Apu. 22:2 - Yus Papí: Shuarja̱i̱ Yus Yamaram Chicham Najanamu

² Pepru jinti̱ncha tura entsá mái̱ paen tuke iwiaaku pujutai̱ numi wajamai. Nusha ashí tuse nantutin neremai. Ni nuke̱sha ashí nuṉkanmaya̱ shuar tsuámatainti.

Apu. 22:2 Iomraidhean Croise

Naṉ. 2:9

Tura ashí numi shiir íi ajamainian tura yú ajamainniasha Uunt Yus tsapamtikiamiayi. Nu ajanam ajapén tuke iwiaaku pujutai̱ numincha tura chíkichkia péṉkersha tura yajauchisha nekatai̱ numincha awajsámiayi.

YKan. 147:3

tura enentáinium jaa ainia nunasha tsuáwiti tura akaṉmári̱ncha jaanchji̱a̱i̱ pénuiniaiti.

Neka. 3:18

Nekatai̱ṉkia iwiaaku pujutai̱ numi nere̱a núnisaiti. Nu tuke yúakrum warastatrume.

Isa. 6:10

Tura ju̱ aentsu enentáimtairi̱sha ikiatsuátrarta. Tura antukara̱i̱ṉ tusam empemtikiarta. Núnisaṉ íimsara̱i̱ṉ tusam ji̱sha ukusturarta enentáimsar nekarawar Winí̱ táarmatai tsuarara̱i̱j” turutmiayi. Mat. 13:14-15; Jṉ. 12:40; Tur. 28:26-27

Jrm. 17:14

Uunt Yusru uwemtikrurta túrutawakmin uwemprattajai. Warí Ámeka wi shiir awajtaintme. Kame aents chichartuiniak “¿Uunt Yusa chichame̱sha tui̱ aa?” ¿Urukamtai uminiatsu? turutainiawai. Túrasha ashamtikrukaip, Ámeka wi ú̱mtaintme. Antsu niṉkia yajauch tsawant itiariarta.

Isk. 47:1

Nuiṉkia Yusa Uunt Je̱e̱ wá̱i̱ti̱a̱i̱ri̱n awaṉtukmiai. Nui̱ Yusa Uunt Je̱e̱ á̱a̱ri̱ṉkia etsa̱ tatainmaani̱ aa asamtai Yusa Uunt Je̱e̱n waya̱kur wá̱i̱ti̱a̱i̱ri̱ wakenmari̱ya̱ entsa jiini̱ etsa̱ tatainmaani̱ akaimiai. Kame Yusa Uunt Je̱e̱ nuṉkaani̱ yantam jíiniuk éntsaka Yus áestutai̱ nuṉkaani̱ yantamén naṉkaamamai.

Use. 14:4

Nuyá̱ Uunt Yus jú̱nis tíniuiti. Wi kajerkámiaj núnaka Wikia kajinmátkiniaitjiai. Tuma asan ántichu ainia nunasha tsuártatjai túran ti aneawartatjai.

Sak. 14:8

Nu arantcha Jerusaréṉnumia̱ iwiaaku entsa jíintrartatui. Túruna ajapén chikichik kanaakmari̱ṉkia etsa̱ tatainmaani̱ nayantsanam ayaku átatui. Tura chíkich kanaakmari̱ṉ etsa̱ akatainmaani̱ nayantsanam akaikittiawai. Tura mái̱ entsaka esatái̱sha tura yumitincha ku̱yu̱chu ártatui.

Mks. 4:2

“Antsu Winia naar ashamniutirminkia Nekasa Nuja̱i̱ Métek Túrin-Etsa̱ jiini̱ etsantramprattarme tura nuna nanape̱ja̱i̱ ejatmak uwemtikramprattawai. Túrutmamtaikia waaka uchich unuertaj tusa wenuknum chumpíamu ji̱i̱ram nántea nántea ajainiatsuk. Atumsha núnisrumek túrunattarme.

Ruk. 4:18

Yusa Wakaní̱ winí̱ pujurtawai. Shuar warainiachun shiir chichaman ujaktinian anaitiukuiti. Kúntuts enentáimiar wake mesek pujuinian tsuártinian akuptúkuiti. Achira yaruakma ainia nusha aṉkant awajsaruiti tura ji̱ kusurúncha íimtiktinian tura yajauch awajsamu ainia nuna péṉker awajsatniuncha

1 Pit. 2:24

Kristu imia Niṉki ni aya̱shí̱i̱n ii tunaari̱n entsakí̱ krúsnum jarutramkamiaji. Kame iikia yajauch túrutainmaṉka jákaitji. Túmaitiatar naka péṉkera nuja̱i̱ métek túratniunam iwiaakji. Ántsarik Ni asutniámuja̱i̱ iikia tsuámaruitji.

Apu. 2:7

Kuíshtinia nu shuar Yusa Wakaní̱ ashí Yus shuaran timian antukti. Nupetmakunka tuke iwiaaku pujutai̱ numi nere̱n yúatniun tsaṉkatkattajai. Nu numi Yus pujana nui̱ wajaawai.’ Tu aartá” turutmiai.

Apu. 21:21

Pepru wáitiri̱ tuse ainia nu ti shiir nayantsanmaya̱ shaukja̱i̱ chikichik najanamu armai. Pepru jinti̱sha aya kúrikiyi. Nu kuri tí peṉker sáarauyi.

Apu. 21:24

Nu tsáapniji̱a̱i̱sha ashí nuṉkanmaya̱ shuar wekasartatui. Tura ashí nuṉkanam akupin ainia nusha nui̱ yujainiak ni péṉkeri̱ji̱a̱i̱ nuna shiir awajtuiniawai.

Apu. 22:1

Nuyá̱ suntar tuke iwiaaku pujutai̱ entsan tí saaran iniaktursamai. Nusha úunt akupin pujutái̱nmaya̱ ti saawi jiinmiai. Nu pujutai̱sha Yusna tura Muriknauyi.

Apu. 22:14

Ni pushiri̱ péṉker nijiamatniua núnisaṉ péṉker túrinia nú shuar shiir warasminiaiti. Nu shuar nu pepru wáitiri̱ncha waya̱mniaiti. Túrar tuke iwiaaku pujutai̱ numinmaya̱ yuámniaiti.

Apu. 22:19

Núnisaṉ shuar ju̱i̱ áarman emeneakuiṉkia Yus ni náari̱n iwiaaku pujutai̱ papiniumia̱ japirattawai. Tura ti shiir péprunam waya̱tniun suritkiattawai. Nu péprusha tura nu papisha ju̱i̱ paant ujakma áiniawai.