Apu. 3:3 - Yus Papí: Shuarja̱i̱ Yus Yamaram Chicham Najanamu

³ Yus Chicham ti shiir enentáiji̱a̱i̱ emka antukmam nu ataksha enentáimpram emetata. Tura tunaarumsha enentáimpram iniaisata. Tura iniaiyachkumni̱ṉkia kasa núnisnak nékatsmin jeartiatjame.

Apu. 3:3 Iomraidhean Croise

Isk. 36:31

Nui̱ṉkia yajauch jintianmaani̱ wekaamu tura atumí túrutairi̱ péṉkercha nusha enentáimturtatrume. Túrarum atumí tunaarí̱ tura mui̱jmiai̱ túrutai̱ armia nu atumek muí̱jkiattarme.

Mat. 25:13

Jesus nuna áujmatas umik chichaak “Aents Ajasuitjiai tura tátin tsawantrusha tura úruk ai̱ṉ tátaj nusha nékatsrume. Tuma asarum tuke iwiarnarum pujustarum” tímiayi.

Mar. 13:33

Atumsha anearum enentáimprarum Yus áujsarum pujustarum, tsawant nékachu asarum.

Mar. 13:36

Nérentin aya aneachmak taa kanúu tepái̱ waitki̱a̱i̱ tusarum aneartarum.

1 Tis. 5:2

Ni tátintri̱ jú̱nis átin nékarme. Kiritniunam kasá shuar kasamkataj tusa tátatna nu nekaachminiaiti. Núnisaṉ nákatsuk pujuiniai̱ Uunt Kristu tsawantri̱ jeattawai.

1 Tim. 6:20

Timiutéu, ashí ame túratniua nu tuke enentáimturta. Jú̱ nuṉkanmaya̱ ántar chichainia nu anturkaip. Tura wáitruiniak “wi imiá nékajai” tuinia nusha anturkaip.

2 Tim. 1:13

Shiir chichaman jintintiamajmena nuke emetata. Jesukrístuja̱i̱ tsaniṉkiu asar Yus nekas enentáimtaji tura nuja̱i̱ aneṉkratniuitji. Tuke núnismek túrata.

Isr. 2:1

Nuikia Kristu ti uunt asamtai ashí Niniu antukajnia nuja̱i̱ kanakchatin ti enentáimtustiniaitji.

2 Pit. 1:13

Nekaatarum. Wi ju̱ aya̱shin ikiuktinian jeatéma nuna ii Uuntri̱ Jesukrístu ujatkayi. Tuma asamtai ju̱ aya̱shnium pujái̱ atumín tuke enentáimpratarum tusan jintintratniuitjiarme, tu enentáimsajai.

2 Pit. 3:1

Aneamu yatsurtiram ju̱ papin jimiará áatjarme. Mái̱ papinium winia jintintiámurja̱i̱ atumí chamir enentái̱n enentáimtikratjarum tusan wakerajrume.

2 Pit. 3:10

Túrasha Uunta tsawantri̱ aya aneachma jeattawai. Kasa aya aneachma kiritniunam taana núnisaṉ tátatui. Nu tsawantin nayaimpisha ipiamta núnis charáa timiatai meṉkakattawai. Tura nui̱ ashí írunna núurtiuk esaawartatui. Tura nuṉkasha tura ashí írunna nusha esaawartatui.

Apu. 16:15

(Yamái Kristu “Aneara pujustarum, tawai. Nékachmanum kasa núnisnak jeattajai. Kánutsuk tuke iwiarnar pujak ni entsatái̱ri̱n péṉker wainia nú shuar ti shiir átatui. Misuchu asa natsa̱a̱rchattawai” tawai.)

Apu. 2:25

Tura Wi jeatsa̱i̱ṉ takakrum nu emetatarum.

Apu. 2:5

Tuma asam ikiuknium nu enentáimpram yaunchu túriniuyam núnismek ataksha túrata. Túrachakminkia ame shiripkirmin wari jurustatjame.

Apu. 22:7

“Tí warik winittiajai” tawai Murikkia. Shuar ju̱ papinium Yusa Chichame̱ áarman umirna nuka shiir warasminiaiti.

Apu. 3:11

Wárik winittiajai. Takakmena nu emetata. Akinkiatniuitmena nuna chíkich shuar atantramkiara̱i̱ṉ.

Apu. 3:19

Aneajna nuna chichareajai. Nu asamtai kakaram ajasam tunaarum enentáimpram iniaisata.

Apu. 3:2

Shintiarta. Kaji̱nia nu umpuim ekemákta. Kame Yusja̱i̱ iisam péṉker túrichuitme.