Apu. 21:6 - Yus Papí: Shuarja̱i̱ Yus Yamaram Chicham Najanamu

⁶ Ataksha chichartak “Yamaikia mash uminkiayi. Witjiai ashí juármari̱ tura amúamuri̱sha. Kame A rétranmaya̱ Y rétranam ashí retra áintsaṉketjai. Ashí kitiama núnaka tuke iwiaaku pujutai̱ entsan peṉké kuítchaja̱i̱ áartatjai.

Apu. 21:6 Iomraidhean Croise

YKan. 36:9

Núnisaṉ tuke pujustin sukartinmeka Ameketme. Tuma asam ame tsáapnintrumsha ii enentái̱n tsáapniawai. Jṉ. 4:14

Isa. 12:3

Warasrum uwemtikkiartin púkuninmaya̱ entsa jusattarme.

Jrm. 2:13

Warí Winia shuaruka jimiará yajauchin túrawaruiti. Wikia iwiaaku entsa saar púkunitjiana Jṉ. 4:10 núnaka iniaitiusar niṉki entsa pajamtai chiṉkiara asa entsasha pajamchan najatmakaruiti” tawai Uunt Yus.

Use. 14:4

Nuyá̱ Uunt Yus jú̱nis tíniuiti. Wi kajerkámiaj núnaka Wikia kajinmátkiniaitjiai. Tuma asan ántichu ainia nunasha tsuártatjai túran ti aneawartatjai.

Juir 3:18

Tura nu tsawantinkia nú nuṉka náintri̱sha pakari̱sha tí peṉker asamtai araksha tí peṉker tsapainiakui yurumkanka peṉké atsumachartatui. Tura Jutanmaṉka ashí entsa núkap wártatui. Núnisaṉ Uunt Yusa Je̱e̱ya̱ púkuni entsa jíntiatna nuka Setim nuṉka pakari̱n ukattiatui.

Juaṉ 4:10

Tutai Jesus chichaak “Yus súamu nékakmeka tura entsan seatmana nusha nékakmeka nekaska ame seawaintme tura Niṉkia iwiaaku entsan amasainti.”

Juaṉ 4:11

Tutai nuwa̱sha chicharuk “Uuntá, entsasha ¿wariji̱a̱i̱ṉ shikiktam warí entsasha tí initchakait? ¿Tuyá̱ iwiaaku entsasha takakam?

Juaṉ 4:14

Antsu Wi súajna nú entsan umarka atakka peṉké kitiamchattawai. Antsu nu entsaka ni enentái̱n púkuni̱ya̱ ántsaṉ tuke pajamtitiawai tura nuja̱i̱ tuke iwiaaku pujustatui.”

Rum. 3:24

Tuma ai̱ṉ Yuska iin Jesukrístuja̱i̱ uwemtikramar waitnentrampra asa ii akikmakchamuja̱i̱ “tunaarincha awajsámuitme” túramji.

Rum. 8:32

Ni Uchirí̱ncha suritramkachmiaji antsu ashí iin jarutramkarat tusa akuptúrmakmiaji. Tura asa ni Uchirí̱ji̱a̱i̱ ashí ti shiira nuna suramsashtatjik.

1 Kur. 2:12

Ju̱ nuṉkanmaya̱ aents enentáimiainia nuja̱i̱ Yusna nekaachminiaiti. Antsu Yusa Wakaní̱n iin súramaj nuja̱i̱ Yus shiir tsaṉkatramajnia nu nekaamniaitji.

1 Kur. 3:12

Tura je̱a̱ je̱a̱mainiak ni wakerak péṉkera nuja̱i̱ je̱a̱miniaiti. Kame ni péṉker je̱a̱mtinian wakerakka kuriji̱a̱i̱sha, kuítji̱a̱i̱sha, shíirmach kayaja̱i̱sha je̱a̱miniaiti. Chíkich je̱a̱mkuka numiji̱a̱i̱sha keṉkuja̱i̱sha tura nukaja̱i̱sha je̱a̱miniaiti. Núnisaṉ shuar Yúsnan takaak péṉker takasminiaiti túrasha náṉkamas takasminiaiti.

