Apu. 21:8 - Yus Papí: Shuarja̱i̱ Yus Yamaram Chicham Najanamu

⁸ Antsu sápijkia Yusan enentáimtichusha, yajauchin máatrasha, maṉkartincha, tsanirmatan pujurniusha, wawekratniusha, najankamu yusan tikishmátniusha tura ashí wáitrincha ji asupriji̱a̱i̱ keá antumiaṉnum apenáwartatui. Nuka jimiará jákatin tutainti” timiai.

Apu. 21:8 Iomraidhean Croise

Neka. 19:5

Shuar nekas nékachiat chichawa nuka asutniátskeka iniainiáschattui núnisaṉ wáitrincha peṉké uwemprashtatui.

Neka. 19:9

Shuar nékasa nuna nékachiat nekascha chichawa nuka asutniátskeka iniainiáschattui núnisaṉ wáitrinkia jákatniuiti.

Mks. 3:5

Nuya̱ṉka atumíin jean sumamtikiattajrume. Túrakun wawekratniunka núnisaṉ tsanirmancha tura anaṉkartuattsa Yussha irui nekas umiktatjai tiniu ainia nunasha núnisnak takarin áinian nuyá̱ waje̱ncha áitkiasnak mitiaikian waitkia ainia nunasha nu arantcha iraran yajauch awajin ainia nunasha Wíniaka ashamprutsuk nuna túrawaru ásarmatai Wisha nekasaiti tusan wárik makuraran ashí sumamtikiawartatjai” tawai Ashí Akupin Uunt Yus.

Mat. 10:28

Aya aya̱shniak main ainia nu ashamkairap. Wakanin máchmin áiniawai. Antsu wakanmincha aya̱shmíncha mái̱mtek jinium emesramnia asamtai Yus nekas ashamkatarum.

Mat. 25:25

sapijmiakun ame kuítrumniaka nuṉká táutran ú̱kmajai. Pai, ju̱i̱ti ame surukmiam nu’ timiai.

Mat. 8:26

Tuíniakui Jesus chichaak “¿Urukamtai timiá ashamarum Yus enentáimtutskesha?” tinia wajaki̱ nasencha entsancha chicharkamiayi. Túram mash miyaaku ajasmiayi.

Mar. 9:44

jákaru akarí̱sha jáiniatsui tura jisha tuke kapa̱a̱wai.Isa. 66:24

Juaṉ 8:44

Atumí aparí̱ṉkia iwianchi úuntri̱nti. Tura niniu asarum ni wakera nu túrarme. Yámankamtaiksha iwianchi úuntri̱ṉkia tuke maṉkartiniaiti. Nekas ana nunasha nakitiawai tuke wáitrin asa. Wáitraksha níniunak chichaawai. Iis, waitia uuntri̱ asa tuke wáitriniaiti.

2 Tis. 2:9

Nu Tuke Tunaarintin, iwianchi uuntri̱ Satanás akupkam tátatui. Ni kakarmari̱ iniakmastaj tusa aentsti túrachminian túrak anaṉkawartatui.

1 Tim. 4:2

Yajauch aentsun anturkartatui. Nu aents ni enentái̱ narúa áinin ásar ni tunáa túramun peṉké enentáimtichu áiniawai. Tuma asa shiir chichainiayataṉ wáitrin áiniawai.

Tit. 1:16

Tura nisha “Yus shuaraitjiai” tuíniayataṉ Yusan umirtsuk niisháa túruiniawai. Tuma ásar nisha mui̱jmiai̱ áiniawai. Umichu ásar péṉkeran túratniun peṉké tujintiainiawai.

Isr. 12:24

Nui̱sha Yamaram Chichaman iin chichamprútmajnia nu, Jesus pujawai. Ni numpe̱ ukatramuja̱i̱ Apira numpe̱ja̱i̱ naṉkaamas péṉkeraiti. Kame Apir ántar maamu asamtai yapajmiátrukta títinia áintsaṉ enentáimtaji. Antsu Jesus yajauch shuaran péṉker awajsartaj tusa jakamiayi.

Isr. 13:4

Nuatnaikiatin péṉkeraiti. Shuar ni nuwe̱ja̱i̱ tsaniṉ pujustin péṉkeraiti. Tura nuatkamu ainia nusha chikichan e̱a̱kchatniuiti. Tsanirmana núnaka Yus asutiáttawai.

