Apu. 21:2 - Yus Papí: Shuarja̱i̱ Yus Yamaram Chicham Najanamu

² Wi Juaṉ, ti shiir péprun Yusai̱ya̱ yamaram Jerusaréṉkan nayaimpinmaya̱ táarun wainkiamjai. Anajmarma ni áishri̱n iṉkiuṉtaj tusa ti shiir iwiarmampra áintsaṉ tí peṉker iwiaramuyi.

Apu. 21:2 Iomraidhean Croise

YKan. 87:3

Yusa pépruri̱ya̱ ti shiir páantin írunna nuna Áminiun áujmatnawai. (Séraj)

Isa. 1:21

¡Seuncha ausha! ¿Itiura timiá peṉker Yusa umirniuitiatcha chíkich yusan umirkusha kuitji̱a̱i̱ aya̱shi̱n tsaṉkamin nuwa̱ núnikia? Warí tí peṉker nekasa nuna túrin ármiayi. Túrasha yamaikia maṉkartin matsatui. Kuítri̱sha tura wíniuri̱sha peṉké yajauch ajasárai. Sumamtikin ainia nusha aya kajen tura kasa ajasárai. Túmainiak mitiaikiancha tura waje̱ncha chichaman péṉker iwiartuiniatsui.

Isa. 52:1

Maa Seuná shintiarta, shintiaram kakaram ajasta. Kame Yusna akantúkma pepru Jerusaréṉka ti péṉker pushiram entsarta. Warí, tsupirnakchaka tura yajauch shuar ainia nuka atakka aminí̱ṉkia peṉké waya̱chartatui.

Isa. 54:5

Warí ame áishrumka ámin Najatma Nuiti. Tura ni náari̱sha Ashí Akupin Úunt Yusaiti. Ame Akikmatramin Israer shuara Yusri̱ Peṉké Tunaarincha nu, Ashí Nuṉkanmaya̱ Yúsaiti tu anaikiamu átatui.

Isa. 61:10

Kame wikia Uunt Yusai̱ tí shiir warastatjai tura winia Yusruí̱ tí shiir enentáimsattawai. Warí pushincha Ni áentsturua núnis uwempratniun surusuiti tura nekasa nuja̱i̱ métek túrutai̱ awaṉkémnasha ikiurtusuiti. Nuyá̱ áishmaṉ nuatua núnis akupin etseṉkrutai̱n ikiurtus nuwa̱ nuatnak kuri najankamuja̱i̱ iwiarmamna tímiatrus iwiarmamtikruruiti.

Jrm. 31:23

Nuyá̱ Ashí Akupin Uunt Yus Israera Yusri̱ jú̱nis tawai “Yajá yaruakma ataksha ikiankam Jutanam tura pepru nui̱ írunmanum matsamsarum nui̱sha tuke chichaakrum ‘Maa nekasa nuja̱i̱ métek túrutai̱ Yusa naintri̱ Uunt Yus shiir awajtámsati’ títiatrume.

Juaṉ 3:29

Kame shuar nuwa̱n nuatna nuna áishri̱nti. Nuatnaiyak áishmaṉ nuwa̱ja̱i̱ áujnaiyakui ni amikrí̱sha nuna antukar ti warainiatsuk. Wisha núnisnak aents Jesusai̱ wénakui ti waraajai.

2 Kur. 11:2

Atumniasha Krístunak anajmamtikrajrume. Tura nuwa̱ chíkich áishmaṉkan nékatsuk ni áishri̱ji̱a̱i̱ṉᵏⁱ nuatnaiya núnisrumek átum chikicha chichame̱ umirtsuk aya ni chichame̱ṉᵏⁱ umíakrumin Kristui̱ ejetaj tusan wakerajrume. Nuna túrataj tusan atumín akasmatajrume. Nu akasmaktinian Yus surusuiti.

Isr. 11:10

Kame Aprajámka nayaimpinmaya̱ ashirchamin péprunam pujustinian nákasmiayi. Yus nu pepru péṉker iwiar je̱a̱mka asamtai umuchkiachminiaiti.