1 Kur. 3:21

Tuma asamtai “Páprunuitjiai” tárumna nusha “Apurusnaitjiai” tura “Pítrunuitjiai” tárumna nusha ántar enentáimprume, ni aya aents ásarmatai. Tu enentáimprarum warasairap. Antsu nekaatarum. Ashí írunna nu atumín yaintmaktiniaiti.

1 Kur. 3:5

Wátsek. Wi Papru ti péṉkeraashitiaj. Apurussha ti péṉkeraashit. Antsu iisha aya Yusa takarniúri̱ntji. Yus Chicham étserkurin ii Uuntri̱ enentáimtuschamkuram. Ii Uuntri̱ takatan chíkich chíkich suramsamajnia nuke takasmaji.

Apu. 1:11

Tura chichaak “Witjiai Émkanka tura Náṉkatkancha Wíkitjiai. Yáunchusha tuke pujuyajai. Núnisnak yamaisha tuke pujajai. Tuma asamtai wáinmena ju̱, papinium áaram Ásianam siati péprunam Yus shuar írunna nui̱ akuptúkarta. Jú̱ peprunam akupkarta, Ipisiusha, Ismirnasha, Pírkamusha, Tiatirasha, Sártissha, Piratírpiasha tura Rautiséasha” turutmiai.

Apu. 1:17

Nuna wainkian jakaa áintsanak nawe̱e̱n iniaarmajai. Túrasha ni untsuuri̱ uwejé̱n awantrus turutmiayi “Ashamkaip. Witjiai ashí juármari̱ tura amúamuri̱sha.

Apu. 1:8

Witjiai Émkanka tura Náṉkatkancha Wíkitjiai tawai ii Uuntri Yus. Kame yáunchusha tuke pujuyajai tura yamaisha tuke pujajai núnisaṉ Ashí Tujintkiachu ukunam winittiana nusha Wíkitjiai.

Apu. 10:6

Tura timiai “Peṉké ishichik ajasái. Suntar siatia nu umpuakuiṉkia Yus ashí yaunchu enentáimpramia nu uminkiattawai.Tan. 12:7 Emka ujatsuk ukunam ni shuari̱n Yúsnan etserniua nuna ujakmiayi” timiai. Nuyá̱ chichaak “Yus tuke iwiaaku pujawai. Tura imiá kakaram asa nayaimpincha, nuṉkancha, nayantsancha tura ashí nui̱ írunna nunasha najankaiti” timiai.Neem. 9:6

Apu. 16:17

Nuyá̱ suntar siatia nu nasenam ukarmai. Túramtai nayaimpinmaya̱ Yusa Uunt Je̱e̱nia̱ ti kakaram chicham Yus akupin pujutái̱nmaya̱ chichaak “Mash uminkiai” timiai.

Apu. 22:13

Witjiai. Yámankamtaikniumia̱ amúanmasha tuke pujuwitjiai. Wisha A rétranmaya̱ Y rétranam ashí retra áintsaṉketjai” tawai.

Apu. 22:17

Yusa Shiir Wakaní̱sha tura Murik anajmarmasha “¡Winitiárum!” tuíniawai. Tura ju̱na ántana nusha “¡Winitiárum!” tití. Tura ashí kitiama nuka winití. Wakerakka tuke iwiaaku pujutai̱ entsan peṉké kuítchaja̱i̱ umarti.

Apu. 3:14

Nuyá̱ turutmiai “Rautiséanmaya̱ Yus shuara uuntri̱ ju̱ áatrata. Wáitrutsuk nekasa nunak tiniua nu tura núnisaṉ ashí Yus najanamun úuntri̱ya nu, tawai

Apu. 7:17

Muriksha akupin pujutai̱nium naka wajana au, ni murikrí̱nkia péṉker wáiniuk áyureak tí peṉker púkuni entsa waana nuí̱ apujsartatui. Tura Yus ni nea̱jkirtincha ukuitiurartatui” turutmiai.