1 Jṉ. 2:22

Wáitrin ju̱i̱ti. Jesusan “Yus anaikiamunka Krístuchuiti” tana núiti. Núiti nekas Kristu nemasri̱. Yus Apancha ni Uchirí̱ncha nakitia asa Kristu nemasri̱nti.

1 Jṉ. 3:15

Shuar Yus shuaran nakitiakka maṉkartinia núnisaiti. Tura maṉkartinkia tuke amuicha iwiaakmanum pujuiniatsui. Nuka nékaji.

1 Jṉ. 5:10

Yusa Uchirí̱n enentáimtana nú shuar ni enentái̱ncha nékawai. Antsu Yus ni Uchirí̱n timian enentáimtatsna nú shuar Yusan enentáimtachu asa Yusan “wáitriniaiti” tawai.

Apu. 14:10

Yus nin kajerak ti asutiáttawai. Yapá pachimprachman áartinia áintsaṉ ti kajerkattawai. Túramtai asupri ti tsue̱r keá nuja̱i̱ jinium wáitsartatui. Yusa suntari̱ tura Murik íimmianum apenáwar jinium wáitsartatui.

Apu. 19:20

Tura nu mesetnum Yajasmasha tura Kukaria̱ Yajasmasha, peṉké ántar yúsnan etserniua nu, mái̱ achintkiarmai. Nuikkia Entsaya̱ Yajasma ni kakarmari̱n súam nu Kukaria̱ Yajasmaka aents tujintiamun tí turak shuaran anaṉkawarmai. Túramtai nu aents Entsaya̱ Yajasma náari̱n apujmamsar ni nakumkamuri̱n shiir awajsarmai. Tuma asamtai Entsaya̱ Yajasmancha tura Kukaria̱ Yajasmancha íwiaakuk asupriji̱a̱i̱ ti keá nu ji antumiaṉnum apeáwarmai.

Apu. 2:11

Kuíshtinia nu shuar Yusa Wakaní̱ ashí Yus shuaran timian antukti. Nupetmakuka jimiará jákatniuka wáitsashtatui.’ Tu aartá” turutmiai.

Apu. 2:2

‘Ashí ame túram nuna nékajai. Ti kakaram takaakum katsunteamuncha nékajai. Yajauch shuar nawamtsuk awemaitrume. Shuar “Yus akatrámuitjiai” ántar tuinia nu nekaamarme. Wáitrinia nusha nékaitme.

Apu. 21:27

Antsu yajauchikia peṉké waya̱shtatui. Mui̱jmiainian túrincha tura wáitrincha peṉké waya̱chartatui. Antsu áyatik shuar tuke iwiaaku pujutai̱ papinium naari̱ aarma ainia nuke waya̱wartatui. Nu papincha Murik takakui.

Apu. 22:15

Tura antsu Yusan enentáimtachuka, wawekratniuka, tsanirmatan pujurainia nuka, maṉkartinkia, najankamu yusan tikishmátniuka tura ashí shuar wáitian wararainiak tuke túrin ainia nuka a̱a̱ matsatainiak peṉké waya̱chmin áiniawai.

Apu. 9:17

Tura ímiaja̱i̱k suntarnasha kawaincha jú̱nisan wainkiamjai. Eketáiniaka netsepnum jirun entsaru armai. Nusha kapa̱a̱ku wiṉkia tura yaṉkú armai. Tura kawaisha úunt ya̱wa̱a muuke̱ áinin armai. Tura ni wene̱ya̱sha jisha, mukuintiusha, asuprisha ti tsue̱r keá jíiniarmai.

Apu. 9:21

Núnisaṉ maṉkartuatniuncha, wawekratatniuncha, tsanirmatniuncha tura kasamkatniuncha iniaisacharmai.

Suma. 7:3

Tuma asamtai yamaikia ámiji̱a̱i̱ pujuinia nu chicharainiakum ‘Ya mesetnum wétinian sapijmiainiak kurainia nuka waketkitiarum’ tiartá” tímiayi. Yus takui̱ Jeteun ímiatrusaṉ nekapes íismiayi. Nui̱ paintitús mir aents waketainiakui aya tias mírchik juákarmiayi.