Apu. 21:7 - Yus Papí: Shuarja̱i̱ Yus Yamaram Chicham Najanamu

⁷ Nupetmakunka ashí yamarma ju̱na mash susattajai. Wisha ni Yusri̱ átatjai. Núnisaṉ nisha winia uchir átatui.

Apu. 21:7 Iomraidhean Croise

Naṉ. 17:8

Amincha tura amiiya̱ ukunam akiiniawartatna nunasha Kanaan nuṉkan yamái pujamna ju̱na tuke atumnia atí tusan ashí susattajme. Tura Wikia ame Yúsrum tuke átatjai” tímiayi.

2 Sam. 7:14

Wi, ni Aparí̱ átatjai tura nisha Winia uchir átatui. Tura yajauchin túrakuiṉkia aentsun útsutkan asutmamtikiattajai.

YKan. 89:26

Tura nisha chichartak ‘Ámeka winia aparuitme tura winia Yúsruitme. Winia ayamprutkam uwemtikriniaitme’ turuttiatui.

Neka. 3:35

Neka ainia nuka paant awajsamu áiniawai tura nétseka natsanmai̱ iisma áiniawai.

Isa. 65:9

Jakupa shuari̱nkia untsurí awajsartatjai tura Jutá shuarnumia̱ winia náintrun nérentin ajastinniaka jí̱i̱ktiatjai. Tura Wi anaikiamu ainia nu nuṉkanka nérentin ajasártatui. Nuyá̱ Winia takartin ainia nusha nui̱ matsamsartatui.

Sak. 8:8

Túran Jerusaréṉnum ikiankan matsasártatjai. Niṉkia Wi shuar ártatui tura Wikia ni Yusri̱ asan nekas tájana nuna umikian niji̱a̱i̱ péṉker túrin tuke átatjai.’

Mat. 19:29

Tura shuar ni je̱e̱ncha, yachi̱ncha, umai̱ncha, aparí̱ncha, nukurí̱ncha, nua̱ri̱ncha, uchirí̱ncha tura nuṉke̱ncha Winia anentu asa ikiukí̱ wekaakka nu shuar ni ikiukmia núnisaṉ yamaisha ti untsurí wainkiattawai tura ukunmasha tuke Yusja̱i̱ shiir pujustatui.

Mat. 25:21

Takui̱ ni uuntri̱ chichaak ‘Ti péṉker takakmawitme. Nekas uminiaitme. Ishichkiji̱a̱i̱sha ti péṉker takakma asakmin tí nukap yamaikia amastatjai. Winí̱ waya̱m wiji̱a̱i̱ ti shiir warasta’ timiai.

Mat. 25:34

Túran nekas Úunt Akupin untsuurí̱ni̱ wajainian títiatui ‘Atumniaka winia Apar shiir awajtámsaitrume. Wi akupeajna nui̱ winitiárum. Yus nuṉkan najanamia tímianaik átum nui̱ warastinian tsaṉkatramkamiarme.

Mar. 10:17

Ukunam Jesus nuyá̱ weai̱ shuar tseke Nin tarimiayi. Tarí tikishmátar chicharuk “Uuntá, Amesha tí peṉkeraitme. Tuma asam turuttia ¿warinia túrakna tuke iwiaaku átataj?” tímiayi.

Rum. 8:14

Ashí shuar Yusa Wakaní̱ timiaja̱i̱ métek wekainia nu, nu shuar nekas Yusa uchirí̱nti.

Rum. 8:19

Tsawant jeamtai Yus ashí ni shuari̱n Niji̱a̱i̱ métek ti shiir awajsártatui. Nuiṉ nekas Yusa uchirí̱ ainia nu ti paant nekanattawai. Nu tsawantan wáinkiatniun ashí Yus najanamu írunna nu ti nákainiawai.

2 Kur. 6:16

¿Iwiaaku Yusa je̱e̱ncha ántar yus pujustinkiait? Tura atumsha iwiaaku Yusa jé̱e̱ntrume. Yus Niṉki ni Papiri̱i̱n ju̱na tíchamka “Niji̱a̱i̱ tsaniṉkia pujusan niji̱a̱i̱ wekasartatjai tura ni Yusri̱ átatjai tura nisha Wí aents ajasártatui.” Riw. 26:12

2 Kur. 6:18

Tura atumí Aparí̱ átatjai, átumka winia uchir átatrume. Nuna Wi imiá kakaram uunt Yus asan tajai. Tu áarmaiti.2 Sam. 7:14; Jrm. 31:1,9

Isr. 8:10

Tura nu arantcha tawai, Tsawant jeamtai Israer shuarja̱i̱ yamaram chichaman najanattaj nuka jú̱nis átatui. Wi akupeajna nuna enentái̱n paant enentáimtikrartatjai. Nuyá̱ ni Yusri̱ ártatjai tura nisha Wí shuar ártatui.

1 Pit. 3:9

Yajauch turamainiakuisha “yapajkiataj” tiirap. Katsekramainiakuisha “íkkiataj” tiirap. Antsu “Yus winia shiir awajtúsuiti” tu enentáimsarum yajauch turamainiana nu péṉker awajsatarum.

Apu. 2:11

Kuíshtinia nu shuar Yusa Wakaní̱ ashí Yus shuaran timian antukti. Nupetmakuka jimiará jákatniuka wáitsashtatui.’ Tu aartá” turutmiai.

Apu. 2:17

Kuíshtinia nu shuar Yusa Wakaní̱ ashí Yus shuaran timian antukti. Nupetmakunka maná yurumkan u̱kma nuna ayurattajai. Nuyá̱ kaya pújun susattajai. Nu kayanam yamaram naari̱ aarma átatui. Nunasha chíkich shuarka peṉké nékatsa̱i̱ṉ aya achía nuke nekaattawai.’ Tu aartá” turutmiai.

Apu. 2:25

Tura Wi jeatsa̱i̱ṉ takakrum nu emetatarum.

Apu. 2:7

Kuíshtinia nu shuar Yusa Wakaní̱ ashí Yus shuaran timian antukti. Nupetmakunka tuke iwiaaku pujutai̱ numi nere̱n yúatniun tsaṉkatkattajai. Nu numi Yus pujana nui̱ wajaawai.’ Tu aartá” turutmiai.

Apu. 21:3

Nayaimpinmaya̱ ti kakantar chichaamun antukmajai. “Iisiá, Yus yamaikia aentsja̱i̱ pujawai. Tuke niji̱a̱i̱ pujakui ashí ni shuari̱ ártatui. Tura niji̱a̱i̱ tuke pujak nekas tuke ni Yusri̱ átatui.