Apu. 21:4 - Yus Papí: Shuarja̱i̱ Yus Yamaram Chicham Najanamu

⁴ Yus ni nea̱jkin u̱ju̱jturartatui. Tura nuik amia nuka ashí amuukarmatai jákatniusha, úttincha, wáitsatniusha tura najaimiatniusha atsuttawai” timiai.

Apu. 21:4 Iomraidhean Croise

YKan. 144:4

Aentska ni iwiaakmari̱ṉkia umpuim mashit ajana núnis tura mikintra ántsaṉ wárik naṉkaamawai.

Isa. 25:8

Nui̱ṉkia Uunt Yuska chichaku asa jatainkia tuke amuk Uunt Yus ashí aentsun nea̱jkiri̱n u̱ju̱jturartatui. Núnisaṉ ashí nuṉkanam Ní shuari̱ natsanmai̱ ajakármanka asaktúrartatui. Apu. 19:6-9; 21:4

Isa. 35:10

Tura Jiuwá uwemtikrarma ainia nuka waketrar kantamkiar Seúnnum káunkartatui. Nuiṉkia etseṉkruktinia ántsaṉ amukashtin warartai takusartatui. Tura imiá shiir waratai̱n wáinkiar kúntuts pujakur wáittiakur úttaiṉkia emeṉkákartatui.

Isa. 61:3

Nu arantcha Seúnan enentáimtusar kúntuts pujuinia nuna atsumamuri̱n súsatniun tura yuṉkunminkia juruiniak akupin etseṉkrutai̱n súsarat tusa nuyá̱ kúntuts pujamuncha emeṉkátuk waratai̱ asuiti súsatniun núnisaṉ itiurchat nekapenancha emeṉkátuk warakur Yus shiir enentáimtutai̱ awaṉkéman súsarat tusa akuptúkuiti. Tuma asamtai nekasa nuja̱i̱ métek túrutai̱ rupri numin Uunt Yus Ni winchari̱n iniakmastaj tusa arakuiti tutai ártatui.

Jrm. 31:12

Kame káunkar Seun naintia tsakari̱n Yusa náari̱n shiir awajsártatui. Warí Uunt Yusa péṉkeri̱n yurumkan tura umutairi̱ yamarman nuyá̱ asuitin núnisaṉ murikji̱a̱i̱ waaká uchirí̱ncha tseke káutkartatui. Tuma asa aja entsa tuke ukatmá urukuit nuja̱i̱ métek átatui. Túmainiak atakka peṉké wáitsachartatui.

Jrm. 31:13

Nuya̱ṉka nuwa̱ natsach áishmaṉja̱i̱ tsaniṉcha ainia nuka áishmaṉ natsach tura uunt ainia nuímiak warainiak jantsemáwartatui. Warí kúntuts enentáimmiari̱ya̱ṉka shiir enentáimtikrartatjai. Tura najaimiainianak atsaṉkraran péṉker enentáimtikrartatjai.

Use. 13:14

Seura kakarmari̱ya̱ ata̱i̱ttiajrume, jákatniunmaya̱ uwemtikrattajrume. Jatái̱yá, emestairmesha ¿itiurkamea? Seurá, ame ijiukrattairmesha ¿itiurkamea? 1 Kur. 15:54-55 Wi enentáimmiaka peṉké yapaji̱áchminiaiti.

Mat. 24:35

Nuṉkasha nayaimpisha amuukartatui antsu winia chichamur amuukashtatui.

1 Kur. 15:26

Tura ni nemasri̱n nupetak ashí amúamunam jákatniuncha nupetkattawai.

1 Kur. 7:31

Núnisaṉ aya jú̱ nuṉkanam péṉker pujustin ti takaschatniuiti. Ashí jú̱ nuṉkanmaya̱ṉka amuukatniuiti.

2 Kur. 5:17

Tuma asamtai, Krístunu ajasúka yamaram najanamuiti. Yaunchu enentáimtai̱ meṉkakaiti. Antsu núnaka íikias ni enentáimtairi̱ṉkia nekas yamaram ajasuíti yamaikia.

2 Kur. 6:17

Tuma asamtai ju̱nasha tímiayi “Ni matsatainia nuyá̱ jíinkitiarum tura niiya̱ kanaktiarum, tawai Uunt Yus tura yajauch ana nu antiṉkiairap.Isa. 52:11 Túrakrumninkia awayá̱ttajrume.”

Isr. 12:27

“Ataksha” tana nuja̱i̱ “ashí muchitrámnia nu amuukartatui” tawai. Tura muchitrachminia nu juárartatui.

2 Pit. 3:10

Túrasha Uunta tsawantri̱ aya aneachma jeattawai. Kasa aya aneachma kiritniunam taana núnisaṉ tátatui. Nu tsawantin nayaimpisha ipiamta núnis charáa timiatai meṉkakattawai. Tura nui̱ ashí írunna núurtiuk esaawartatui. Tura nuṉkasha tura ashí írunna nusha esaawartatui.

Apu. 20:14

Nuyá̱ jákatin amuukati tusa ti keá nu ji antumiaṉ kuamunam aju̱a̱mai. Nu ji antumiaṉ kuamunam wétinkia jimiará jákatin tutainti.

Apu. 21:1

Nuyá̱ nayaimpisha tura nuṉkasha meṉkarámtai yamaram nayaimpin tura yamaram nuṉkancha wainkiamjai. Tura nayantsasha atsúarmai.

Apu. 22:3

Ashí yajauchia nuka atsuttawai. Uunt akupin pujutai̱ Yúsnasha Murikniasha nui̱ṉ aa asamtai ni shuari̱ ti paant wainiainiak tikishmátrartatui. Tura nijia̱i̱ncha ni naari̱ anujmamkartatui.

Apu. 7:17

Muriksha akupin pujutai̱nium naka wajana au, ni murikrí̱nkia péṉker wáiniuk áyureak tí peṉker púkuni entsa waana nuí̱ apujsartatui. Tura Yus ni nea̱jkirtincha ukuitiurartatui” turutmiai.