Apu. 2:3 - Yus Papí: Shuarja̱i̱ Yus Yamaram Chicham Najanamu

³ Ti wáitiayatmek katsuntram yawe̱tsuk Winia ti takartusuitme.

Apu. 2:3 Iomraidhean Croise

YKan. 37:7

Uunt Yusai̱ mijiat pujusam shiir enentáiji̱a̱i̱ nákasta. Núnisaṉ aents yajauch túramuja̱i̱ páantin ajainia nu wainkiam itiurchat enentáimsaip.

YKan. 69:7

Maa, Áminiu asan wishikruiniakui wáitsaitjiai. Núnisnak natsanmai̱ ajakuitjiai.

Mar. 15:21

Semuṉ Serini nuṉkanmaya̱ shuarauyayi. Arejántruncha, Rupuncha aparí̱yayi. Semuṉkan takatnumia̱ winian suntar emetawarmiayi, Jesusa krúsri̱n yanakí̱ jukiti tusar.

Ruk. 14:27

Ni wakeramuri̱n ajakeak ni krusri̱ yanakí̱ nemartatsna nu winia unuiniamur ajaschamniaiti.

Ruk. 18:1

Shuar yawe̱tsuk Yusan tuke áujsatniua nuna unuiniartaj tusa Jesus ju̱ métektaku chichaman tímiayi.

Ruk. 21:19

Katsuntrarmeka iwiaaku átin wainkiattarme.

Ruk. 5:5

Tutai Semuṉ chichaak “Túrasha Uuntá, káshisha tuke ajú̱ ju̱nkuar tsawa̱rji. Túrasha peṉké achikchaji. Kame ánkisha Ame támaja̱i̱ aju̱ntkátjai” tímiayi.

Ruk. 8:15

Tura jiṉkiái péṉker nuṉkanam iniaaru tana nuka shuar antuk umiinia nuna nakumui. Nisha antukarmia nuna péṉker enentáimtusar yawe̱tsuk umirkar tí peṉker nerenawai.

Juaṉ 15:21

Winia Akuptúkun nékachu ásar Winia enentáimturkurmin yajauch awajtámsartatui.

Rum. 12:12

Ukunam Yus tsaṉkatramkattajnia nu enentáimtusrum warastarum. Wáitiakrumsha katsuntratarum. Tuke iniaitsuk ashí túrunamuja̱i̱ Yus áujsatarum.

Rum. 16:12

Tripiniasha tura Tripiusasha Yúsnan takainia ásarmatai amikmatruatarum. Núnisaṉ ii umái̱ Pírsitia Yúsnan ti takasu asamtai amikmatruatarum.

Rum. 2:7

Shuar tuke péṉker túrak ashí shiira nunasha tura tuke amukachmin ainia nunasha wakeruiniana nuna Yus tuke iwiaaku Niji̱a̱i̱ shiir pujustinian súsartatui.

Rum. 8:25

Tuma asar tuke waincha asar katsuntrar nákaji.

1 Kur. 13:7

Anenkartaka ashí aya katsuntniuiti. Tsanú chichamnasha nakitiawai antsu aya ashí nekasa nunak nákawiti. Tunáa shuar enentáimprati tusa tuke jintiá íimprawai. Nekasa nunak ántin asa tsanú chichamnasha nakitniuiti. Anenkartaka péṉkera nunak nákawai.

1 Kur. 16:16

Nisha tura ashí niji̱a̱i̱ métek yáiṉkiar takainia nú shuar seatmana nu tuke túratarum.

2 Kur. 10:15

Chíkich takasmanum iikia waantu enentáimtumasar “ii takatri̱nti” tátsuji. Antsu yamái enentáimtarmena nú naṉkaamas Yus enentáimtustarum tusar wakeraji. Nu túrakrumni̱nkia atumíin tuke takasminiaitji.

2 Kur. 11:23

Kristu takarniúri̱ntji, tuíniawai. Wikia auja̱i̱ naṉkaamasaitjiai. Kame nuna tákun waurka núnisnak chichaajai. Kame niji̱a̱i̱ naṉkaamas takasuitjiai tura niji̱a̱i̱ naṉkaamas asutiámuitjiai. Niji̱a̱i̱ naṉkaamas sepunam eṉkeamuitjiai tura tí nukap jániṉkiamjai.

2 Kur. 4:1

Yus iin waitnentrama asa ni chichame̱n etserkatniun ataktamsaitji. Tuma asamtai yawe̱tsuk takaaji.

2 Kur. 4:16

Tura yawe̱atsji. Ii aya̱shi̱ amuiki̱ wéakuisha ii enentái̱ṉkia yamaram ajakí̱ wéawai.

2 Kur. 5:9

Tuma asamtai ju̱ aya̱shnium pujakrisha tura ju̱ aya̱sh ikiukrisha Uunt Jesus tuke waramtiksatai taji.

2 Kur. 6:5

Ju̱ itiurchat wainkiamji, katsumpramkarmaji, sepunam eṉketmáwarmiaji, charáa charáa awajtámiarmiaji, takatcha ti itiurchat takasmiaji, kánutsuk pujumiaji tura tsukasha ti tsukammiaji.

Kar. 6:2

Kijinian júakui nuamtak yáiniaikchatniukait. Núnisrumek chíkich itiurchat pujakui nuamtak yáiniaiktarum. Túrakrumka Kristu akupeamuri̱ umíarme.

