Apu. 4:1 - Yus Papí: Shuarja̱i̱ Yus Yamaram Chicham Najanamu

¹ Nu naṉkaamasmatai nayaimpiniam waiti uranniun wainkiamjai. Tura nuyá̱ kakaram untsumman antukmajai. Nuik kachuja̱i̱ métek kakaram chichartukma nu turutmiai “Ju̱i̱ yakí̱ wakata. Ukunam átatna nuna iniaktustatjame” turutmiai.

Apu. 4:1 Iomraidhean Croise

Jiin. 1:1

Israer shuar aṉkant aṉkant uchirtiuk ni aparí̱ Jakupja̱i̱ Ejiptunam jeawarmia nuka ju̱ áiniawai,

Jiin. 19:24

Tutai Uunt Yus Muisaisan chicharuk “Waketkim Araunja̱i̱ wakata. Antsu Yúsnan pujurin núnisaṉ ashí Israer shuar Uunt Yusja̱i̱ iṉkiunaiktai tusar wainiak tesamun naṉkaikicharti jákara̱i̱ṉᵏⁱ” tímiayi.

Jiin. 24:12

Nuyá̱ Uunt Yus Muisaisan chicharuk “Wi pujajna ju̱i̱ naint wakam nákarsata. Nui̱ Israer shuar jintintiáwarai tusan Akupkámu Umiktin Chichaman kayanam áaraj ju̱na ámin amastatjai” tímiayi.

Neka. 25:7

Antsu akupin chichartamuk “winitiá ju̱i̱ pujusta” túramkui péṉker átatme núchaja̱i̱ṉkia peṉkeri̱ íimmianum natsanmai̱ ajaktatme.

Isk. 1:1

Isekiárka chíkich Jutanmaya̱ shuarja̱i̱ achikiar yaruakma nuja̱i̱ irunar matsamiayi. Tura tsawant seṉku ámanum tura nántuka kuatru taka eketmanum tura uwisha traintia ai̱ tura úunt akupin Juakin achikiar yajá nuṉkanam jukimiu seṉku uwí naṉkaamasu ai̱ Yúsnan pujurniun Pusi uchirí̱ Isekiáran Kartía nuṉkanam tura Képar entsa ayamach pujan Uunt Yusa chichame̱ tarimiayi. Kame Uunt Yus nui̱ Ni uwejé̱ awantrusu asamtai nayaim uranmianum Yusan ímiaja̱i̱k wainkiamjai.

Mat. 3:16

Tura Jesus ímia ni nuya̱i̱k entsaya̱ jiinkiai̱ nayaimpⁱ uranmiayi. Tura Yusa Wakaní̱ yámpitsa núnin Jesus táarun wainkiamiayi. Tura Jesusai̱ ekemsamiayi.

Mar. 1:10

Nuiṉ Jesus entsaya̱ jíiniuk nayaimp uranniun wainkiamiayi. Tura Yusa Wakaní̱n yámpitsa núnin najanar Nin táarun wainkiamiayi.

Ruk. 3:21

Nu túruntsa̱i̱ṉ Juaṉsha ashí nú nuṉkanmaya̱ aentsun imiak pujurainai̱ Jesussha imiantmiayi. Nisha Yusan áujuk pujái̱ nayaimpisha uranmiayi.

Juaṉ 16:13

Yusa Wakaní̱ ashí nekas tiniu asa ashí nekasa nuna unuitiamprattarme. Ni enentáimmiaja̱i̱ tíchattawai antsu winia Aparuí̱ antukma nuna ujatmáktatui. Ukunam átatna nunasha ujatmáktatui.

Tur. 10:11

nayaimp uranmianum waṉkaram tarachia ánin tura nuna tsakari̱n jiṉkiakman táarun wainkiamiayi.

Tur. 7:56

Tumá wainiak Israer shuaran chicharuk “Nuá iiskua, nayaimp uranniun wainjiai. Tura Jesusan, Aents Ajasu tutaiya nuna Yusa untsuurí̱ni̱ni̱ wajan wainjiai” tímiayi.

Apu. 1:10

Tumai̱ Uunt Jesusa tsawantri̱ Yusa Wakaní̱ pujurtakui winia úkurui̱ni̱ kakantar untsumman antukmajai. Kachu umpuamua núnis ti kakarmauyi.

Apu. 1:12

Túrutkui yaki túruta tusan apajá̱san iikman siati shirikip ikiutai̱n kuriji̱a̱i̱ najanamun wainkiamjai.

Apu. 1:19

Tuma asamtai wainkiamna ju̱sha, yamái wáinmena nusha tura ukunam átatna nusha aartá.

Apu. 11:12

Nuyá̱ nu nantakiaru nayaimpinmaya̱ kakaram untsumman antukarmai “Ju̱i̱ yakí̱ wakatarum” untsummiai. Tutai ashí ni nemasri̱ iimiainiai̱ṉ yuraṉkim amuam nayaimpiniam wákarmai.

Apu. 11:19

Tuíniakui Yusa Uunt Je̱e̱ nayaimpiniam ana nu uranmiatai wakenmaani̱ Yus Aentsja̱i̱ Chícham Najanamu Eṉketai̱ paant amai. Túrunamtai peemsha, ipiamtasha, cháarpisha, u̱u̱sha armai tura michasha tí kakekamai.

Apu. 16:17

Nuyá̱ suntar siatia nu nasenam ukarmai. Túramtai nayaimpinmaya̱ Yusa Uunt Je̱e̱nia̱ ti kakaram chicham Yus akupin pujutái̱nmaya̱ chichaak “Mash uminkiai” timiai.

Apu. 19:11

Nuyá̱ nayaimp uranniun wainkiamjai. Nui̱ kawái puju wantinkiamai. Nu kawainium ekema nuna naari̱ Tí Peṉker Umin tutaiyi. Núnisaṉ Ti Nekas Túrin tutaiyi. Tí peṉker Akupin asa aya nekas péṉker túrak mesetan najanaiti.

Apu. 22:6

Nuyá̱ suntar chichartak “Ju̱ Chicham ti nekas asa nekas enentáimtusminiaiti. Uunt Yus yaunchu níniun etserniun ni chichame̱n enentáimtikramia núnisaṉ yamaikia ni suntari̱n akuptuk wárik túrunatta nuna ashí ni shuari̱n ujakuiti” turutmiai.