Apu. 4:3 - Yus Papí: Shuarja̱i̱ Yus Yamaram Chicham Najanamu

³ Nisha jaspi kayasha tura kurnarínia kayasha nuja̱i̱ métek ti wínchauyi. Akupin pujutai̱n tuntíak téntakuyi. Nusha ismirárta kayaja̱i̱ métekeyi.

Apu. 4:3 Iomraidhean Croise

Jiin. 24:10

Tura nui̱ Israer shuara Yusri̱ wajamuri̱ṉkia kaya aya píniunmaṉ saar kiṉkia eṉketka nayaim kíṉkiampatak ajasua ániunam wajan wáinkiarmiayi.

Isa. 6:1

Uunt akupin Usías jakamia nú uwitin Uunt Yus yakí̱ ashí naṉkamantu úunt akupin pujutai̱niam pujan wi ímiaja̱i̱k wáinmiajai. Tura ni pushirísha nuntuaru asa Yusa Je̱e̱n anetak pujumai.

Isk. 1:26

Nuya̱ṉka ni muuke̱n yakini̱ nayaimpinmaṉka akupkur pujutai̱ shíirmach kaya sapiruja̱i̱ najanamu núninian wainkiamjai. Tura akupkur pujutái̱nmaṉka aentsua núnin pujan wáinmiajai.

Isk. 1:28

yumi yútakui tuntíak wajáa ániun wáinmiajai. Yusa winchari̱ nuní̱ íiran wainkian tikishmaran tsuntsuman nijia̱i̱ruja̱i̱ nuṉká antiṉkian piniakum tepesan aentsu chichame̱n antukmajai.

Isk. 10:1

Nuya̱ṉka áishmaṉ riniu pushin entsaru nuna chicharuk “Kirupín pujuinia nui̱ ajapén tenté ayantáin ainia nui̱ waya̱ta túram jinia kaí̱ri̱ kapa̱i̱nia nu achikiam péprunam tsatsakta” tímiayi. Tura Yusa Je̱e̱n nuṉkaani̱ matsamárma nui̱ jeamtaisha init tesamunmaṉka yuraṉkim piak amai túrasha Yusa winchari̱ṉkia Yusa Je̱e̱ wáitiri̱n takunmiai. Tura áishmaṉ wayá̱ tenté ayantáin arma nui̱ ayamach wajasmai. Túmamtai kirupín uwejé̱n takuí jinia achik áishmaṉ riniu pushin entsaru nuna susamai. Nuya̱ṉka nuna achik jiinkimiayi.

Isk. 28:13

Ámeka Yusa ajarí̱n Etennum pujuyame tura ame pushirmeka ashí kaya tí kuit shíirmach ainia nuja̱i̱ ruwí, tupasiu, tiamanti, krisuritiu, únise, jaspi, sapiru, turkisa, tura piriruja̱i̱ najanamuyayi. Ame sháukrumsha tura kuishnium aki̱i̱tiai̱ṉkia kuriji̱a̱i̱ najanamu armai. Nuyá̱ ámin najatmawarmiania nu tsawantini̱ṉ nunasha najanawarmiayi.

Apu. 10:1

Nuyá̱ chíkich kakaram suntar nayaimpinmaya̱ táarun wainkiamjai. Nusha yuraṉkim amúamu tura muuknum tuntíak téntakmauyi. Yapi̱sha etsa̱ja̱i̱ métek wínchauyi. Tura kujapé̱sha ji keá áintsaṉkeyi.

Apu. 21:11

Nu péprusha Yusa winchari̱ji̱a̱i̱ tsáapniniuyi. Nu tsáapnincha kaya tí shiirmachia núnis jaspi kaya nuní̱ saar asa tí tsaapniniuyi.