Apu. 20:8 - Yus Papí: Shuarja̱i̱ Yus Yamaram Chicham Najanamu

⁸ Túram ashí nuṉkanmaya̱ aentsu anaṉkawartaj tusa jiinkittiawai. Kuk nuṉkanmasha tura Makuk nuṉkanmasha ashí pujuinia nuna anaṉkawartatui. Tura mesetan najanataj tusa ni suntari̱n nekapmarchamnia ti untsurí irurtatui.

Apu. 20:8 Iomraidhean Croise

1 Akup. 4:20

Israer shuar ti untsurí ásar nayantsa náikmiri̱ja̱i̱ métek nekapmarchamnia ármiayi. Ántsaṉ taramkaru ásar yurumáiniak úmuiniak ti shiir warasar matsamármiayi.

Isa. 10:22

Warí Israer shuará átumka nayantsa náikmiri̱ nekapmarchamnia ímianaitiatrum aya ishichik juáktatrumna nuke waketrattarme. Tura asutniátniuka iwiaramu asa nekasa nuja̱i̱ métek uminkiattawai.

Jrm. 33:22

Kame yaasha nekapmarminkiait. Núnisaṉ nayantsa náikmiri̱ nekapmamniakait. Tura Winia takartin Tawitia shuari̱nkia tura Riwí shuarnaka imianú núkap awajsartatjai’” tímiayi Uunt Yus.

Isk. 38:1

Nuya̱ṉka Uunt Yus winia chichartak

Isk. 38:2

“Maa aentsu uchiri̱yá, Makuk nuṉkanmaani̱ íimsam Misekan tura Tuparan akupniu uuntri̱ Kuk urukattawa nu etserkata.

Isk. 39:1

“Aentsu uchiri̱yá, ámeka Kuk chicharkum ‘Uunt Yus Ashí Aentsu Uuntri̱ chichartamuk “Misekan tura Tuparan akupniu uuntri̱ Kuká, ju̱ nekaata. Yamaikia áminkia kajerkajme.

Isk. 39:6

Nuyá̱ Makuk nuṉkanmaṉka núnisaṉ nayantsa yantamén aṉkant pujuinia núnasha jinia akuptúkartatjai. Túramtai Wi Uunt Yusaitjiana ju̱na nekarawartatui.

Isr. 11:12

Tura nuja̱i̱ Aprajám ti úuntchitiat ti pampaṉmiayi. Ni chikichkitiat ni pampaṉmári̱ ti untsurí ajasár yaaja̱i̱ métek tura náikmiji̱a̱i̱ métek nekapmarchamnia ajasármiayi.Naṉ. 22:17

Apu. 12:9

Núnisaṉ Ti Kajen Yajasma ashí ni suntari̱ji̱a̱i̱ nuṉká akupnakmai. Nu Yajasmasha iwianchi uuntri̱ Satanás tutainti. Nisha yáunchuya napiti. Ashí nuṉkanmaya̱ shuaran anaṉniuiti.

Apu. 16:14

Íwianch áiniak aents tujintiamun túruiniak ashí nuṉkanmaya̱ akupniun irurarmai. Ti Tujintkiachu Yusai̱ ni uunt tsawantri̱ jeamtai mesetan najanatai tusar weriarmai.

Apu. 20:10

Tura iwianchi úuntri̱n nin anaṉkawarmia nu asupriji̱a̱i̱ keá ji antumiaṉ kuamunam aju̱a̱mai. Nú yaunchusha Entsaya̱ Yajasmasha tura Kukaria̱ Yajasmasha peṉké ántar yúsnan etserniua nu, nui̱ aju̱a̱warmai. Nui̱sha tsawai̱sha káshisha iniaṉnatsuk ti wáitsartatui.

Apu. 20:3

náṉkatkachu wá̱a̱nam epenmiai. Tura waiti uraichminian anujtúkmai. Mir uwí naṉkamatsa̱i̱ṉ ashí nuṉkanmaya̱ shuaran anaṉkawara̱i̱ṉ tusa túramai. Antsu mir uwí naṉkaamasmatai ishichik tsawant aṉkant akupnáktiniaiti.

Apu. 7:1

Nu naṉkaamasmatai kuatru nayaimpinmaya̱ suntar, nuṉká kuatru yantamén wajan wainkiamjai. Nusha kuatru nase kukarsha, nayantsanmasha tura kampunniunmasha nasenkacharat tusar wajatiarmai.

Suma. 7:12

Matiancha nuyá̱ Amarík aentssha tura etsa̱ jintiainmaani̱ pakanam pujuarmia nu ti untsurí titikriátsja̱i̱ métek ásar pakan enetkar matsamiayi. Tura kamiyuri̱sha nayantsa yantamén náikmiji̱a̱i̱ métek ti untsurí ásar nekapmarchamnia ármiayi.

1 Sam. 13:5

Núnisaṉ Jiristíu aentssha Israer shuarja̱i̱ mesetnum mániatai tusa iruntrarmiayi. Niṉkia traintia mir kárun tura sais mir aents kawainium ekemtan unuimiátkaru nuyá̱ aentska nayantsa kaanmatkari̱n naikim írunna timianú untsurí iruntrar Míkmasnum jeawar Pitiawínniumia̱ṉka etsa̱ tatainmaani̱ matsamkarmiayi.