Apu. 20:4 - Yus Papí: Shuarja̱i̱ Yus Yamaram Chicham Najanamu

^4-5 Nuyá̱ akupin pujutai̱nium pujuinian wainkiamjai. Tura shuara túramuri̱n íirsarat tusa kakaram sunasarmai. Tura núnisaṉ muuke̱ tsupirka maamu wakaní̱ncha wainkiamjai. Nusha Yusa Chichame̱n etserainiak tura Kristu Chichame̱ncha etserin ásar maamu armai. Nisha Entsaya̱ Yajasmancha ni nakumkamuri̱ncha tikishmátracharu armai. Núnisaṉ náari̱ncha nijia̱i̱niumsha tura uwejnumsha anujmamprakcharu armai. Nu shuar ataksha nantakiar emka nantaktin tsawantnum pachinkiarmai. Túmainiak Krístuja̱i̱ métek mir uwí akupeamun wainkiamjai. Antsu chíkich jákaruka mir uwí naṉkamatsa̱i̱ṉ nantakcharmai.

Apu. 20:4 Iomraidhean Croise

Tan. 2:44

Tura nu úunt akupin pujuartatna nu tsawantin nayaimpinmaya̱ Yus chíkich akupeamu peṉké nupetkachminian apujsattawai. Antsu nuka ashí akupin ártatna núnaka tsai̱ tsai̱ awajsatniua núnis mash amú amus aya niṉki tuke akupin átatui.

Tan. 7:18

Túrasha nu naṉkaamasmatai̱ṉkia Ashí Naṉkamantu Yusna ajasár tunaarincha áiniana nu ni akupeamuri̱n akintrukartatui. Tura nu akupeamuka peṉké iniaṉnatsuk tuke niniu átatui’ turutmiai.

Tan. 7:22

Núnaka Tuke Tsawant Pujuwa nu táamam túriarmai. Tura Ashí Naṉkamantu Yusna ainia nuna ayamprúkmai. Nuya̱ṉka tsawant jeamtai Yusna tunaarincha awajsarua nuka akupeamun nupetmatkar atantiarmai.

Tan. 7:27

Nuya̱ṉka tunaarincha ainia nuna Ashí Tujintkiachu Yusa akupeamuri̱ aents ásarmatai ashí ju̱ nuṉkanam akupeamu ainia nuna peṉkeri̱n tura kakarmari̱ncha nuyá̱ páantniuri̱ncha nu akupeamun súsartatui. Warí, nu akupeamuri̱ṉkia peṉké naṉkankashtin asamtai ashí nuṉka akupeamunam ainia nusha Yusan shiir awajainiak umirkartatui.’

Tan. 7:9

Kame nui̱ imiá wajai̱ṉ untsurí akupin pujuiniamunam akupin pujutai̱niam Tuke Tsawant Pujuwa nu pujusmai. Ni entsarmari̱sha micha timianú puju núnisaṉ intiashí̱sha uruchia timianú puju armai. Tura akupkur pujutái̱ri̱ṉkia ji keá tímianuyi nuyá̱ pujutái̱ri̱ nawé̱ téter wetairi̱ṉkia ji keemai.

Mks. 4:5

Nekaatarum. Yamaikia Uunt Yusa tsawantri̱ ti uunt tura ti ashamái̱ átatna nu jeachmanumaṉ Winia chichampru etserniun Iríasan akupkáttajai.

Mat. 19:28

Jesus chichaak “Nekasan tájame, ukunmaṉka ju̱ nuṉka yamaram ajastatui. Aents Ajasu asan Wisha nui̱ úunt akupin ajastatjai tura atumsha winia nemartusutirmeka Wiji̱a̱i̱ métek akupin ajastatrume ashí Israer shuar akupkatin.

Mat. 24:10

Nu tsawantai̱ untsurí shuar Yusan iniaisartatui. Túrawar nuamtak muí̱jniainiak surunairartatui.

