Apu. 2:13 - Yus Papí: Shuarja̱i̱ Yus Yamaram Chicham Najanamu

¹³ ‘Ashí ame túram nuna nékajai. Iwianchi uuntri̱ Satanás akupea nui̱ pujayatmek tuke shiir enentáimturmena nuna nékajai. Winia shiir umirtínian Ántipasan máwarmataisha Winia enentáimtursatin ishichkisha iniaitiuschamame. Nusha íwianch pujutai̱nium pujakrumin túrunamai.

Apu. 2:13 Iomraidhean Croise

Mat. 10:23

Kame tu péprunmaṉsha apapétmainiakuiṉkia chíkich péprunam pisartarum. Wi Aents Ajasuitjiai. Tuma asan nekasan tájarme, átum Israer shuar mashⁱ ujatsrumni̱ṉ wantinkiattajai.

Mat. 24:9

“Nuyá̱ atumniasha yajauch awajsarat tusa surutmakartatui. Tura mantamawartatui. Tura winia naar pachia asakrumin ashí shuar muí̱jramkartatui.

Mat. 4:10

Tutai Jesus chichaak “Werumta iwianchi uuntri̱yá. Yus Papinium aarma awai ‘Ame Úuntrum Yusak tikishmátrata tura Niṉki shiir awajsata’ tawai” tímiayi.Muis. 6:13

Ruk. 21:17

Tura Winia ajasáru asakrumin ashí aents nakitrámprartatui.

Tur. 22:20

Tura nuyá̱ áminiu etserniun Estepaṉkan máiniakuisha wisha wajamjai. Túruiniakui “péṉkeraiti áitkiarum nuka” tímiajai. Nú arantcha ni pushiri̱n íirsamjai’ tímiajai.

Tur. 9:14

Tura yamaisha Yúsnan pujurniu peṉkeri̱ ainia nuna papirí̱n takakui. Tura nuja̱i̱ ame náarmin páchiaj nuna achik jukitiaj tusa tímiaja̱i̱sha tarutramji” Ananías tímiayi.

1 Tis. 5:21

Ashí etserkamu ana nu nekasashit tusarum nekaatarum. Túrarum aya péṉker ana nuke achiktarum.

1 Tim. 5:8

Shuar ni je̱e̱n pujuinia nuna nekaska wáinkiatniuiti. Tura nuyá̱ chíkich shuarnasha yáiṉtiniaiti. Túrachkuṉka Yus tana nuna umíatsui tura Yus shuarcha nuja̱i̱ naṉkaamas yajauchiti.

2 Tim. 1:13

Shiir chichaman jintintiamajmena nuke emetata. Jesukrístuja̱i̱ tsaniṉkiu asar Yus nekas enentáimtaji tura nuja̱i̱ aneṉkratniuitji. Tuke núnismek túrata.

2 Tim. 2:12

Wáitiakrisha Niji̱a̱i̱ akupkáttaji. Natsantakrinkia Nisha natsantramprattaji.

Isr. 10:23

Yus tsaṉkatramkattajnia nu shiir enentáimtamu iniaitsuk kakaram ajasár tuke emetatniuitji. Yus tsaṉkatramkaitjinia nuna umiktatui.

Isr. 3:6

Túrasha Kristu Yusa Je̱e̱n takarniuchu asa antsu Yusa Uchirí̱ asa nui̱ ashí akupeawai. Nu je̱a̱sha iitji. Tura tuke iniaitsuk kakaram ajasár Yus suramsattaj nu wararsar nákastiniaitji.

San. 2:7

¿Níṉkichuk ainia Kristu naari̱ shiira nuna ántar pachikiar peṉké yajauch áujmatainia nu? Tura átumka nuna naari̱ tuke shiir awajkurmin ashí shuar “Kristu shuari̱” turamainiawai.

Apu. 1:5

Núnisaṉ Jesukrístu shiir yaintmakarti. Ni tana nu imiá nekasaiti. Nisha emka jakamunmaya̱ yamaram iwiaakmaja̱i̱ nantakniuiti. Tura ju̱ nuṉkanmaya̱ akupniu Úuntri̱nti. Iin anenma asa ni numpe̱ja̱i̱ ii tunaari̱n nijiatramkaitji.

Apu. 11:3

Túruiniakui Wikia Wi shuaran jímiaran akatran akupkáttajai. Nusha mir tusiantu sasaintia tsawant pujusár Winian etserkartatui. Nuka menaintiú uwí naṉkaamasaiti. Útkur entsatái̱ pushin entsaru ártatui” turutiarmai.

Apu. 12:11

íksaṉ ii yachi̱ nupetmakarai. Yus susamu murikiu numpe̱ya áinis Jesukrístu numpe̱ja̱i̱ nupetmakarai. Nisha jákatniuitkiusha surimiatsuk nekas chichaman páchitsuk etserkarmai. Núja̱i̱sha iwianchi úuntri̱n nupetkarmai.

Apu. 13:2

Nui̱ wainkiamaj nu Yajasma nekas úunt ya̱wa̱a ániuitiat nawe̱nka chai̱ nawe̱a ániuyi. Wene̱sha nekas kajen ya̱wá̱a ániuyi. Tura Ti Kajen Yajasma Entsaya̱ Yajasman ni kakarmari̱ncha tura ni akupkatniuri̱ncha susamai nuja̱i̱ ti kakaram akupkati tusa.

Apu. 14:12

Nu asamtai ni chichame̱n umirainiak Yusna ainia nuka Krístun ti shiir nemarainia ásar nu tsawantai̱ itiurchatnum pujuiniak katsuntratin áiniawai.”

Apu. 17:14

Murikji̱a̱i̱sha mesetan najanawartatui. Túrasha Murik nupetkartatui. Nisha uuntja̱i̱ naṉkaamas Uunt asa tura núnisaṉ akupniúja̱i̱ naṉkaamas Akupin asa nupetmaktatui. Tura Niji̱a̱i̱ írutraa nu, Yus Winia atí tusa achikma ásar tura Nin tuke umirin ásar Niji̱a̱i̱ nupetmakartatui.”

Apu. 17:6

Nu nuwa̱sha Yus shuar Krístunun etserkar máwarma ainia nuna numpe̱n nampekuyi. Nuna wainkian ti enentáimturmajai.

Apu. 2:2

‘Ashí ame túram nuna nékajai. Ti kakaram takaakum katsunteamuncha nékajai. Yajauch shuar nawamtsuk awemaitrume. Shuar “Yus akatrámuitjiai” ántar tuinia nu nekaamarme. Wáitrinia nusha nékaitme.

Apu. 3:11

Wárik winittiajai. Takakmena nu emetata. Akinkiatniuitmena nuna chíkich shuar atantramkiara̱i̱ṉ.

Apu. 3:3

Yus Chicham ti shiir enentáiji̱a̱i̱ emka antukmam nu ataksha enentáimpram emetata. Tura tunaarumsha enentáimpram iniaisata. Tura iniaiyachkumni̱ṉkia kasa núnisnak nékatsmin jeartiatjame.