Apu. 3:12 - Yus Papí: Shuarja̱i̱ Yus Yamaram Chicham Najanamu

¹² Nupetmakunka winia Yusru je̱e̱ pauri̱n awajsattajai. Tura nuyá̱ peṉké jíinkichartatui. Tura nin winia Yusru náari̱n áatrattajai. Tura winia Yusru pépruri̱ náari̱ncha áatrattajai. Nu pépruka nayaimpinmaya̱ yamaram Jerusaréṉka Yusai̱ya̱ tara núiti. Núnisaṉ winia yamaram náarun nin áatrattajai.

Apu. 3:12 Iomraidhean Croise

1 Akup. 7:21

Jiramka paun najantkamia núnaka Yusa Je̱e̱n wá̱i̱ti̱a̱i̱niam awajainiarmiayi. Tura paun untsuurnumaani̱ awajai núnaka Jakin anaikiamiayi. Antsu menanmaani̱ awaja̱i̱ṉkia núnaka Puas anaikiarmiayi.

YKan. 46:4

Ashí Naṉkamantu Uunt Yus pujana nú péprunam entsa waana nu shiir enentáimtikiainiawai.

YKan. 48:8

Ashí Akupin Uunt Yus ii Yusri̱ pépruri̱nkia antukuitjinia nuka tímiatrusrik wáinkiaitji. Tura Yussha tuke péṉker wainkiattawai. (Séraj)

YKan. 87:3

Yusa pépruri̱ya̱ ti shiir páantin írunna nuna Áminiun áujmatnawai. (Séraj)

Isa. 65:15

Antsu Ashí Akupin Uunt Yus atumniaka amutmaktatrume. Wi achikma ainia nu yajauchiji̱a̱i̱ yumiṉkrar atumí náari̱ṉkia asakárartatui antsu Yus Ní shuari̱ náari̱nkia yapajtiuáwartatui.

Jrm. 1:18

Warí Jutanmaya̱ shuar nuyá̱ ni uuntri̱ tura ni yusri̱ takarniúri̱sha núnisaṉ ashí nuṉkanmaya̱ pepru ainia nu iismasha pepru wenuke̱ iwiartukar eṉkear utúachmin awajsamua núnin tura namincha jiruja̱i̱ pau najanamua ánin núnisnak náṉkamas aents waya̱wara̱i̱ṉ tusar wénuk yaṉkú jiruja̱i̱ najanamua núnin Wi áminkia awajsaitjiame.

Isk. 48:35

Tura ashí pepru téntakar nekapmarmaka nuiwi mir mitru átatui. Nu tsawanta nuya̱ṉka nu pepru náari̱ṉkia UUNT YUS NUI̱ PUJAWAI tunattawai” timiai Yus.

Mar. 12:16

Tutai kuítian itiariármiayi. Jesus nuna iis chicharainiak “¿Ju̱i̱sha yana yapi̱ tura yana naari̱ áarmait?” tímiayi. Tutai “Uunt Sésarna” tiármiayi.

Kar. 2:9

Tuma asamtai Sántiaksha, Pítrusha, Juaṉsha, Yus akatrámu uuntri̱ ásar Yus winia ti paant akuptan nekaawar winiasha Pirnapíncha, “Ayu, átum, Israer shuarchanum Yus Chicham etserkatarum. Iisha Israer shuarnum Yus Chicham etserkattaji” tiarmai. Túrawarmatai shiir áujnaisar métek enentáimtunaiyaji tusarⁱ ii uwejé̱ja̱i̱ achirnáikiamji.

Ipi. 3:15

Ashí nayaimpinmasha tura nuṉkasha Yus shuar ájinia nu nekas ni shuari̱ áiniaji.

Isr. 12:22

Antsu atumji̱a̱i̱ṉkia Yusna enentáimtustin nuja̱i̱ naṉkaamas péṉkeraiti. Átumka nayaimpinmaya̱ Seun nainnium Jerusaréṉ iwiaaku Yus pujutai̱ péprun nakumeana nui̱ jeeaitrume. Nui̱sha ti untsurí nayaimpinmaya̱ suntarsha

Isr. 13:14

Kame ju̱ nuṉkanam amukachmin pepru atsawai. Antsu ukunam ti shiir pepru átatna nu nákaji.

1 Jṉ. 4:4

Uchiru, átumka Yusna asarum Yus atumí enentái̱n pujawai. Tura ju̱ nuṉkanmaya̱ shuara enentái̱n íwianch pujawai. Atumíin pujana nuka niji̱a̱i̱ naṉkaamas kakaram asamtai wáitrin ainia nu nupetkaitrume.

Apu. 14:1

Nuyá̱ Murikiun Seun nainnium wajan wainkiamjai. Níji̱a̱i̱sha siantu kuaraintikuátru mir shuar wajaarmai. Nusha nijiái̱ Murikiu náari̱ncha tura ni Aparí̱ náari̱ncha anujtúkma aarmai.

Apu. 17:14

Murikji̱a̱i̱sha mesetan najanawartatui. Túrasha Murik nupetkartatui. Nisha uuntja̱i̱ naṉkaamas Uunt asa tura núnisaṉ akupniúja̱i̱ naṉkaamas Akupin asa nupetmaktatui. Tura Niji̱a̱i̱ írutraa nu, Yus Winia atí tusa achikma ásar tura Nin tuke umirin ásar Niji̱a̱i̱ nupetmakartatui.”

Apu. 2:11

Kuíshtinia nu shuar Yusa Wakaní̱ ashí Yus shuaran timian antukti. Nupetmakuka jimiará jákatniuka wáitsashtatui.’ Tu aartá” turutmiai.

Apu. 2:17

Kuíshtinia nu shuar Yusa Wakaní̱ ashí Yus shuaran timian antukti. Nupetmakunka maná yurumkan u̱kma nuna ayurattajai. Nuyá̱ kaya pújun susattajai. Nu kayanam yamaram naari̱ aarma átatui. Nunasha chíkich shuarka peṉké nékatsa̱i̱ṉ aya achía nuke nekaattawai.’ Tu aartá” turutmiai.

Apu. 2:7

Kuíshtinia nu shuar Yusa Wakaní̱ ashí Yus shuaran timian antukti. Nupetmakunka tuke iwiaaku pujutai̱ numi nere̱n yúatniun tsaṉkatkattajai. Nu numi Yus pujana nui̱ wajaawai.’ Tu aartá” turutmiai.

Apu. 21:2

Wi Juaṉ, ti shiir péprun Yusai̱ya̱ yamaram Jerusaréṉkan nayaimpinmaya̱ táarun wainkiamjai. Anajmarma ni áishri̱n iṉkiuṉtaj tusa ti shiir iwiarmampra áintsaṉ tí peṉker iwiaramuyi.

Apu. 3:5

Nupetmakuka pushí pújun entsartatui. Tura iwiaaku átinia nu papiniumia̱ ni naari̱ áarman japirashtatjai. Antsu winia Apar tura ashí nayaimpinmaya̱ suntar íimmianum shiir áujmattsattajai.