Mar. 6:16

Irutis nuna antuk “Nekas Juáṉkaiti. Ni muuke̱n tsupiktinian akupkámiaj nu, jakamunmaya̱ nantakniuiti” tímiayi.

Mar. 6:27

Tuma asa úunt akupin Juaṉka muuke̱ itiata tusa ni suntari̱n wárikmas akupkámiayi.

Mar. 9:11

Tura Jesusan chicharainiak “¿Urukamtai Israerti ii jintinniuri̱sha Irías emka tátiniaiti tuinia?” tiármiayi.

Ruk. 1:17

Úunt Yusai̱ya̱ akatrámu átatui. Yaunchu Yúsnan etserin Irías kakaram etserkamia núnisaṉ nisha etserkattawai. Nuja̱i̱ shuaran ni uchirí̱ji̱a̱i̱ nawamtikiartatui.Mks. 4:5-6 Tura umichu ainia nuna eseer enentáimtikrartatui. Ni Uuntri̱ taakui ni enentái̱ iwiaramu ártí tusa etserkattawai” tímiayi Yusa suntari̱.

Ruk. 14:14

Nisha akirmáktinian tujintiainiawai. Péṉker shuar nantakiartatna nui̱ akinkiáttame. Nu tuma asamtai warastatme” tímiayi.

Ruk. 22:30

Tura akupin pujutai̱nium pujusrum Israer shuar tuse írutkamu akupkáttarme tajai.” Tú timiayi.

Juaṉ 14:19

Ishichik tsawant naṉkaamasmatai chíkich shuar írunna nu wáitkiachartatui. Tura Wi iwiaaku asamtai átumka nu iwiaakmaja̱i̱ pujustatrume. Tuma asarum waitkiattarme.

Rum. 11:15

Kame Israer shuaran iniaisámuja̱i̱ ashí shuar Yusja̱i̱ shiir nawamnaikiarmataiṉkia nuikia atak nin achikmája̱i̱ jakamunmaya̱ nantaktinia áintsaṉ ti shiir átatui.

Rum. 8:17

Tura ni uchirí̱ ajasu asakrin Yus timia núnisaṉ ashí Níniun suramsattaji. Krístun ashí susattana núnisaṉ iincha suramsattaji. Yamái Krístunu takaakur wáitiakrikia ukunam Krístuja̱i̱ métek ti shiir awajnástatji.

2 Tim. 2:12

Wáitiakrisha Niji̱a̱i̱ akupkáttaji. Natsantakrinkia Nisha natsantramprattaji.

Apu. 1:2

Yus timia nunasha tura Jesukrístu ujatkámia nunasha tura wi íismaj nunasha ti paant aya nekasa nuna tajai. Peṉké wáitratsjai.

Apu. 1:9

Wi Juaṉ atumji̱a̱i̱ métek waitia asan atumí yachi̱ntjiai. Núnisaṉ nayaimpiniam Yus akupeana nui̱ métek jeattaji. Tura katsuntrar nákastinian Jesukrístu mái̱ metek súramji. Yus Chichamnasha tura Jesukrístu timiancha étsereakun nayantsanam nuṉkach étentkamunam Pátmusnum sepunam apujsamua núnisaṉ pujumjai.

Apu. 11:11

Nuyá̱ menaintiú tsawant nuyá̱ naṉkaamas jaka tepesarmatai Yus ataksha iwiaaku awajsarmai. Tura nantakiarmatai nuyá̱ aents nin wáinkiar ti ashamkarmai.

Apu. 11:15

Nuyá̱ suntar siatia nu, kachun umpuarmatai chícham kakaram chichainia nayaimpinmaya̱ antunkamai. Jú̱nis tiarmai “Yamaikia ii Uuntri̱ Yus tura ni Anaikiamu Kristu ashí shuaran akupin ajasárai. Nisha tuke amutsuk akupkartatui.”