Isr. 11:16

Tura antsu nisha nuna naṉkaamas péṉker nuṉkan nayaimpinmaya̱ nuna enentáimtiarmiayi. Túmainiakui Yuska péprun iwiartur susa asa “Wi ni Yúsri̱ntjiai” títinian natsantatsui.

Isr. 12:22

Antsu atumji̱a̱i̱ṉkia Yusna enentáimtustin nuja̱i̱ naṉkaamas péṉkeraiti. Átumka nayaimpinmaya̱ Seun nainnium Jerusaréṉ iwiaaku Yus pujutai̱ péprun nakumeana nui̱ jeeaitrume. Nui̱sha ti untsurí nayaimpinmaya̱ suntarsha

Isr. 13:14

Kame ju̱ nuṉkanam amukachmin pepru atsawai. Antsu ukunam ti shiir pepru átatna nu nákaji.

Apu. 1:1

Jú̱ áarman Jesukrístun Yus ujakmiayi. Wárik túrunatta nuna ni shuari̱n ujakárat tusa ujakmiayi. Tuma asamtai Jesukrístu ni suntari̱n akupak ashí winia paant awajtúrsamai. Wisha Jesukrístu takarniúri̱ Juáṉkaitjiai.

Apu. 1:4

Wi Juaṉ, Ásianam siati péprunam Yus shuar írunun ju̱ papin áateajai. Yus anenma asa aṉkant shiir pujustinian yaintmakarti. Nu Yus tuke yaunchu pujuyayi. Núnisaṉ yamaisha pujawai. Tura nuke winittiawai. Akupin pujutai̱nium Yusa Wakaní̱ siati naka pujurainia nusha shiir yaintmakarti.

Apu. 1:9

Wi Juaṉ atumji̱a̱i̱ métek waitia asan atumí yachi̱ntjiai. Núnisaṉ nayaimpiniam Yus akupeana nui̱ métek jeattaji. Tura katsuntrar nákastinian Jesukrístu mái̱ metek súramji. Yus Chichamnasha tura Jesukrístu timiancha étsereakun nayantsanam nuṉkach étentkamunam Pátmusnum sepunam apujsamua núnisaṉ pujumjai.

Apu. 11:2

Antsu je̱a̱ á̱a̱ri̱ṉkia yajaya̱ shuar susamu asamtai nekapmatsuk ikiuktia. Nu shuar ti shiir péprun Jerusaréṉkan kuaraintitús nantu nui̱ akupénak mash yajauch awajsártatui.

Apu. 21:10

Taku mesekranam naint yakí̱ jurukí̱ Yusai̱ya̱ ti shiir Jerusaréṉ pepru nayaimpinmaya̱ táarun iniaktursamai.

Apu. 21:9

Nuyá̱ siati suntar piniṉ amúamunam wáitkiastinji̱a̱i̱ piákun takakua nuyá̱ chikichik taruti turutmiai “Winitiá. Murikiu anajmarmari̱n iniaktustatjame.”

Apu. 22:17

Yusa Shiir Wakaní̱sha tura Murik anajmarmasha “¡Winitiárum!” tuíniawai. Tura ju̱na ántana nusha “¡Winitiárum!” tití. Tura ashí kitiama nuka winití. Wakerakka tuke iwiaaku pujutai̱ entsan peṉké kuítchaja̱i̱ umarti.

Apu. 22:19

Núnisaṉ shuar ju̱i̱ áarman emeneakuiṉkia Yus ni náari̱n iwiaaku pujutai̱ papiniumia̱ japirattawai. Tura ti shiir péprunam waya̱tniun suritkiattawai. Nu péprusha tura nu papisha ju̱i̱ paant ujakma áiniawai.

Apu. 3:12

Nupetmakunka winia Yusru je̱e̱ pauri̱n awajsattajai. Tura nuyá̱ peṉké jíinkichartatui. Tura nin winia Yusru náari̱n áatrattajai. Tura winia Yusru pépruri̱ náari̱ncha áatrattajai. Nu pépruka nayaimpinmaya̱ yamaram Jerusaréṉka Yusai̱ya̱ tara núiti. Núnisaṉ winia yamaram náarun nin áatrattajai.