawant tsawa̱a̱munam peemsha, chárpisha ajamiayi. Tura Senainiumka yuraṉkim tee ajasmanum kachusha ti kakaram umpuamu antuimiayi. Túmakui̱ matsamkamunam ashí Israer shuar pujuarmia nuka ti sapijmiainiak kurainiarmiayi. 2 Sam. 22:9

Jiin. 20:18

Tura ashí Israer shuar ipiamtancha chárpincha kachu umpuamuncha ántiarmiayi. Núnisaṉ Senái múkun múkun ajan wáinkiar ti sapijmiakar kuraṉkármiayi. Túmakui̱ Senainiumia̱ṉka íkiaṉ wajasármiayi.

Jiin. 25:37

Áintsamek nui̱ uwaar ekemárar tseṉkearmari̱n ekentratin siati najankata. Túram kéenak ashí tsáapin awajiártatui.

Isk. 1:13

Kame aentsua nuní̱ iira wajarma nui̱ jinia kaí̱ri̱ kapa̱a̱k ji keá núnin we tura taa wémiayi. Tura shirikip keemia nuka jíitsumir wínchar ajarma nuyá̱ peemsha ajamai.

Juir 3:16

Kame Uunt Yussha Seúnnum pujus úunt ya̱wa̱ núnis júrur ajattawai. Tura ni chichame̱sha Jerusaréṉnumia̱ṉ antuittiawai. Túmakui̱ nayaimpisha nuṉkasha muchitrattawai. Núnisaṉ Uunt Yuska ni shuari̱ Israer shuar ejamkar kakatainti.

Sak. 4:2

Tura chichartak “¿Warí wáiniam?” túrutkui chicharkun “Asuiti ekemákar ekentai̱ kúriji̱a̱i̱ṉ najanar yakiní̱ṉkia asuiti yaratai̱ amamuk ekettsar nuna yakiní̱ṉkia asuiti yarar ekemátai̱ siati asamtai asuiti wétincha naṉku siati najatamun wainjiai” tímiajai.

Mat. 25:1

“Yus akupeamunam pachinkiatin jú̱nis átatui. Nuatnaikiatin námper akui tias nuwa̱ natsa shirikpin akawar nuatkattana nu áishmaṉkan iṉkiuṉ je̱á̱ itiatai tusar wéarmai.

Mat. 3:11

Wikia átum ené enentáimiá ajasákrumin aya entsaja̱i̱ṉ ímiajrume. Antsu winia úkurui̱ winiana nuka péṉker awajtámsataj tusa imiantinia ánis tura jía ánis Yusa Wakaní̱n eṉketramprattarme. Wiji̱a̱i̱ naṉkamantu asamtai wikia tsuntsumpruán ni sapatrí̱nkisha atitrachminiaitjiai.

Tur. 2:3

Tura nui̱ pujuiniai̱ ji wajái̱ keá ániun wáinkiarmiayi. Túruna aṉkant aṉkant puunak tarurarmiayi.

Apu. 1:4

Wi Juaṉ, Ásianam siati péprunam Yus shuar írunun ju̱ papin áateajai. Yus anenma asa aṉkant shiir pujustinian yaintmakarti. Nu Yus tuke yaunchu pujuyayi. Núnisaṉ yamaisha pujawai. Tura nuke winittiawai. Akupin pujutai̱nium Yusa Wakaní̱ siati naka pujurainia nusha shiir yaintmakarti.

Apu. 10:3

Tura úunt ya̱wa̱ kaka̱a̱r shiniak chicháa áinis ti kakaram untsumkamai. Nuja̱i̱ siati ipiamtasha chichasarmai.

Apu. 11:19

Tuíniakui Yusa Uunt Je̱e̱ nayaimpiniam ana nu uranmiatai wakenmaani̱ Yus Aentsja̱i̱ Chícham Najanamu Eṉketai̱ paant amai. Túrunamtai peemsha, ipiamtasha, cháarpisha, u̱u̱sha armai tura michasha tí kakekamai.

Apu. 3:1

Nuyá̱ turutmiai “Sártisnumia̱ Yus shuara uuntri̱ ju̱ áatrata. Siati Yusa Wakaní̱n takakna nu tura núnisaṉ siati yaan takakna nu, tawai ‘Ashí ame túram nuna nékajai. Iwiaakua áintsaṉ wekayatmek Wíji̱a̱i̱ṉkia jákaitme.

Apu. 5:6

Nuyá̱ uunt pujutái̱ya̱ nui̱ tura kuatru taṉkunam ajapén tura úuntnum ajapén Murik wajan wainkiamjai. Maamua áintsaṉketiat iwiaakuyi. Kachurí̱sha siátiyi. Ni ji̱sha siátiyi. Nusha Yusa Wakaní̱ siati ashí nuṉkanam akuprámua nuuyi.

Apu. 8:5

Nuyá̱ nu kuṉkuin eṉketain Yusa suntari̱ achik ekemátainmaya̱ ji kapa̱a̱n kaí̱ri̱n áimiak ju̱ nuṉkanam ukaamai. Túramtai ipiamtasha untsummasha, peemsha tura u̱u̱sha armai.