Apu. 11:3

Túruiniakui Wikia Wi shuaran jímiaran akatran akupkáttajai. Nusha mir tusiantu sasaintia tsawant pujusár Winian etserkartatui. Nuka menaintiú uwí naṉkaamasaiti. Útkur entsatái̱ pushin entsaru ártatui” turutiarmai.

Apu. 11:7

Tura ni takatrí̱n umikiarmatai Ti Kajen Yajasma náṉkatkachu wa̱a̱nmaya̱ jiinia nu mesetan najata nupetak máwartatui.

Apu. 12:11

íksaṉ ii yachi̱ nupetmakarai. Yus susamu murikiu numpe̱ya áinis Jesukrístu numpe̱ja̱i̱ nupetmakarai. Nisha jákatniuitkiusha surimiatsuk nekas chichaman páchitsuk etserkarmai. Núja̱i̱sha iwianchi úuntri̱n nupetkarmai.

Apu. 14:11

Ni wáitsatniuri̱ ji esaak kajintsuk tuke mukuintia núniskete. Entsaya̱ yajasman tura ni nakumkamuri̱n shiir awajénak ni naari̱ anujmamainia nuka tsawai̱sha káshisha ayamtsuk wáitsartatui.

Apu. 15:2

Nuyá̱ antumiaṉka áintsaṉ ti saar jiji̱a̱i̱ pachimpramun wainkiamjai. Ni kaanmatkari̱ncha Entsaya̱ Yajasman tura ni nakumkamuri̱ncha nupetkarma nu nui̱ wajaarmai. Tura nin arpa tuntuitiai̱n Yus súsarmai.

Apu. 17:8

Nu yajasma wainkiam nuka yaunchu pujuwiti tura yamaikia ju̱i̱ pujachiat amúamunam tuke játsuk náṉkatkachu wá̱a̱nmaya̱ jiinkittiawai. Shuar nuna wáinkiar ni naari̱ tuke iwiaaku pujutai̱ papinium yámankamtaikniumia̱ anujtúkchamua nuka nu yajasman ashamkartatui. Nu yajasma yaunchu pujú yamaikia atsayat atak wantinkiattawai turutmiai.

Apu. 2:26

Nupetmakunka Wi wakeraj nunak tuke iniaitsuk túrana nuna untsurí nuṉkanam akupkatniun tsaṉkatkattajai.

Apu. 20:6

Antsu emka nantaktin tsawantnum pachinkiarua nú shuar tí peṉker áimiak ti shiir warasmin áiniawai. Nu shuarka jimiará jákatniunam pachintsuk Yusna tuke takarin tura núnisaṉ Krístunu tuke takarin ártatui. Tura Krístuja̱i̱ métek mir uwí akupkartatui.

Apu. 22:5

Tura káshisha atsuttawai. Nui̱ pujuinia nuka shiripkincha etsa̱ncha atsumchartatui. Uunt Yusak tuke tsáapin awajtiatui. Tura ni shuari̱ tuke iniaṉnatsuk akupkartatui.

Apu. 3:21

Nupetmakuka akupin pujutai̱nium Wiji̱a̱i̱ pujustatui. Wisha núnisnak nupetmaku asan winia Aparja̱i̱ akupin pujutai̱nium pujusuitjiai.

Apu. 4:4

Chíkich paintikuátru akupin pujutai̱n nu pujutai̱n téntakarun wainkiamjai. Tura paintikuátru uunt puju entsarainian tura kurin etseṉkrakainian nui̱ pujuinian wainkiamjai.

Apu. 6:9

Nuyá̱ Murik asakamu séṉkun já̱a̱kmatai Yus sutai kuṉkuin áestutai̱ wakenmaani̱ íismajai. Túran Yus Chichaman etserainiakui máwarma wakaní̱n wainkiamjai.

Apu. 7:3

“Ii Yusri̱ takarin ainia nu nijia̱i̱nium áarar ásaktsarni̱ṉ kukarsha, nayantsasha tura kampunniusha naseja̱i̱ yajauch awajsairap” timiai.