Apu. 3:21 - Yus Papí: Shuarja̱i̱ Yus Yamaram Chicham Najanamu

²¹ Nupetmakuka akupin pujutai̱nium Wiji̱a̱i̱ pujustatui. Wisha núnisnak nupetmaku asan winia Aparja̱i̱ akupin pujutai̱nium pujusuitjiai.

Apu. 3:21 Iomraidhean Croise

Mat. 19:28

Jesus chichaak “Nekasan tájame, ukunmaṉka ju̱ nuṉka yamaram ajastatui. Aents Ajasu asan Wisha nui̱ úunt akupin ajastatjai tura atumsha winia nemartusutirmeka Wiji̱a̱i̱ métek akupin ajastatrume ashí Israer shuar akupkatin.

Mat. 25:21

Takui̱ ni uuntri̱ chichaak ‘Ti péṉker takakmawitme. Nekas uminiaitme. Ishichkiji̱a̱i̱sha ti péṉker takakma asakmin tí nukap yamaikia amastatjai. Winí̱ waya̱m wiji̱a̱i̱ ti shiir warasta’ timiai.

Mat. 28:18

Nuyá̱ Jesus tíjiu̱ch tantá chichaak “Ashí nayaimpinmasha nuṉkasha akupkatniun kakarman surusuiti.

Ruk. 22:30

Tura akupin pujutai̱nium pujusrum Israer shuar tuse írutkamu akupkáttarme tajai.” Tú timiayi.

Juaṉ 13:32

Wi Yusa kakarmari̱n paant awajeakui Wisha ni Uchirí̱ asamtai winia kakarmarnasha Yuska wárik paant awajsattawai.

Juaṉ 16:33

Winia enentáimturkuram aṉkant shiir pujusuk tusan tájarme. Jú̱ nuṉkanam ti wáitsattarme. Tura Wi jú̱ nuṉkanmaya̱n nupetka asamtai warastarum” tímiayi Jesus.

2 Tim. 2:12

Wáitiakrisha Niji̱a̱i̱ akupkáttaji. Natsantakrinkia Nisha natsantramprattaji.

Apu. 1:6

Túrutma akupin awajtámsaitji. Tura ni Aparí̱ Yúsnan pujursarat tusa anaitiamkaitji. Ni ti kakaram asa tuke shiir awajnásti. Núnisaṉ atí.

Apu. 12:11

íksaṉ ii yachi̱ nupetmakarai. Yus susamu murikiu numpe̱ya áinis Jesukrístu numpe̱ja̱i̱ nupetmakarai. Nisha jákatniuitkiusha surimiatsuk nekas chichaman páchitsuk etserkarmai. Núja̱i̱sha iwianchi úuntri̱n nupetkarmai.

Apu. 17:14

Murikji̱a̱i̱sha mesetan najanawartatui. Túrasha Murik nupetkartatui. Nisha uuntja̱i̱ naṉkaamas Uunt asa tura núnisaṉ akupniúja̱i̱ naṉkaamas Akupin asa nupetmaktatui. Tura Niji̱a̱i̱ írutraa nu, Yus Winia atí tusa achikma ásar tura Nin tuke umirin ásar Niji̱a̱i̱ nupetmakartatui.”

Apu. 2:7

Kuíshtinia nu shuar Yusa Wakaní̱ ashí Yus shuaran timian antukti. Nupetmakunka tuke iwiaaku pujutai̱ numi nere̱n yúatniun tsaṉkatkattajai. Nu numi Yus pujana nui̱ wajaawai.’ Tu aartá” turutmiai.

Apu. 20:4

Nuyá̱ akupin pujutai̱nium pujuinian wainkiamjai. Tura shuara túramuri̱n íirsarat tusa kakaram sunasarmai. Tura núnisaṉ muuke̱ tsupirka maamu wakaní̱ncha wainkiamjai. Nusha Yusa Chichame̱n etserainiak tura Kristu Chichame̱ncha etserin ásar maamu armai. Nisha Entsaya̱ Yajasmancha ni nakumkamuri̱ncha tikishmátracharu armai. Núnisaṉ náari̱ncha nijia̱i̱niumsha tura uwejnumsha anujmamprakcharu armai. Nu shuar ataksha nantakiar emka nantaktin tsawantnum pachinkiarmai. Túmainiak Krístuja̱i̱ métek mir uwí akupeamun wainkiamjai. Antsu chíkich jákaruka mir uwí naṉkamatsa̱i̱ṉ nantakcharmai.

Apu. 20:6

Antsu emka nantaktin tsawantnum pachinkiarua nú shuar tí peṉker áimiak ti shiir warasmin áiniawai. Nu shuarka jimiará jákatniunam pachintsuk Yusna tuke takarin tura núnisaṉ Krístunu tuke takarin ártatui. Tura Krístuja̱i̱ métek mir uwí akupkartatui.

Apu. 5:10

Túram akupin awajkartusuitme tura núnisaṉ ii Yusri̱niun pujurin awajkartusuitme. Tuma asakmin akupin ajasár ju̱ nuṉkanam akupkáttaji.” Tu kantamáiniawai.

Apu. 6:2

Takui̱ kawái pújun wainkiamjai. Nui̱ ekemia nu tíshimkiun takakuyi. Awakmakmatai sútai̱sha susamuyi. Tura tuke nupetmaktinian jiinkimiai.Tan. 9:26; Sak. 1:8; 6:3

Apu. 7:17

Muriksha akupin pujutai̱nium naka wajana au, ni murikrí̱nkia péṉker wáiniuk áyureak tí peṉker púkuni entsa waana nuí̱ apujsartatui. Tura Yus ni nea̱jkirtincha ukuitiurartatui” turutmiai.