Apu. 21:11 - Yus Papí: Shuarja̱i̱ Yus Yamaram Chicham Najanamu

¹¹ Nu péprusha Yusa winchari̱ji̱a̱i̱ tsáapniniuyi. Nu tsáapnincha kaya tí shiirmachia núnis jaspi kaya nuní̱ saar asa tí tsaapniniuyi.

Apu. 21:11 Iomraidhean Croise

Isa. 4:5

Nuiṉkia ashí Seun nainnium tura iruntai̱nmasha Uunt Yus tsawai̱kia yuraṉmin tura káshikia ji kean ikiustatui. Warí ashí nui̱ Ni kakarmari̱ tarach ayapá̱rar nukukma núnis átatui.

Isk. 1:22

Kame aentsua nuní̱ iira wajarma nuna muuke̱n yakiní̱ṉkia áṉkantniuk ámanum saar jíitsumir ti shiira nu amai.

Isk. 1:26

Nuya̱ṉka ni muuke̱n yakini̱ nayaimpinmaṉka akupkur pujutai̱ shíirmach kaya sapiruja̱i̱ najanamu núninian wainkiamjai. Tura akupkur pujutái̱nmaṉka aentsua núnin pujan wáinmiajai.

Isk. 28:16

Ámeka sumakam súramna nuja̱i̱ tí kuitrintin ajasam tí kajen yajauch najanaram tunáa túramiame. Túrawakmin Yusa náintri̱ya̱ṉ, kirupín wainniu, kaya keamunmaya̱ṉka Wi ji̱i̱ki̱ aju̱i̱miajme.

Isk. 43:2

Tura Israer shuara Yusri̱ tsáapnintri̱ṉkia etsa̱ tatainmaya̱ winian wáinmiajai. Tura antursamsha entsa nujaṉkruk téter ajana tímiatrus ajamai tura nuṉkancha ni tsáapnintri̱ji̱a̱i̱ tsáapin awajmiai.

Isk. 48:35

Tura ashí pepru téntakar nekapmarmaka nuiwi mir mitru átatui. Nu tsawanta nuya̱ṉka nu pepru náari̱ṉkia UUNT YUS NUI̱ PUJAWAI tunattawai” timiai Yus.

Apu. 15:8

Tura Yusa kakarmari̱ ti ashammai Ti Shiir Tesamunam mukuintiua núnis piakmai. Túramtai nu siati suntar wáitkiastinian ukarar amuiniatsa̱i̱ṉ Yusa Je̱e̱n waya̱chminiuyi.

Apu. 22:1

Nuyá̱ suntar tuke iwiaaku pujutai̱ entsan tí saaran iniaktursamai. Nusha úunt akupin pujutái̱nmaya̱ ti saawi jiinmiai. Nu pujutai̱sha Yusna tura Muriknauyi.

Apu. 22:5

Tura káshisha atsuttawai. Nui̱ pujuinia nuka shiripkincha etsa̱ncha atsumchartatui. Uunt Yusak tuke tsáapin awajtiatui. Tura ni shuari̱ tuke iniaṉnatsuk akupkartatui.

Apu. 4:3

Nisha jaspi kayasha tura kurnarínia kayasha nuja̱i̱ métek ti wínchauyi. Akupin pujutai̱n tuntíak téntakuyi. Nusha ismirárta kayaja̱i̱ métekeyi.

Apu. 4:6

Núnisaṉ nu pujutai̱nium naka nayantsa ánin ti saar amai. Nu pujutai̱nium wakenmaani̱sha niisháa taṉku kuatru téntakar ármiayi. Ukuri̱ni̱sha tura eemsha ji̱ irunmiai.