Kar. 6:9

Nu asamtai péṉker túratin yawe̱tkishtiniaiti. Tura pimpitsuk takasar júuktin tsawant jeamtai páchitsuk júuktatji.

Jir. 2:16

iwiaaku pujustin chicham paant awajeakrum. Núja̱i̱ Kristu támatai atumíin ántran takascha asan ti shiir wararsattajrume.

Jir. 4:3

Amincha winia ai̱rú, nu nuwa̱ yaiṉkta tusan seajme. Nisha wi iwiaaku chichaman étsereakui wiji̱a̱i̱ métek takasarmai. Tura Krimintisha tura chikitcha wiji̱a̱i̱ métek takasarmai. Nuna náari̱n iwiaaku átinnium Yus áatraiti.

Kurs. 1:11

Yus ti kakaram asa ikiakátmaruk tusar seaji. Nuja̱i̱ ashí itiurchat ákuisha páchitsuk ti shiir warasrum katsuntrattarme.

1 Tis. 1:3

Atumsha Yus nekas enentáimtakrum umirkarumna nu nékaji. Núnisrumek Yus aneakrum takaarme. Tura ii Uuntri̱ Jesukrístu tatí tusarum tuke tsawant nákarme. Nu neka asar ii Aparí̱ Yus iniaitsuk áujkur ashí átum enentáimtusar Yus áujtaji.

1 Tis. 2:9

Yatsuru, ii atsumaj nu sumarmaktai tusar kakaram takakmasmaj nu ¿kajinmátkintrumek? Atsá. Nékarme. Iis, uwempratin chicham étserkur tsawai̱sha káshisha takasmiaji. Nusha, akirkata ti̱i̱j tusar takakmasmiaji.

1 Tis. 5:12

Yatsuru, ju̱na seajrume. Atumji̱a̱i̱ pujuinia nú shuar Yúsnan takakmainiakui shiir enentáimtustarum. Jintintramuk chichartamainiakui umirkatarum.

2 Tis. 3:13

Yatsurtiram yawe̱tsuk shiir túratarum.

2 Tis. 3:5

Uunt Yus ni aneṉkrattairi̱n nekaatniun yaintmakarti. Kristu itiurchatan katsuntramia núnisaṉ atumniasha katsuntratniun Yus yaintmakti.

1 Tim. 4:10

Nekas iwiaaku Yus ashí shuaran uwemtikramniaiti tura ashí Nin enentáimtuinia nú shuaran nekas uwemtikratniuiti. Nu chicham imiá nekasaiti tu enentáimtakur katsekramainiakrincha kakaram takaaji.

1 Tim. 5:17

Yus shuara uuntri̱ Yus shuaran péṉker wáinkiarua nu, nekas shiir enentáimtustin áiniawai. Tura akinkiámniasha áiniawai. Nekaska Yus Chichaman etserkatniuncha tura unuiniartinniasha tuke takaaka imiá shiir enentáimtustinaiti.

Isr. 10:36

Atumsha esetra enentáimsarum Yus wakera nu túrakrum Yus atumín amastatjarme timia nu wainkiattarme.

Isr. 12:1

Ashí ju̱ nuṉkanam túrajnia nuka shuar nakuruiniak tsékena nuja̱i̱ nakumkamniaiti. Ashí shuar yaunchu Yusan shiir enentáimtusaruka téntakar íirmainiaji. Tuma asamtai ashí kijin ana nusha tura ashí yajauch túramu itit awajtamaj nusha ajapa iniaisar tura katsuntrar tsékeṉkir jeatái.

Isr. 13:13

Núnisrik iisha péprunmaya̱ arant wétinia núnisrik Jesusai̱ werí Niji̱a̱i̱ métek wishiknamu katsuntutai.

Isr. 6:10

Yus tí peṉker asa átum takasmancha tura ni aneakrum Yus shuar yaiṉmancha kajinmátkishtatui. Tura yamaisha tuke túrarme.

Isr. 6:12

Nakimtsuk kakaram ajastarum. Niniua nuna Yus ni shuari̱n susattawai. Tura shuar Yusan enentáimtak shiir enentáiji̱a̱i̱ nákakka nuna wainkiattawai. Tu takastarum tusar wakeraji.

Isr. 6:15

Tutai Aprajám yáitmataik nákas Yus timia nuna wainkiamiayi.

2 Pit. 1:6

Nuyá̱ yajauch túrashtin íimiastiniaitrume. Nuyá̱ katsuntratniuitrume. Nuyá̱ Yus shiir enentáimtusrum wekasatniuitrume.

Apu. 1:9

Wi Juaṉ atumji̱a̱i̱ métek waitia asan atumí yachi̱ntjiai. Núnisaṉ nayaimpiniam Yus akupeana nui̱ métek jeattaji. Tura katsuntrar nákastinian Jesukrístu mái̱ metek súramji. Yus Chichamnasha tura Jesukrístu timiancha étsereakun nayantsanam nuṉkach étentkamunam Pátmusnum sepunam apujsamua núnisaṉ pujumjai.

Apu. 3:10

Katsuntrata tímiaj nu, shiir umirka asakmin Wisha tí wáitsatin ashí nuṉkanam átatna nuyá̱ uwemtikrattajme. Nu wáitsatniuja̱i̱ ashí nuṉkanmaya̱ shuar nekapnasartatui.Rum. 14:10; 2 Kur. 5:10